2005 年 9 月 18 日 星期日 
B4U SKY X 過節 X 朋友仔
@LIFE:今日日記新增連結
算你的名字好不好~大家有興趣就玩下丫
我個就超準唷!大家都去睇下啦~
休完息今朝開返工嚕~哈哈,超少貨,好少野做,好正丫~好快就收工嚕,收左工緊係去88灣岸啦~正丫!不過-,-......一早去到,都係冇位坐,等等下點知變左同小新打麻格,攪笑,一圈4局入面,舖舖都有糊叫但係又食唔出=.=...包尾收場...降格唷...
都唔好玩既~口享~~~~~~~~~~~~~~~~~
之後係灣岸贏返哂~呵呵,900粒星啦~多謝哂!玩完返屋企訓覺,準備今晚同班朋友仔食飯,好好聚一聚啦,訓之前家進打左過來,傾來傾去都係果d...大個啦,你要點做先叫做好,自己細心d諗下啦~知冇!
訓醒之後,出發,人齊之後,點知家進冇來...太唔比面啦...一年都冇咩幾次,咁都唔來,好唔比面者,說實話,我真係有d唔開心架...不過...算啦,既然你選擇唔來,有你既原因既~食左成晚,大家都有講有笑,不過點都唔夠bee狗掂架啦,阿蕾~諗諗佢丫,呵呵~
食完飯,各自回家,我送左阿蕾返屋企...之後我自己都去開工啦~
不過最後...我發覺到一樣野,係我自己既直覺來者...
都係自己知算啦~
88~大家聽日見!
丫~差d唔記得tim...大家中秋節快樂丫...
家進~doris,今年中秋雖然見唔到你地,係到都同你地講一句中秋節快樂啦!
仲有妳丫~知唔知o.o?平時都冇咩表示,送花比妳啦!
2005 年 9 月 17 日 星期六
B4U SKY X 悶悶 X 休息息 
@LIFE:琴晚休左息,真係正,好耐都冇試過休息啦~呵呵!
醒左之後繼續睇阿新比我既GUNDAM SEED 啦!,不過睇一集就HANG一次機,要先睹為快係咁架啦,冇所謂啦,部電腦個位好易熱,唉!睇來又要買電腦枱,等佢好好散熱先得啦!~
睇到夜晚9點幾,阿基話幫我剪髮,可惜我訓左啦,中秋節...
都係好好抖下啦~
2005 年 9 月 16 日 星期五
B4U SKY X 成長 X 每個人的 X HAPPY ENDING 
@LIFE:想一想,想了又想,以家呢一份工都做左好幾年啦,做到好悶丫~以家覺得!
不過唔做,d錢邊一到來!?
琴日知道因為有拍擋想休息,所以搵左個fd來幫手,點知朝早開工時發覺,e...點解好似又少左一個人咁既!?噢...大軍潛左水...妖...以家好q憎人射波丫...又要做埋你果份,人工又唔會多d既..唔制呀~你都諗住星期日休架啦,守下規拒好喎,以家你又提早休息,星期日你咪休息丫你~粉腸!
放左工,拿拿臨就返左屋企,入完歌仔又出左尖咀打機"灣岸見啦"!今日都打左幾多下~呵呵!又爆一次機,行去海港果時家進打左來,我叫佢一齊食飯,佢又問我可以咩,我話~有咩唔可以?大家都係朋友,有d野,過左去就由得佢走啦,仲有咩好講呢?...等埋詩姐,阿新...4個人就係中港一齊食飯!係食野途中,家進都有算係咁以出下聲,我幾怕你咩都唔講!?
食完飯~我見阿新未收工,就去打多一陣機,之後家進有事相求,嗯,有咩事就出聲,我都唔會再過問架啦,我幫得就幫啦!係咪?玩左一陣到,阿新收工...返到上水買左個都幾平既dvd rom~一齊返左我屋企裝,攪左一輪之後,本想同阿新,一齊食晚飯既,點知屋企人今晚突然又話做節,好在,時間上既許可,我都同哂兩邊一齊食飯,好耐都冇同屋企人食飯啦...最重要既人~要齊人丫~好開心...
返到屋企,緊係要睇FF7啦...嘩!!好正囉呢一隻DVD...動作又激,畫面又正,到我都入哂迷,之後又睇左一集SEED,掂丫~
真係唔該哂阿新啦~THANK YOU~今晚休息一天,唔駛開工...訓嚕!!大家聽日見!!
好多好多唔開心既事,都已經過左去啦...大家既笑容都返返哂來,大家既新一頁又開始左啦~唔好再諗返以前啦,好多事都係自己諗過好多,深思熟慮先會變成今日既自己,與其唔開心,點解唔學懂接受,面對呢?
開心D享受人生啦~
2005 年 9 月 15 日 星期四
B4U SKY X 完了吧 X 如無意外 X 從新應開始該好好戀愛
@LIFE:今日呢一個TOPIC正哂啦!呵~
開工都係咁啦=.=...多貨到死,想快D轉工丫!唔講啦~
放工灣岸=.=...日日都好好玩丫!朝朝都人地請我打機,唉,都唔知點多謝你地好嚕!玩到車檢,噢~走人...返屋企,一沖完涼就訓=.=...因為琴晚傾得太夜嚕,不過,冇所謂啦...值得既...朋友們
訓醒左~幫下手煮飯,食完飯,傾下電話,最重要既係家進你搵我傾計,算啦~過左去,由佢啦!前途緊要丫~之後打日記,訓啦~
唷!好啦,實在發生太多事啦,大家都經歷左好多事...希望大家唔好再諗以前既事啦,所有事,都已經成為大家心入面既塊寶啦!無論~係開心,係唔開心...放係自己個心入面就算啦...唔係提啦^_^"
多謝各位~~~~~~~~~~~!!
大家開心返哂嚕~~~~~~~~~~~~!!
聽日又出尖咀=.=.....
PS:新加入阿謙日記連結~呵呵!中華英雄~~~~~~~哈
2005 年 9 月 14 日 星期三
B4U SKY X 忍無可忍!? X 何需強忍!? X 不過唔係我忍!~
@LIFE:唷唷!好多貨丫~好多貨丫~哈哈=.=...
做死人咩~可惡!!
今日準時返開工啦,我以後唔敢遲嚕!做呀做呀,無咩特別事發生,不過今日突然發覺,大家團團結結,快手快手咁做野咪幾好囉,睇下,今日d貨出得幾快,又冇比德哥罵,幾好丫~所以話呢...哈哈!
放左工,緊係要去灣下岸先啦,呵呵,不過最正既係,打左成朝,都唔駛20蚊~yeah yeah~
點解,因為我唔留手,係咁win囉...咪以為淨係得你地日日操車先得架,我山長水遠出去尖沙咀打故事,都有付出架,我都有成日嘗試下,係d灣點樣可以快d架,嘿嘿!今日仲唔威返次o.ov多謝哂你地陪左我咁耐喎,之後又幫人copy card,唉!人地想走架ma~又迫人地玩...不過一路玩,差d唔記得今日要做既野,就係
同阿新食早餐啦,不過之後又變左飲茶~哦!?
行行行~係行緊果時,家豪打左來,話:阿新好火丫~快d來啦,有野睇丫,嗯!咁我就加快我既腳步,快速咁走去海港啦,一坐低,阿新就話...
家進,射左波=.=.......
我:下~~~~~~~~~~~~~~~~~~~~~~~~~~
我當場打個突...唔係掛...琴日先應答應我好好地咁做,搵錢,你今日竟然射波~~~之後仲要人體諒你,你要人體諒d咩先?...有冇搞錯呀?
之後,阿新叫我準備見工,好丫~有人唔識珍惜呢一個機會...但係我會囉!
食完野...同阿新行街,家豪就要開工...之後兩個人行左都係一陣者,之後就走人嚕...跟住自己一個人又身痕去左323打鼓...哈~加skill points丫麻,玩左4舖到......
１０００分曲目
Fairy Tales LV86
824.12分,target~1000分~O.OV
唔知可唔可以o係V2出之前玩到1000分呢?
我要玩Fairy Tales唷!咁以後就唔駛用ticket嚕~之後撞到阿雄,傾左一陣,知佢冇工開,咁我就叫佢我見得成工,你就準備接我個位來做...佢話冇問題...好啦~萬事俱備,只欠見工者!睇住來丫~
 11月27丫~仲有排等唷!!
上完網,訓左一陣,之後夜少少出左去搵大家傾計,主題就係家進啦!
大家去到海港,好在,家進都比面我地呢一班老朋友=.=...如果冇你,今晚大家出來就冇意思~傾傾傾,大家對家進既心態都講哂出來,家進佢,我諗都明哂架啦,朋友們關唔關心你,在唔在乎你...都係一句啦...
想你開心者~
無論將來係點都好~唔好諗返以前啦...過左去就係過左去~唔好如果啦!
keep going!~
放下心頭大石啦!
|
| B4uSky |
|
|
暱稱： B4USKY*:D
性別： 男
國家： 香港
地區： 東區 |
| MORE... |
|
| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
|
