2005 年 9 月 13 日 星期二 
B4U SKY X 痛 X 痛死我啦 
@LIFE:訓幾個字,之後又返訓=.=...攪到遲大到啦~~~
返2點3...2點8先返到去,之後又比人叫左去元朗幫手=.=...唉!又有排先收得工啦...
不過~過到去,竟然冇咩野做=.=...跟o下車,係咁以汁下野,又6點幾~時間過得真係快...仲有人請食早餐TIM~多謝哂啦,做做下野,突然落好大雨,噢,呢幾日都悶焗左好耐,我等你呢一場雨呢耐丫,以家空氣清新左好多啦,好涼爽!
叫埋阿盈起身~E!次自己識醒喎~
之後繼續做野,過欄杆過時,撞到左腳...丫...好痛...
以家左右腳都傷=.=...丫~貪玩啦貪玩丫拿...
實在太可惡丫~DM V竟然咁快就出V2=.=...呀~實在太快啦,等我係V到練多D先~1000先準玩V2=.=....呵呵!(有咁既可能咩=.=?)
１０００分曲目
Fairy Tales LV86
800.32分中,1000分我來緊啦!
返到屋企訓左一陣,哈!真係好訓丫~...
訓醒左,上左一陣網,睇下日記,之後同阿盈傾左一陣,唉!如果我晏晝有聽妳電話咪好囉!咁就可以一齊行下~
傾完之後練左一陣BM~食野, 覺豬......腳仔好痛唷!~
2005 年 9 月 12 日 星期一
B4U SKY X 愛妳一萬年 X 愛妳經得起考驗
@LIFE:丫,天氣好差呀,空氣指數好差丫,能見度好低丫,好悶熱丫,好...好...好....
大家今日出街記得唔好著深色既衫丫,可以既話帶枝水旁下身丫~呵呵!
好咩呢O.O?
一切一切都係我開工既時候出現哂=.=...有冇搞錯,落場雨啦,天氣都冇咁悶熱丫!攪到我吸啖空氣都感辛苦丫,空氣太混濁啦~係咁既環境開工,加上又貨多,真係苦上苦嚕!!攪到抖足精神既我,都"不敵天氣,兩班鬢白...都可記得你"咁囉~呵呵
丫~好想睇丫,但係冇人陪唷~
之後,我又出左尖沙咀啦~呵呵!
好,打灣岸,打鼓鼓,落左金馬倫打灣岸,之後又S2 CLASS啦,距離SSS唔遠啦,呵!
見仲有時間,過左金星打鼓,我要加SKILL POINTS 呀!因為出來之前上網睇到仲有方法可以加,所以一於去試,去到,即刻試下玩NON-STOP模式啦,玩左一連4首歌之後,噢@.@~點解會咁架...一加就加10分@O@?
一下就去左780.12分喎...仲有加左2萬幾PT ...丫,原來可以咁玩既~正!
之後又玩多一次,可惜過唔到,慘被CUT歌...跟住又有人跟機,食飯時間又未到,去左新港而打左兩舖,呵呵!800.32 SKILL POINTS啦...玩左咁耐終於都800以上,自己個名名變左藍色丫~好型仔!
１０００分曲目
Fairy Tales LV86
800.32分中,1000分我來緊啦!
跟住就到左中港同詩姐,阿新食飯,講下D八掛野,丫唔知今年中秋好邊樹玩好呢O.O?不過都唔知有冇人到者~你地有D人咁BUSY,工都返唔到,梗何況,出來玩~呵!係咪者~?
食完野,阿新,特登收早D陪我行街~成日要你陪,真係唔好意思啦,之後我地落到旺角,先去左先達睇野,點知行行下,我又見冇咩人,咁我又身痕想幫部機"拉花"喎,攪左一輪之後,型仔哂嚕!行行行~睇下相機咁,夜少少兩個人一齊上左椰林閣食飯!傾左好多計~又知多左好野,都事來丫,食完飯之後,阿新又帶左我去一個好地方,次次都有新驚喜喎真係,果到就係IN-POINT啦,一上到去,D FIGURE平到自己都唔信,有冇搞錯丫"遠板"加"SABER" 660蚊=.=?我買隻SABER都399啦=.=...唉!無奈,一路行,一路見到好多好多平野~太正啦呢一個地方,不過最重要既係,唔係太多人行,唔似得皆旺果邊咁迫,都幾好行下~好正丫,月尾去掃貨,睇來都係在所難免啦!
之後阿新送我搭左巴士,之後返屋企啦!...儲錢儲錢!
放左工,9點幾10點,臨訓前,阿蕾打左來,無無聊聊咁傾,一傾又傾左個幾鐘=.=...丫~之後又同阿盈傾到點幾...訓啦~要訓啦~
事業上機會~有機會就上!GOGOGO!
2005 年 9 月 11 日 星期日
B4U SKY X 睇法 X 捨棄 
@LIFE:點解呢~點解呢?
星期日加埋今日係跑馬日,點解要係揀今日去谷貨者?唔係做唔做死既問題,係賣唔賣得哂既問題囉=.=...
不過,賣下賣下,到左最後都係淨低果兩三件貨返車=.=...德哥你係得既~咁都比你賣哂~
放左工,又去左麻格,不過自問自己冇咩打麻雀天份既我,一早唱左果48蚊,者係4局,唔駛幾個字就比我消哂=.=...唉,打下灣岸都冇咁嬲~突然發覺,都係唔好玩麻格好d啦,d對手全部都係賭徒出生既=.=...我呢d水魚真係打咩比佢地食咩,勁無奈唷!都係打下鼓灣下岸算啦=.=...
講真丫~麻格個對戰feel幾好,好過MJ好多~不過由於佢開局真係太貴啦,一圈12蚊,都係間唔中玩下好啦,成日煲真係唔得,玩左兩日,已經過左一百蚊啦!係咪好燒錢呢~
自己打麻雀好勁既朋友~我極力推介你地玩"麻雀格鬥俱樂部4"多謝各位!
返到屋企~本想出尖咀同新哥食下飯,吹下水,但係無奈地我實在太攰,唉,都係比我抖下啦~呵呵!訓到差唔多7點到打比阿新,諗住佢收左工,返左上水,請返佢飲野補數啦~點知佢又未收工,又o左一粒喎,唉!唔緊要,我實等你架喎!
等到佢返來之後,借左FF7佢玩下,比埋個藍牙佢教我整,點知食完飯都整唔到=.=...可惜可惜...成日都係講一個冇責任心既男人,算啦阿新,講都係哂氣,自己做自己野啦,佢咁大個人仲唔識諗...23歲啦!~
食完飯,一個人行左一陣~返屋企之前買埋兩期網球王子,回家嚕!
好啦講完自己,有D野...自己好睇唔過眼,好想係呢一到講下!~
就係...你...到左呢一刻...你醒未呢!?
好好地有份工...你又唔做,成日曬哂D時間去做埋D無聊野,你以家想點呀?
你就來工都冇得開啦,醒啦!比你追到佢又點者,佢咪又係玩你,佢對你有FEEL既,一早同你一齊左啦,你真係甘心比人地玩既,點解到左呢一刻,咁大個人啦,仲係咁架你,之前你話D咩將來呀,唔會衰比人睇呀,咩前途丫~去左邊呀?
你以前團火,個HEART去左邊丫?個事業心去左邊丫,開工又HAR下HAR下攪咩者你?你以家都唔知似咩咁~
香港大把人冇野做丫~你知唔知者?
如果冇人罵醒你,我以家就罵醒你~
轉變!?你一直都冇變丫你~
哂時間啦~
攪到自己唔開心由自可,最重要係比到麻煩朋友...
不過,你都係受軟唔受硬果隻架啦,呢一篇文章,你明,就唔該你好好地做人...
唔係既話,你大可以唔駛理我呢個朋友,繼續你地既生活啦!~
多謝收看今日既日記~88啦,明天見!
１０００分曲目
Fairy Tales LV86
769.12分中,唷~
2005 年 9 月 10 日 星期六
B4U SKY X 有趣 X 我唔鐘意你捉魚....
@LIFE:今日未完...
不過,上傳左歌比大家聽下...好好笑架!
我會放一日架咋...想要首歌可以問我攞~ICQ見啦
阿新~點睇呢O.O?呵呵!~
放左工上傳完歌仔就去左訓覺豬啦...
4點幾醒左之後,又出左尖咀=.=...月頭都係咁出,月尾都唔知點算好啦....
今次出去既原因係因為小新帶我去据扒喎...好野!!
到左尖咀,因為未到約定時間,所以落左金馬倫打左一轉灣岸先,不過冇打故事升class,點知變左對戰,唷820粒星星,多謝哂啦~完左冇耐,小新來到,比佢又打左一陣就出發~不過好可惜=.=....
我地太晏去食啦,因為去到都好多人,唉,有d唔好既預感,坐低左,落完oder,發覺咩都要加錢,不過,唔緊要,最緊要好食~...不過,真係都等左幾耐下...我叫塊扒5成,唔駛咁耐既...
好啦,到左出餐既時候啦,塊扒一落枱...我就係中間一切~~~~~~~~~~~~~~~~
點知就出事啦@.@~
點解好似全熟咁既...我叫左5成,你比個well done我做咩者?一d血水都冇,咁叫唔成,唔好玩啦,唉~睇來下次都係要叫3成先得啦=.=...其實心裡面呢,係想食7成既,叫5成既原因係因為,佢係落鐡板架ma...塊板咁熱,5成都差唔多變7成啦...唉,實在太令我失望啦...不過,成塊扒都不過不失咁啦...okok~,所以話呢,食西餐千祈唔好係人多既時候食,因為係呢d時候既出品實在太馬虎啦,香港人咩都要快=.=...唉!都唔識享受既,求求其其又一餐咁!
食完野,兩個人就過左新港玩"麻格"點知開到玩過時唔識買卡,攪到蝕左16蚊,之後又要用返15蚊去買卡=.=...妖,開頭仲以為係部機出架ma,點知原來要去唱錢到出卡=.=.......無耐!好啦~到開始正式玩果時,由於太耐都冇掂過麻雀啦,梗係輸多過贏啦,不過玩到中段就好左好多,有糊食下,最可惜就係食唔到舖大三元,比個日本仔果兩翻搞掂左我...真係可惡丫~
玩玩玩,玩到差唔多成11點都未返屋企...
12點返到家中,一陣仲要開工....
玩命的麻格...一如何料,麻格係一部好燒錢既機=.=....都係間唔中玩下好啦...
不過都唔夠wccf勁=.=....3分鐘到,又10蚊...一日人工,要燒哂有幾難=.=....
免費mms真係好正丫~加埋手寫板功能.......天生一對啦!~
呵呵!聽日見...
多謝大家收看!!~請大家繼續收聽,頭文字T
１０００分曲目
Fairy Tales LV86
769.12分中,唷~
2005 年 9 月 9 日 星期五
B4U SKY X 麻雀格鬥俱樂部 X 返來啦~
一直比到麻煩大家
唔好意思啦...D日記已經UNLOCK返哂...之前既野大家睇下就算啦
唔開心既...
過左去就由得佢過去啦...
勇敢面對每一天
我相信會更加好...逃避永遠都唔係最好既方法...
點解唔去學懂如何"面對",同埋"接受"呢?
朋友們既關心...多謝哂...
詩姐...
阿新...
DORIS...
家豪...阿謙...
仲有家進...
網友wing...nancy...
thank you my 4ever fd~
yeah~開心返嚕,繼續去玩!!遊戲人生~
Game For Life!
~"我"就係"我",冇人可阻我~
@LIFE:琴日係我呢月來訓得比較好既一日,可能行街行到攰先令自己訓得著掛=.=...唉唔知啦
但係起身返工又見又眼訓-.-...SHIT...
呢幾日心情好返好多啦...學阿謙講,過左去,咪算囉~
不過自己都有D唔同左啦...
嘿嘿!我今日朝早過德哥到丫,呵呵
今朝D貨多左一D...不過唔緊要啦,人齊開工幾多貨都冇問題~
最衰就係D貨去得唔係好順...晏左少少收工咁啦~
放左工同小新食早餐,之後傾傾下,講下隻麻"雀格鬥俱樂部4",哎呀,唔好諗咁多啦,想玩咪玩囉!
大家約實左今晚一齊係"東宝"玩下先~
係屋企打下日記之時,阿新打左來,唉,家進又來料丫?今次我知道阿新好火囉,家進,老老實實啦,你攪咩野先,返兩日唔埋工,又一大遲到,真係一日一小遲,兩日一大遲喎,唔好咁落去啦...有份工就好好地咁做啦~
見佢\地咁,都係唔好啦,睇來出一出尖沙咀在所難免架啦,好算你地狠...我...我..出來,橫掂好耐都冇同詩姐食飯...唷!一出到去,梗係打下鼓先啦,噢,打左一輛,扯哂氣...終於...加左
2分=.=....
宦係算啦,我會努力架啦...之後去左灣岸,無辦法啦,真係唔玩唔得...因為只係得呢頭有兩蚊一舖灣岸,點都要打返夠本架啦~gogogo~
打左40話...3個鍾到...已經用盡左我今日既hp,mp啦...=.="
不過,真係好抵打呀~呵xd
之後同詩姐,阿新一齊食飯...好似好耐都冇同詩姐傾計傾得咁開心啦,睇佢比我攪到佢咁開心,自己由唔開心,都開心返啦...不過,以家都冇諗啦,開心返哂嚕!
食完,我繼續灣岸,等埋阿新收工,落旺角,整電話...落左新港又練打鼓,"正論"唉呀,我就連auto bass都過唔到...佢lv61者=.=...好難打丫~xd,無聊左一陣之後,去左金星,bm左一陣,出左個RX 8,灣岸...諗住有特別稱號,點知...過程有少少出錯=.=...唔得...攞唔到...
到左阿新放左工,一齊去左海港睇高達,掂丫,又有個好地方丫,多謝阿新好介紹~兩個人落左旺角,我就諗住買揹袋,因為細佬攞左我本身用開果個=.=...唉,當比左佢啦,行左冇耐我就買到個新揹袋,簡簡單單,幾好睇丫,之後落左先達...本來諗住整電話外殼既,無耐太多人,整唔到,不過都睇中左個款架!之後過埋皆旺,我就有少少收穫啦,220蚊真係好抵,一套兩隻GUNDAM SEED公仔...呵呵,攪到阿新都想買,出糧先啦你,又話請我十下十下~,跟住行完,兩個人一齊返屋企嚕!
家進又差我一餐
阿新又差我一餐
唉!都幾唔得閒喎我...XD~
PS:阿新...你已經有你既目標啦,係件好事來架,相反,自己都未有TIM...如果我可以幫到你既話,即管開聲啦...都十幾年FD啦~總有一日我會要你幫返我呢!呵呵~
今日都係冇玩麻格=.=...
|
| B4uSky |
|
|
暱稱： B4USKY*:D
性別： 男
國家： 香港
地區： 東區 |
| MORE... |
|
| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
|
