2005 年 8 月 25 日 星期四 
B4U SKY X 人生 X 錢 
@LIFE:呢幾日開工唔搭的士,的確全慳左好多喎!!呵~
哈哈~今日D貨好好賣6點半就放得工,成朝都做得好順,正~
日日都係咁就好囉~
放左工比人拉左去食早餐,=.=(我以家日日想唔食早餐慳錢,你就日日拉我去食,但係無奈地自己收左工又好肚餓喎,唯有食啦~唷!!
食完野,返屋企,諗住訓醒左就砌JUSTICE,點知,訓醒左之後,阿新搵我出去佢到食飯,之後又醒起今日家進 DAY OFF!咁就搵埋佢一齊出左去尖咀食啦...出去途中,阿炳好少有地打搵我地星期日返大陸揼骨喎,我就係到諗,正喎..不過一諗起佢會唔會帶埋阿美去我就驚驚啦~唷!!
之後就同左阿新,詩姐一齊食飯,唉,此終都係食唔到蘿蔔糕=.=...妖,要點叫ODER先食到架...可惡丫!!
食完同家進去左打下機...一齊夾下SEED咁,自己玩JUSTICE都開始熟練左,不過要係咁練真係要付出好大既代價...成5蚊一舖,真係搶呀,年尾好似話出PS2版...到時係屋企打就正啦,唔駛我出街都得啦~
玩到6點幾返上水,不過返之前就落左粉嶺睇隻"遠板"幾錢,一問之下,嘩!!成450蚊,仲貴過隻SABER...有冇搞錯,死黑店丫,得我出旺角格下個價先返來買妳,450蚊,我買隻"霞"都冇咁嬲啦
跟住就同家進兩個人,一路食雪糕,一路傾下計,一路返屋企嚕!!
講到尾又係一個"錢"字~
唉!!~又一日啦,浪費青春唷!!~88
2005 年 8 月 24 日 星期三
B4U SKY X JUSTICE X 又係咁既一日 
@LIFE:開工儲錢,開工儲錢!!
唔搭的士返工,唔出街打機,唔...唔咩好呢!?\ @ ╕ @ /""
都係唔好唔唔唔啦~
好悶丫,好悶丫,訓醒又唔知做咩好喎,想砌好部JUSTICE.因為部METOR係個幾月前已經完成左
以家係差部JUSTICE咋,唔得聽日一定要砌好佢~
夜少少阿新搵左我出來傾計,呀!~計落都未試過同佢一個人傾計啦!
其實講左咁多,事業其實就一家重要架啦,不過,自己既另一半都重要,講真一句啦~
如果,自己當初唔係喜歡她的話,又點會揀佢架呢!?
有緣相識,係埋一齊,就好好對人地啦,就算對方對自己唔好...
盡左自己作為另一半既責任....就算到時...
因了解而分開,又或者其他因素...
自己都會好過一點,因為錯...不是錯在自己到...對嗎!?
只是對方同自己相對左咁耐,都唔了解自己o者~
無需責備自己.....~
傾完計~行埋龍豐一陣,見到好耐都冇見既carman...估唔到佢夠膽叫我地個全名,真係搞笑啦!
咁我地兩個都係咁以打個招呼~繼續睇野~
做靚妹真係好~等男仔追,唔駛做咁,大把青春~唉!!
睇完~回家!!
上下網,攪下日記~悶悶一DAY!!有冇人有工介紹唷!!??
2005 年 8 月 23 日 星期二
B4U SKY X 砌圖完成 X 時間
@LIFE:天氣好!個人心情都靚哂!!
開工果到d貨開始多返,又要做返快d啦~
放左工,去一去好耐都冇去過既88玩灣岸,同佢地好耐都冇對戰過啦...不過
由於自己冇咩點操車,人地就日日操,相對於自己就差左少少啦...輸仲多過贏~
不過都玩得好開心丫,this is a game~
輕鬆完返屋企砌埋幅砌圖,唔駛一陣比我完成埋!!
砌好左啦~有d色真係難睇到死,好難砌=.=...OMG!!
阿新~到你砌果時就慘囉~呵呵!!
砌完之後,由於細佬又掛住打電腦,想上下網都唔得,之後去左幫爸爸入數...好在唔係o係黃金時間去入,所以都冇咩人排隊,好快就搞掂哂,臨返屋企之前,見到o係海港隔離間麵包舖請學師仔,不過由於人工係我比我心目中更加更加低,我真係諗冇咩人可以估到囉~
返到屋企開下部封哂麈既PS2,玩返高達vs Z高達,由於冇得玩SEED,玩住呢一隻頂下瘾先啦!!目前得141%...幾時先到300%呢=.=??
夜少少家進上左來攞煙,幫得你買,你就唔好同我計啦,成人講埋哂呢d說話,你會出糧架ma~
你姐係唔當我係你個best fd者~~呵呵!!
本來諗住染髮既,點知個細佬返左來,自己又訓左喎
聽日先啦都係~呵呵!!
4格漫畫!!\ @ .@ /""
 轉貼自GOA講場
多謝哂!!~
2005 年 8 月 22 日 星期一
B4U SKY~ X 好天氣! X 砌圖?
@LIFE:太陽,像個~大南瓜~~~~~
哈哈~終於都好返天啦.呵呵!!
天氣咁好,更係要搵d野做下架啦,就係,打掃屋企,掠衫唷唷!!
不過都係好無聊囉!!好快就搞掂哂,唔做由自可,一打掃之下,原來間屋5個人住,原來真係有咁多衫褲既=\/=
一汁之下自己都O哂咀咀.......
一之次洗哂D衫,真係一D都唔好受=.=...做媽媽既,真係好辛苦,自己都深深感受到...
搞好哂d野之後,身痕咁攞左琴日買頭文字d套DVD,跟碟送既砌圖來砌,不過都係500塊者,砌左一輪,都係完成左4/5到=.=...唉!!
冇咩野做既一日~早抖!!
計劃既年尾大事~事成都係一樣野架姐~
錢!!~比心機~~!!
PS:自己D細佬硬係唔明D大出來工作既辛苦既=.=...!!??無奈耶~
真係打機大過天~
公開~星期個性:
星期五男人
天生具備藝術家的氣質，舉手投足間魅力無法擋
真心個性平和絕不濫情
是個很典型的居家男子，在感情收放上善感細心
會擁有濃厚的家事興趣
好準喎~你/妳地呢?個連結係網頁既左手面,大家可以去睇下!!多謝
2005 年 8 月 21 日 星期日 
B4U SKY X 天氣壤 X 身體壞
@LIFE:落大雨,落大雨,天氣差D極點,我既意思當然係講既o係我開工果時講啦!!
大雨到真係自己都唔信,搞到自己做既野果時都覺得好煩丫~黑人憎唷!!
不過由於今日係星期日,就算成身濕哂都阻唔到我同小生去打灣岸架啦!!呵呵~
放左工,如常係去左88玩灣岸,同B哥佢地玩真係好開心架,唔計勝負,只計高興...後尾自己仲成為B哥第一百個犧牲品=.=...搞笑~
玩左陣返屋企,本應就就住小生放假,大家一齊諗住出尖沙咀玩灣岸既,可惜既就係,天氣咁差,搞到自己都唔想出,加上又出尖沙咀,計計下唔買月票都唔掂呀=.=...無奈!!都係訓覺算啦~
醒左玩練左陣BEATMANIA IIDX,開始對 V ANOTHER有D了解,希望可以係今年搞掂你,你睇住來丫~
睇下細佬玩WARCRAFT,煮下野食,汁下間屋...
夜少少收到阿新個電話,話一齊食飯...順個便教我電腦d野~
上左來之後,搞左一陣間,教完我之後,三個人去左銀龍食飯...食飯中途,聽下佢地開工發生果D鎖碎事,都可以笑餐飽既...呵呵!!食完順個手買左頭文字D既 DVD~成二百幾蚊
 ...
返屋企途中,搵下yammi...以為佢過沙田,睇下個傻妹做得辛唔辛苦...哈
點知放緊大假=.=.....
聽日先開始返...做野小心d啦...
返到屋企,覺覺豬~聽日見啦....
ps:更新左mp3.自欺欺人...上傳成功!!(唔該阿新教我)
ps2:日記更新:加入"星期個性"(大家可以自己去睇下,多謝哂)
|
| B4uSky |
|
|
暱稱： B4USKY*:D
性別： 男
國家： 香港
地區： 東區 |
| MORE... |
|
| «‹ August 2026 ›» | | S | M | T | W | T | F | S | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | 31 | |
|
|
