2005 年 8 月 5 日 星期五 
B4U SKY X 愛情 X 將來 
@LIFE:放左工同德哥講左聲要休息,好在都比佢批准,太好啦,去左4日漫畫節,真係好想訓一覺架~
今日朝早真係可以話係玩命的TUNE車呀...大生,小生都比左佢地張車卡我攪,一個話,幫我車檢哂佢,一個又話,幫我TUNE埋果40話佢丫,我比埋錢你啦...我梗係話好架=.=...SHIT
食完野,拿拿聲走去先幫小生部 EVO VIII TUNE到815先...點知!部野個FEEL唔太好,對於我來講,頭5話都要重玩3次=.=...SHIT打左3個鐘到...終於攪掂左...
之後起行返上水競技幫埋左生兩架車出二代卡...自己又玩左一陣間,攪下攪下...又兩點!!
返到屋企,家進搵我食LUNCH,食完話去公園傾計,我話唔好啦,你睇下今日既空氣指數幾差....又熱...但係佢都係要傾...噢,真係冇你收啦,一傾之下,傾左D關於愛情既野,雖然大家都有唔同既見解,但係無奈地兩個蠢男人既愛情觀都係一樣=.=...唉,都係事業行先啦咩野都係假,再睇下大家將來會係點,都係一句啦,比心機 KEEP GOING~...傾左無耐,得知阿炳佢因工傷而冇左份工,其實對於我來講,今之真係沖動左少少喎,以家咁難搵野做,不過,希望你隻手快D好返啦...快D再投入工作...
傾完計~返左屋企練下BEATMANIA IIDX之後阿炳打左來搵我去網吧喎...隻手傷左仲可以打機...真係掂架啦你,佢仲有頭先先玩完灣岸咋=.=....不過我唔去啦,又落大埔,我D火車恐懼都未消除得哂....之後睇下阿勤打陣電腦,我就去左訓啦....
原本今晚放假諗住有大把時間同妳傾計既...可惜丫,我訓左覺覺豬嚕!下次先啦都係\ ^ ╕ ^ / 呵呵~
2005 年 8 月 4 日 星期四
B4U SKY X 回鄉証 X 旺角
@LIFE:就來去旅行~加自己又生日啦,唉,又大一歲啦,單身既日子又多一年....=.=(無言)!!哈哈!連休返兩,三日息都好爽喎...一於試下先~諗起就正.....
本來諗住幫小生TUNE車,但係今日又要同阿勤出旺角攪回鄉証~所以都係聽日先啦,放左工,拿拿聲攪好哂D野,出發去旺角...神咁早出旺角...真係唔多...不過呢幾日搭火車都搭到怕啦...驚驚....
出到去,都唔係攪左耐,整好左隔幾日又要出過去攞....拿,勤哥,你自己出丫,我唔出啦......
之後同左佢食吉野家早餐,跟住起行返上水....返到去,自己去左打灣岸,TUNE SUPRA~呵呵!!不過...呢架野好難用....
返到屋企,睇埋係漫畫節買既書書...唔睇唔覺...一睇落去先知自己都買左好多本=.=....呵!!...
之後訓左一陣...打日記...
發夢都見到自己搭火車......SHIT....
都係快D訓啦.........
2005 年 8 月 3 日 星期三
B4U SKY x 休息 x 都係休息
@LIFE:漫長既漫畫節係琴日終於完滿結束啦,所有体力都可以話完全耗盡...所以,諗住放工之後一定要訓返一覺好先得...今朝開工果時,本來都冇咩野發生既,但係之後就出事啦,由於14.15號返大陸去玩下,但係,阿勤個圖回鄉証點知係一個月前夠左期.....SHIT!之後爸爸叫我同細佬出旺角整個特快証,咁我問佢聽日得唔得架,佢話:唔係唔得既,最好乞日去整囉....
之後由於真係太攰啦,所以都係冇同阿勤出到去,放左工去左88打左一陣灣岸,就返左屋企訓覺...嘩!!真係好攰...
訓到4點幾5點,阿新晏晝都冇搵我約食晚飯,可惜丫,我訓左覺,之後變左去飲野,搵埋家進,未夠鐘之前同大生係上水競技諗住車檢,點知3部機又冇哂卡...CRAZY.!!...跟住去左88搵人對戰,玩到阿新出來就走啦!!
JOIN埋阿新之後,傾下相機,傾下大家開工D野,不過我都係聽佢地講多,家進有返份工太好啦,好好咁學野啦,成為新一代黑咪廚神啦...有咁既機會,好好把握啦!阿新~好好睇住佢啦!!
經一事,長一智,我地又大一年啦!!呵呵....
傾完返到屋企,攪呢攪路,yammi打左來,好耐冇傾過計啦,哈哈...
2005 年 8 月 2 日 星期二
B4U SKY X AYBSS 八強之戰 X 漫畫節...ver..ver....4=.=.... 
@LIFE:死下死下好要開工,如果唔係有人放大假,我實休息...不過因為去玩而休息,又好似唔係咁好喎...都係留返D大時大節先休啦,就生日啦,生日先休息~呵呵!!
放左工食完早又比人拉左去灣岸...呀,放過我啦...好唔好!?唔好再送星星比我啦之後多埋小肥來,一玩之下,架IMPERZA都好似唔係好夠力咁...對住架EVO III一D力都冇,睇來都係要返包圍先有得玩啦~唔唔.....不過玩下者,有咩所謂丫,之後久違左灣岸既B哥都來埋~爽丫,佢仲贏埋=.=.....CRAZY Orz唷~
返到屋企,仲以為可以訓下啦,點知勤哥話比我知,今日11點要去到喎,我話,o下,唔係掛.....我睇一睇個鐘,10點...拿拿聲汁好哂d野就同佢仆左出去啦....仲比佢大我,阿哥你唔去我唔打比賽=.=.....shit.!!
呢一次真係"第4次超趕漫畫節".....唉!!
到左之後,點知又未打=.=......妖,咁等我地唔駛咁趕出到來啦,之後一個人on下on下咁行,影下女仔,又影下公仔,又咩都影下...行行下最pk都係有條友係刑派筆....點知係一枝溜墨既筆,攪到我一手都係,之後我返到搵果條友...佢失左蹤囉...想f下佢都唔得=.=...呵!!
之後睇阿勤打4強入圍戰...輸左....唉,大緊張啦,都冇第一日個狀態咁fit...不過算,收拾好心情之後打三盆兩勝既第二場,不過可惜我行開左,睇唔到,之後都係輸左....可惜囉...之後賽後檢討佢都話打到來呢到,都好好架啦,出年再打過喎,咁,阿勤你要比心機啦~...
之後我返海港,比煙詩姐,跟手join阿新,家進食飯...食食下仲o係機緣巧合之下可以見到yammi,哈哈...能夠見到妳真好!哈~比左煙詩姐之後,傾左兩句就鬆人,同家進落左新港打機等阿新放工...去到見到新出既gundam seed既新game...嘩!!就算係6蚊一舖都係要坐低過下手瘾架啦,一玩之下,速度感好高,比前兩集gundam有過之而無不及呀,可以同家進玩到第7關先輸,都好勁啦~
到阿新放左工之後,我地兩個人又拿拿聲又去影相,今次佢準備哂野...佢仲話一定要影爆佢咁話喎,不過,真係冇見過阿新對一樣野, 咁有熱誠啦...比我攪到我都想玩相機...好!就同你一齊開心下~玩大佢.....
去到...可能我太攰啦,又唔想悶到個細佬,所以都係得阿新佢影..我自己果部根本入唔到位.,唔合格啦..比佢影飽啦,三個人又鬆人...我竟然係今年可以去4次漫畫節.....din哂.....仲有,希望阿新今次好好把握呢一個"機會",呢d野可遇不可求架真係...不過,我地首要既條件,睇來我地兩個未來一,兩個月都要努力下先得啦...係咪丫~阿新...
如果真係實現既話,我地兩個唔愁冇野玩~冇地方去~
返到尖咀,家進來左搵我地,阿新就返學....我,阿勤,家進,一行三人食埋dinner就返上水啦~~~~~~
呢幾日...我出尖咀真係出到怕啦=.=........
yammi,病左好好抖下啦,唔好諗d唔開心既野,記得戒口丫~
@@@@@@@@@@@@@@@@@@@@@@@@@@@@@@
相相時間~ 以下照片"係經過當時人同意"而上傳比大家分享既!多謝捧場唷~
新哥中招........
呢個女仔殺死左唔少人既菲林同RAM=,=
壓軸~輝哥一出,大殺4方~~~~~~型爆,E上鏡都幾靚仔喎,詩姐呵~
@@@@@@@@@@@@@@@@@@@@@@@@@@@@@@@@@@@@@@@@
久違既小遊戲又來啦~
選照片，測愛情*
從兒時到現在，每個人都會有很多不同類型、不同時期的照片吧，那麼選選你喜歡的照片，測測自己的愛情吧!（單選題，只能選你的最愛哦）
A 集體畢業合照
B 個人藝術照、寫真
C 在自然風景區或戶外活動照
D 全家福、和親人的合照
E 童年的照片
你/妳既答案係咩呢?想知既話,留個言,就可以知架啦~
我就係d,真係好準架~~~~想知就留言啦~
 臨走前~"找"屎你唷~呵呵!!
2005 年 8 月 1 日 星期一
B4U SKY X 攝影 X 漫畫節 ver.3...=.=..3!? 
@LIFE:經過琴日既洗禮之後,開工梗係死下死下啦=.=...訓左得果一個鐘都唔夠,好在又冇落雨,又冇比人罵,又順順利利咁度過啦~呵呵!!
放左工即刻上德哥車走,搭左一程順風車~THANK YOU...
返到屋企,即刻沖涼,大訓覺~~~~~~~~~~~~~~
之後接到無數阿新打來既電話,到左4點幾到,準備一下D野,就同阿新來第二次既漫畫節啦,我已經第三次啦=.=...SHIT,出到去JOIN埋阿新,到左會展我地又去搵我地要搵既野啦~呵呵!!搵到啦,影啦...影影影,影到我地兩條友都上哂瘾咁,其實我都覺得好正,影到D靚人,靚景真係好爽,無奈既係自己部CANON太CHEAP呢,原本阿新果部都好勁架,點知佢條友都話好廢呀,來到呢到....我真係冇野好講囉!!O哂啦!!
影影下又JOIN埋輝哥一齊影...太好玩呢,不過我地影果幾個女仔都幾靚架,佢地D SELL野能力都超強,買啦,買啦~~~~60蚊咋~耶.....=.=.........
阿新同輝哥都中左招...買左,不過佢地換來既,就係可以唔駛迫,同果幾個靚靚小妮子合照啦,好野呀,兩位~!!
阿新影夠啦,鬆人,返到尖咀JOIN埋家進食DINNER,不過阿新,下次唔好唔返學啦,呵呵...食完野,大家都一齊返上水,返緊去既途中,可以睇得出,家進新開既呢份工,實屬辛苦,睇佢好快就訓著就知咩事...
返到屋企.......又11點....SHIT...快D訓先~
家進,阿新...做野唔好更硬來呀,小心D~知冇...
今日金句:買啦,買啦~~~~60蚊咋~耶!!
|
| B4uSky |
|
|
暱稱： B4USKY*:D
性別： 男
國家： 香港
地區： 東區 |
| MORE... |
|
| «‹ August 2026 ›» | | S | M | T | W | T | F | S | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | 31 | |
|
|
