2005 年 7 月 16 日 星期六 
B4U SKY x RAINBOW x RAINBOW
@LIFE:放左工....又灣岸...唉丫,放過我啦....又玩,不過今日就見到傳說中既真人pk啦,話說我幾二個人三人對戰緊,仲有一個人自己係到tune緊車,點知佢臨輸果時熄機,搞到我地對戰途中,三個人停哂,之後其中一個大漢就係到話,喂喂~你同我地玩一次啦,咁我地就冇事可以繼續架啦,之後變左4個人一齊玩,玩完之後,果條友自己玩返.....跟住又輸...又熄過機,咁條大漢就終於忍唔住啦,走左去兇果條友=.=......仲濕左佢一兩野tim....
之後比人打果個人,走左去搵差佬,之後d阿sir都冇佢咁好氣=.=...大佬,打機者....駛唔駛搞成咁呀?之後我個fd返到來,由於粉嶺88實在太熱啦...所以走左去上水88玩....本來都唔想去架啦,但係佢又叫到,咪陪下佢順個便教下佢玩囉...玩到咁尚下~就返左屋企啦...
返到屋企,家進出左尖咀,見工,我緊係同佢去約會啦,但係出去之前,同左"妳"傾左一陣電話,哈~又係有講有笑,如果唔係有約~我一定會傾耐一點點,不過唔緊要啦,一點一點咁傾,會好d呢~.....仲有我地一提起詩姐,就大把野講,內容仲......=.=..呵呵~....
到左尖咀,我詩姐,家進一齊食左個lunch~但係中途在下激動左少少,希望兩位見諒呢...在下o係呢到應承你地...絕對唔會再有下次!!食完飯之後,因為唔係幾開心,所以去左新港打左一陣鼓機,唉!開咩beforu演唱會丫,比家進笑死我啦,打一苜歌,跌足三次鼓棍....哎唷,比家進疼疼呢,不過我地兩個諗住睇戲既~因為慶祝家進有工開啦,請佢睇戲囉,可惜丫~開得太晏唷~家進話唔睇...好啦!!下次先啦...之後我話想玩beatmania IIDX 11styke ,佢又陪左我去玩,玩左最後,想玩"rainbow rainbow"定係"雪月花"好呢,家進就話,"rainbow rainbow"啦,我想睇下你點死.....呵呵,我話:嘿.玩咪玩囉!!又唔死既....噢!!結果緊係比苜歌虐待啦=.=.....玩唔到唷!!|\ @╕@ /~~!!
回程個陣家進請左我飲野~多謝哂啦!!
得到身邊好多朋友既見解...係到同大家講聲!!多謝....
無論我地結識既時間長或短....你/妳我能相識.....實屬我的榮幸....多謝...
新!始終我既出發點係錯左...希望得到你既體諒,原諒......對唔住...我對你唔住....
希望你快d開心返.......
2005 年 7 月 15 日 星期五
B4U SKY x 二代卡 x SKY^* 
@GAME LIFE:唷~灣岸見啦,訓醒左就同婉儀走左去大埔,一齊搵姊姊食飯食完就同大生,小生,一齊實行呢個灣岸二代卡換購大行動啦,由於佢地未到,所以自己走去出左張先,呵呵,真係整得唔錯喎,D卡既料比假卡好好多,實在唔同...出卡一睇~噢,係部白色R33呀~好型仔呀~
之後佢地兩個都落埋來~我地緊係同人對戰啦,可惜丫,大埔D人都傻既,快到無倫...一之第一都攞唔到,唉,真係失敗...仲有呀~點解個個都出R32架,6部機,有4部R32..!?係咪個個都咁鐘意用呀?見快就用...玩來都冇意思啦,不過我就係死都唔信MR 2 贏唔到你地班R32既車手~嘿~睇住來丫...
大家一唔玩,一路等車檢.噢...到左最緊張既時候啦~出卡啦,大生出左張'R32零奈"呀~噢!好靚呀...小生出果張又係女,不過係"森下"同佢一班女既卡~噢又係好靚唷~總之今日灣岸之旅就好正,好完滿...
@LIFE:朝早開工比較多貸,所以就比較快手去做野啦,真係跑住去做,不過做做下比人插左一野=.=...唉!德哥丫,如果我見唔到件貸仲有冇存貨係到,以你又得閒答D客喎...咁我緊係幫你答架啦,仲有~都係賣唔到一件野者=.=...駛唔駛咁先...之後我都賣果左件野啦,都算係咁啦~
放左工走左去大生去打灣岸~教下佢一DD心得,自己就冇打啦,因為張卡要車檢,所以要留返去大埔先玩得,教完佢之後就返左屋企,打下日記就訓啦...
上網又DOWNLOAD唔到歌=.=...點比阿儀呀!?
訓醒左之後出發同婉儀出左大埔,又可惜比唔到部I-POD佢丫~因為D歌都未DOWNLOAD哂,可以我話冇...佢都好無奈,都唔知點解好似冇咩人放歌上去咁既,有冇搞錯丫~之後既野就睇返上面打機果D野啦...
返屋企睇下劇集~唷!以家三色台既"邊到"同埋"奪命增高"都好緊張~好好睇,睇到入哂神...
食野~玩下~又一日!!
今日就係出左呢一張卡卡啦,最衰部相機cheap cheap啦~如果唔係影自己果張上來睇睇唷~
今日金句:凡事向好果方面去諗,好事自然會來....
2005 年 7 月 14 日 星期四
B4U SKY x 無聊 x 無奈 
@GAME LIFE:大埔有灣岸二代卡出,今日玩埋左幾舖,玩完幾次到車檢,遲下落埋大埔去車檢先........
@LIFE:唔開心唷,不本諗住同詩姐食LUNCH既(本先冇約到既)出緊去果時都有打比佢,但係冇人聽喎,以為佢開緊工啦,去到尖咀"出左閘"先打得通比詩姐,噢!!後尾先知佢放假.......唉!!點解出左閘先聽電話.....都冇得返轉頭啦!!(都係冇緣架啦)
本身已經唔係好開心架啦!
好!既然冇得返轉頭,之後諗住搵阿新食飯,但係佢冇聽電話喎......可惜.....之後又行下尖咀,但係冇目的咁行,一路行,就一路諗,如果係以加多份工咪好囉!!點解係以家咁哂D時間...好無聊,好無奈..加上天氣又曬,搞到個人好熱,好辛苦......就又諗D唔開心既事.......行下行下,行到去金星.......
唉!!唔開心呀,打機發洩..........
打左幾舖BEATMANIA IIDX....較到部機好大聲,自己又"禁"D制又好大聲,自己都唔似係到玩咁...好彩自己冇玩打鼓機咋,如果唔係......鼓掍都比我打斷呀.......
個人冇咁熱之後,又行....落左去沙田行街,搵NDS配套......點知,冇...........自己都冇心行架啦,都唔知落去做咩!又哂車錢,又哂時間行....又搵唔到心頭好,咁唯有返屋企啦!!
返到上水,買左野食比細佬食,佢就開心啦,成班FD上左來屋企打機,食完野,走左去訓啦.....訓醒到已經成9點幾,媽媽煮左飯,我都冇食.....因為晏晝果餐都好似岩岩食完咁......打完日記又訓...
PS:如果真係係我既錯誤,我會認...從而影響到人地...我一定會負責!!
今日金句:無奈,無聊.........
2005 年 7 月 13 日 星期三
B4U SKY x 生日 x 日期 
@GAME LIFE:今日冇打丫~屋企d機都冇......打日記算唔算打機先=.=............!?
@LIFE:唷~大家好丫,我係"toro sky"呀~因為今日轉左"多羅"喵喵頭像呢,我自己真係好鬼死like呢一隻sony喵喵架,呵呵!仲唔比我搵到你個頭像~嘻嘻.......
 ,不過呢一隻野既電話繩都好難搵到,就算有!!都唔岩自己心水既....唉!!想換條電話繩者~........
放左工~搞下搞下個日記又到11點=.=.......
知道左阿勤可以升返原校都好開心,至少唔駛幫佢搵學校先啦,唉,總算放下心頭大石啦.....見佢阿勤咁開心,呢個假期比佢玩放d啦........f.4呢一仗,一定要睇緊d佢先得,唔想佢步自己後塵,做大既都要努力先得..KEEP FIGHTING啦學家進講~
整完個日記,就同家進傾左一陣,之後就就左訓覺覺,訓到7點幾左右,媽媽今日放假~幫手煮飯,之後佢出街買多少少野,跟住我又走左去訓=.=.....食埋飯,之後上多一陣網,睇係d fd 既日記,點知=.=.....都冇人打日記既........(灰)!!
琴晚睇完一個電視節目.....有影到日本既HELLO KITTY LAND........嘩,真係又靚又正....o係果到有座船仔,遊覽成個HELLO KITTY LAND架~身為男仔既我都有D衢動想去一次丫,但係以家去日本好似好唔抵咁喎......呀~好~~好~好想去"秋葉原"掃二手野呀,好想買BEATMANIA IIDX既書書丫~仲有二好多食玩丫,中古野丫~好多好多野好想丫~~~~~~呵!仲有YＵＲＩ ＳＡＳＥＭＩ呀∼∼∼∼∼∼∼∼∼∼∼∼海膽壽司唷！！
儲錢......年尾睇下去唔去得成.....
在 日 本 本 州 的 Sanrio Puroland 及 位 於 九 州 的 Harmony Land ，一 直 被 香 港 旅 行 社 統 稱 為 Hello Kitty Land ， 原 因 無 他 ， 在 云 云 Sanrio 出 品 的 日 本 卡 通 精 品 當 中 ， 以 Hello Kitty 系 列 最 為 人 所 熟 悉 ， 自 然 會 以 此 作 招 徠 。 其 實 在 兩 個 樂 園 裡 面 ， 除 了 有 星 中 之 星 Hello Kitty 之 外 ， 尚 有 SANRIO 門 下 的 得 意 卡 通 公 仔 如 Little Twin Stars 、 大 口 仔 ( Mini No Tabo ) 、 青 蛙 仔 ( Kero Kero Keroppi ) 、 PC 狗 ( Pochacco ) 、布 甸 狗 ( Purin ) 等 。
|
九 州 的 Hello Kitty Land 是 Sanrio 旗 下一 個 大 型 戶 外 樂 園 ， 但 玩 樂 節 目 同 樣 豐 富 ， 有 適 合 大 人 細 路 的 小 型 過 山 車 及 其 他 機 動 遊 戲 如 、 音 樂 旋 轉 木 馬 、 尚 有 久 違 了 的 旋 轉 咖 啡 杯 ， 有 xo 仔 、 青 蛙 仔 ， 布 甸 狗 及 Hello Kitty 杯 等 您 上 座 。 此 外 ， 值 得 觀 賞 的 計 有 卡 通 人 物 大 遊 行 、 大 型 的 歌 舞 劇 表 演 、 冒 險 劇 場 、 卡 通 明 星 船 及 Kitty's House 等 ，更 可 坐 遊 覽 車 欣 賞 園 內 的 自 然 風 光 和 坐 上 高 60 米 的 摩 天 輪 ， 定 能 一 睹 別 府 灣 的 海 岸 景 色 ， 實 行 大 飽 眼 福 。 園 內 除 玩 樂 之 外 ， 當 然 不 得 不 提 吃 喝 的 部 分， 這 裡 餐 廳 類 型 多 樣 ， 豐 之 國 內 設 有 Hello Kitty 主 題 餐 廳 ， 尚 有 Harmony Bar ， 及 其 他 露 天 餐 廳 ， 快 餐 亭 等 供 遊 客 選 擇 。 離 開 前 可 到 園 內 的 Kanto’s Market 購 買 關 東 的 食 品 ， 如 包 裝 精 彩 的 糖 果 以 及 地 道 工 藝 品 ， 勿 忘 到 園 內 Sanrio 精 品 專 門 店 買 限 量 發 售 的 Hello Kitty 精 品 |
就咁睇下姐.....我都覺得好正.....
 =.=....3千YEN一個CAKE......
 好似好好睇咁喎!
 最後整多一張!!不過就算有得睇....都未必聽得明D日本人講咩=.=.....
今日上下網搵到既一個小遊戲,你/妳地係咩類型呀~?
以下係我偷步估下先~~~!!
@YAMMI~9號丫,都中中地喎!!善解人意，又富有博愛精神。容易感情用事，也容易受到環境左右。
@B4U SKY ~13號丫,個性冷靜謹慎，即使再細微的細節也能注意到。再加上本性誠實，能得到許多人的信賴。都中~
@JACKAL ~18號丫,性格非常極端，不是意志堅定勇往直前；就是"感情"用事隨波逐流。中哂=.=......
@GARY ~6號丫 ,個性溫和而且穩重。最大的特色就是不論對任何人，都可以表現得既親切又寬大。 ,有時激動左D
@SZE ~2號丫 ,性格溫柔，喜愛和平，是個感情豐富的浪漫主義者。缺點是容易為一點小事就受傷害。唔駛我講中唔中啦 呵~
其他自己諗啦=.=........呵~
<轉貼>生日.....所代表的意思
1 號 獨立精神的野心家。因為包容心強又喜歡照顧別人，身邊會圍繞許多仰慕者。
2號 性格溫柔，喜愛和平，是個感情豐富的浪漫主義者。缺點是容易為一點小事就受傷害。
3號 洋溢藝術天分，雖然性情令人捉摸不定，但是基本上還是屬於受歡迎的一型。
4號 嚴謹認真，凡事都會腳踏實地努力耕耘。不過自我意識頗強烈，不善於和他人協調。
5號 腦筋動得很快，擁有適應變化的能力。喜歡追求刺激，較難安於現狀。
6號 個性溫和而且穩重。最大的特色就是不論對任何人，都可以表現得既親切又寬大。
7號 感受力敏銳，非常懂得察言觀色。不過缺乏和周圍協調的能力，注意不要變得太自我中心。
8號 一旦下定決心，便充滿幹勁全力以赴。這種個性的人朋友多，敵人也多。
9號 善解人意，又富有博愛精神。容易感情用事，也容易受到環境左右
10號 意志力旺盛，不服輸，獨立心也十分旺盛。需注意不要流於莽撞行事。
11號 性格浪漫又多愁善感，是個肯努力的理想主義者，能夠盡情享受豐富的人生。
12號 具有華麗高貴的氣質，對各種事物都抱有興趣，常識豐富，教養良好。
13號 個性冷靜謹慎，即使再細微的細節也能注意到。再加上本性誠實，能得到許多人的信賴。
14號 頭腦清楚，好奇心旺盛，樂於追求快感，又行事衝動；不可思議的是運氣總是很好，很少失敗。
15號 意志力很強，立定目標後無論遇上任何挫折，都會排除萬難達成。通常都很喜歡照顧別人。
16號 聰明,做事情有條理，不輕易受別人影響，做什麼都有自己的一套。
17號 平常看起來溫和體貼，其實主觀很強，有時候會出現大膽行動，讓身邊的人大吃一驚。
18號 性格非常極端，不是意志堅定勇往直前；就是感情用事隨波逐流。
19號 想像力豐富，有個性又有才華。不過自尊心很強，而且有好強不服輸的傾向。
20號 是個性喜和平的浪漫主義者。脾氣雖然不錯，但如太過任性，將會遇上意想不到的挫折。
21號 開朗快活，充滿活力，到哪裡都很有人緣，是凡事都往好處想的樂天主義者。
22號 認真而且責任感很強，只要不剛愎自用，做生意成功的機率很大。
23號 挑戰心旺盛，學什麼都能很快上手。問題是喜新厭舊，而且欠缺耐性。
24號 擁有敦厚慈愛的人品，所以即使個性神經質，遇到低潮時，身邊的人都願意伸出援手。
25號 看事情不求深入，隨著好奇心行動，到處累積經驗。個性獨立。熱愛自由。
26號 耐壓力特強，即使肩頭責任重大，也能夠處理得穩穩當當，是個實行主義者。
27號 有個性，感情也豐富。擁有應付各種狀況的機智，若能掌握時機，成為成功人士的機會很大。
28號 韌性很強，擁有戰勝困難的力量。這天出生的女性，常給人一種妖豔的印象。
29號 人生的道路似乎波折不斷，容易感情用事不過運氣和生命力都很強，必定能夠成功，獲得幸福。
30號 擁有語言文筆藝術等天分。缺點是容易沈浸於逸樂，而缺乏責任感。
31號 誠實認真很清楚自己的人生目標，能依照自己的信念和原則過一輩子。但個性有些頑固。
PS:大家睇完記得留個言丫�摍誘U準唔準?\ @ z @ /||
2005 年 7 月 12 日 星期二
B4U X 一個英文字 X JACKAL
@GAME LIFE:以後唔再係好眼訓既時候.......打灣岸=.=.....
@LIFE:放左工訓左一陣,同左家進去左食野,不過佢就好唔好彩啦.....佢幅眼鏡"斷開"左兩邊喎.......我諗....嘩,兩邊咁誇張呀,我都係以為爆鏡者.....同佢食完飯條我同呢個死仔傾計,佢就係咁講核突野.....我頂佢唔順囉,佢講d野真係唔出得街囉,大家如果要問,就自己問佢啦.估唔到一兩個英文字都比呢一條友仔講到咁Q淫架,真係Orz先~記住.......只係一兩個英文字=.=.......之後又行左去攞份就職果d張程睇,我地都諗住去睇下,佢夜d就去同舊同學食飯,咁我就返屋企啦~
回家途中~去左搵婉儀同左佢食左少少野,傾左以前扒王d同事既野,哈哈,我好耐都返扒王啦....搵日返下大埔搵下佢地先,仲有應該承左佢download歌仔~
送左佢返工之後,行左過隔離88打左陣灣岸,玩玩下就玩左個幾鐘=.=....打到成8點幾,嘩,乜d時間過得咁快架,之後腳浮浮咁行返屋企.....
打下日記~傾下icq咁又一日....
份傳單都好多野可以去試下~一於去睇下先~
PS:哈哈~終於可以同妳傾到電話啦,真係好開心架,因為之前唔敢打比妳,因為怕妳屋企人唔比妳傾呢,雖然話題唔多,但係都傾左好耐~多謝哂啦....未來既日子,我可以再打電話給妳嗎?希望妳唔好厭我係粗人一個啦.....
嘻嘻~
送朵花花比妳丫....
金日今句:一個"男人"要對自己所做過既野~負責...............
 好多配套想買丫~
|
| B4uSky |
|
|
暱稱： B4USKY*:D
性別： 男
國家： 香港
地區： 東區 |
| MORE... |
|
| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
|
