2005 年 7 月 22 日 星期五 
B4U SKY X 行山 X 下雨天 
@LIFE:唱完K,所有HP 同 MP都冇哂咁滯,好在可以訓返一個鐘叉下電...訓果時諗住自己都死梗架啦,應該會訓大,點知未到6點自己又彈左起身...呵,神奇,可能自己好想去行掛~咁大個仔都未試過正正式式行一次...不過......
一出到街就大雨到死
 ,一路行一路諗都係冇得去架啦,不過我都冇放棄到
 ,出左去先算,點知佢地會唔會鐘意"雨中漫步"架=.=....出到大圍左右....詩姐打比我,喂~取消左喎...我話~嗯,都知你地唔鐘意雨中漫步架啦,妳早D訓啦,之後YAMMI都有打來,傾左一陣...哈哈,點解妳可以咁精靈架
 ...6點幾...都唔知妳有冇訓過既...!?鬼打咁精神...收線果時已經又返到九龍塘啦,有D想出九龍灣玩BEATMANIA IIDX 12 STYLE.....唉~都係冇去到....因為以家先7點...幾時先到十點呢!?
 ....返到上水...食左個早餐...一路睇住個雨景...一路呆坐...唔知點解係呢個時候...唔覺眼訓,好精神...雨景好靚
食完之後諗住玩下好耐冇玩過灣岸~可惜機舖未開,所以返左屋企訓覺~
訓醒已經6點鍾~應承左大生,小生...等佢地放左工之後打灣岸...去左上水88玩...E~一玩返之後覺得自己好似好耐冇玩,好似唔識玩咁
....玩左20蚊到...都好似冇,睇下人地玩,自己又玩少少,又贏返少少~D時間過得好快...玩到8點半...買左少少野食...返左屋企打日記..食埋野~訓覺覺豬~
唔可以去行山......可惜..........
換唔到心頭好......仲可惜..........
今日發覺自己都係一個幾心軟既人.........係好....定壞呢?
BEATMANIA IIDX 12 STYLE "HAPPY SKY"上網專用卡,成張都係個天空果張好靚丫~最右手面個張...
搵一日出去入返一套先~
2005 年 7 月 21 日 星期四 
B4U SKY X 終結 X 未來
@LIFE:同德哥講左今晚請假,準備今晚唱完K,聽朝行山...放左工,搵左一陣工,之後練左一陣BEATMANIA IIDX...玩到攰就訓左一陣...醒左就打左詩姐,佢叫我JOIN埋阿蕾一齊出去搵佢喎..咁我咪等埋囉,之後JOIN左阿蕾之後,就搭巴士出去,係途中佢幫我睇"三世書",當中有好多都中,搞到我都有D信本書...都講得出,我以後自己都諗住想做既事...最可惜就係唔知屬咩五行,唔係可能知得仲多~
到左旺角JOIN埋詩姐~唔好意思啦,要妳等咁耐...大家食左少少野就一齊去"家樂"啦,JOIN埋家豪,阿新...之後阿新話唔唱~得返6個人唱...原本好齊人,最終都係....可惜...
哈哈,好耐都冇聽過阿品唱K啦,加上又好耐冇見,嗯~唱功唔錯喎,阿詩佢地勁就一定架啦,仲有家豪就係...我唔鐘意你捉魚~~~~~~~~~~哈哈,成晚笑死,好耐冇咁玩過啦...不過唔知下一次係幾時....唱到大家走果時都已經成3,4點啦~我返到屋企都差唔多5點...汁好哂去行山既野就訓啦~
今日金句:我唔意你去捉魚=.=.............
要好好珍惜朋友...
2005 年 7 月 20 日 星期三
B4U SKY X 平淡 X 不安
@LIFE:放左工一如以住搵工,搵完之後小睡左一陣,醒果時已經係晏晝兩點幾啦,之前又應承左一個同事出街,我就當係散下心咁又出左去旺角啦...同左佢行街...
出左去旺角,就睇左戲先,可惜丫,成套戲我都係睇得開頭,同埋結尾果幾分鐘....因為我中間竟然可以訓著左,唉...點解既...都未試過~睇完之後個fd就係咁講d劇情...我都唔知點答佢,不過d配音又真係幾好,都係有幾會先睇哂成套啦...睇完戲,去左行街街...不過一路就我有我行,就佢有佢行....都唔似兩個fd行街咁既,大家又冇咩計傾...唉,都唔知自己有冇悶親人...不過自己行果時睇到一d平時行都留意唔到既有趣事,物....哈~唔通唔同心情就行街都唔同D!?
同個FD食埋飯就去左尖咀JOIN埋家豪,家進放工返上水,到上水之後又JOIN埋阿謙,阿蕾傾計...今次就比佢地BAND得好應...叫我唔好傻...我從來都未試過比佢地咁話...哈哈,不過佢地真係講得好岩...我以家唔係以前既我啦,以後條路點行~自己好清楚...多謝啦!!
傾完之後,家進送左我返屋企,唔該啦,不如下次我送返你啦~呵呵...
有少少心底既說話,我想係呢一到講........
@家豪:)成班FD之中識得你最耐,雖然我地小學既時候,唔同班,見唔到大家,點知中學大家又可以見返面,一見到以家都十幾年啦~一直以來有你既幫忙~多謝啦!!
@阿謙:)好懷念以前F.3大家坐係隔離既日子~我以家都仲好記得架,哈哈...到左F.4之後大家冇見一排,以家你返左來我地個圈子到,我好開心...仲得到你既關心,多謝哂~
@家進:)一直以來,你不厭其煩咁係我身邊咁幫我,我一有心事,你係第一個出來既,我好開心,我都唔知可以點多謝你好.......
@詩姐:)你以家個角色就好似我姐姐咁,妳對我既恩,我會報既~多謝妳.....
@阿蕾:)雖然唔係同妳傾太多計,但係都得到妳既關心,見解....都係一句啦......多謝!!
::其實由於太多野想講,不能盡錄,不過以上幾位我想講多謝你/妳地一直以來既關心...諒解...我以家只可以同我......."所有"朋友講....你/妳地係我心目中........
FOREVER FRIENDS
THANK YOU~
題外話
噢~BEATMANIA IIDX 12 STYLE HAPPY SKY 已經出左啦~係KOWLOON BAY有得玩呀!
好想即刻走去玩丫~>﹏<呦~~~~~
2005 年 7 月 19 日 星期二
B4U SKY X 短訊 X 安靜
@LIFE:開工之前收到妳既短訊...好開心...多謝哂啦...有心...
不過..妳又咁夜訓...又唔聽人地講啦~
開工以為會好大雨...所以帶多左件衫...免得比雨淋濕哂,搭車走果時唔係幾好睇...怕整到人地...點知由開工到收到都冇落雨~哈哈,呢個天都待我地唔錯喎,今朝多個三個人開工~新手來既,咁就好輕鬆,靜係係到教佢地做,自己就變得好得閒,都好丫~琴日得我一個做...今日唔駛咁辛苦...
不過今晚應該得返一個啦,因為其中一個好似覺得好辛苦,頂唔緊咁...希望佢今晚都有開啦...
放左工,得到爸爸既見解...意見...的確說得對...我係唔會放棄架,爸爸同我傾完之後,個心放得更加開...自己睇得更加通透...明白...多謝哂啦......爸爸...以家我知應該要做...
放左工,又係屋企搵完第二份工d野之後訓左一陣...醒左之後,由於天氣太熱,咩地方都唔想去,留左係屋企,聽下歌,downlod下歌咁,聽返一d比較舊既歌,好好彩,聽到果,d都係一d激勵既歌...一留意歌詞之下,發覺好多字,詞都好有意思,哈哈...當鼓勵下自己啦...
係呢d時候,最好當然有另一半在身邊...給自己鼓勵,支持...一直以來都冇呢一種既福份...以住住想努力多一點點,辛苦多一點點去為自己的另一半好,去著想...但偏偏她唔明白...唔體諒...倒頭來都係剩一副受重創的驅穀...沒有了靈魂...沒有了動力...沒有意思去驅動自己去再行每一段路,倒頭想想一直以來自己在做什麼,為些什麼...自己有沒有做錯些什麼...或者真的有錯也不定,但是愛.....的對與錯...定義是什麼!?愛....有對與錯的嗎?世上真有多少個男與女,一直都係著緊自己,關心自己,犧牲自己所有野都要為妳/你開心,愉快的................呢個世界,有多少個傻仔傻女去真心為自己呢.....我相信大家,好清楚.....身邊究竟有沒有存在呢一種人呢...............有的話,請你/妳們,愛惜他/她們....
希望大家,好好......好好地對待...著緊自己既另一半...希望你/妳們,好好珍惜,疼惜,愛惜他/她們....
多謝~
夜D原本同家豪佢地食宵夜,可惜由於唔想諗咁多,加上見到面都係講同一樣野...所以我訓左呀,家豪,大家...我冇來到,SORRY啦~下次到我請返飲酒丫~好唔好者....
2005 年 7 月 18 日 星期一
B4U SKY X TURE X FANTASY
@LIFE:少少酒氣咁返工,諗住一定會比人罵啦,加上呢一晚都幾多貸下,又少左一個拍擋,冇所謂,照做...一路做,就唔知點解愈來愈精神,可能由於太熱,加埋出太多汗,D酒氣散得好快掛,所以做得愈來愈快,都係好事來既,德哥都話我呢一晚唔同左~摶左好多喎,我都係想D貸快D賣哂...今日呢個做野個FEEL,我要KEEP住落去...
平時如果遇到有人唔開工,又要做埋佢果份既時侯,我一定會好嬲.仲係咁搵野出氣...但係今次完全冇哂,可能睇得現實左啦,好多野都唔係你想像咁好,所以最後都係要做架啦,嗯...少個人咪做快D囉,成朝都好靜咁做,快心快腳,D野好快就賣哂,見到個自己場D野散哂好開心,個心咩都冇諗,好舒服...放開哂D唔開心既咁~
可能諗通左啦,遲下又比家進罵啦~哈哈!!
放左工,德哥請哂我地飲野,仲分埋冇返工果個拍擋份人工,嘻嘻~多謝哂啦...
以家決定左係未有第二份工之前,唔打灣岸...琴日成班FD放假去哂打...我自己都冇去,因為唔想再玩落去啦,搵多份工工先打都未遲啦...以家抖足精神~為第二份工又去搏過...
以家既心情..............好平靜...
因為我......唔想我既朋友再為我而煩惱啦...我同阿新既事,學佢講,等我地自己解決啦...好唔好?
多謝哂~
|
| B4uSky |
|
|
暱稱： B4USKY*:D
性別： 男
國家： 香港
地區： 東區 |
| MORE... |
|
| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
|
