B4uSky : 個人主頁 - 相簿 - 訂閱  [ QOOZA - 論壇 - 登入 ] 2005 年 9 月 8 日  星期四                                                   密碼...日記...感覺...B4U SKY...                         其實我就係覺得自己個日記冇咩好睇... 一個平凡人既日記有咩好睇... sorry咁多位... 其實大家本身都冇打日記架啦... 以家返返以前咁,咪幾好...因為日記令到我地成班朋友...出左咁多事來... 都唔開心既... 如果你地可以講到我地由開始打日記...因為呢一個日記而有咩得著既話... 你地又可以講到出來既話...我會unlock返自己既日記... 我自己係之前已經講過自己個感受啦... 可能...你地會覺得我好麻煩...你地可以當我係到發傻,發癲... 如果...你覺得我好無聊既話,大可以唔駛理我... 又或者,你地可以del埋我...係你地腦海入面永遠消失...唔存在都可以... 所有事...物...都變哂質啦... 無聊... 其實,呢一個日記...我真係好鐘意... 有時打完每一日既日記,自己都會係到睇返... 睇下自己點解會打D咁既內容出來... 有時睇返,都覺得自己好傻...(八力")傻瓜... 又或者睇下以前既開心事... 當中記低左成105日既事...有開心,有唔開心...好多...好多... 真係快,話咁快已經用左呢一個日記3個月... 當中...初初打日記,好少字,好簡單,因為都唔知記得D咩野入去好... 但係...慢慢... 愈打愈多...真係唔知點解... 可能,你地會覺得我每一日打既字特別多,而且,有時都好詳細下... 但係,點解呢...!? 因為... 我自己每一日,都可以同身邊最好既朋友... 自己最喜歡既人... 一齊度過每一天...其實... 係一件好開心,值得回味既事來... 所以想詳細一點點,記多一點點... 就係咁...每一晚,無論點樣都好,都好想一返到屋企... 就打日記...再加上,呢一個網... 係每一日...都有人睇,留意住... (我相信大家既日記都會係咁) 日子過後...再次回味...各種喜與悲...一切一切...都係呢一個日記入面... 好多好多...都好值得自己去回味... 4 EVER HAPPY SKY DIARY 希望未來既日子,大家都開心...自己既日記,生活... 每一天都HAPPY ENDING咁完每一日                                                                B4U SKY~                           刊登時間︰2005-09-08 09:56 AM  [ 訪客留言(2) ] [ 編輯日誌 ] [ 分享至FACEBOOK ] 2005 年 9 月 8 日  星期四                                                   B4U SKY X 無奈 X 繼續失眠                         @LIFE:點解~點解~一訓落張床就係到亂諗野...唔通真係唔訓覺咩? 都過左咁耐啦....................我真係訓唔著...又失眠! 恰下恰下咁返工,不過...一聽到又有人返唔到工...想唔醒都唔得啦! 即刻醒哂...(無奈)...好在D貨散得快,去得順...唔果唔係...我打電話去插條死剷呀... 隻腳真係好痛丫,你地班友仔,成日玩野,做壞哂D規矩...好好玩咩,成日走去休息咪Q做啦,笨~唔做咪可以長休囉! 妖~ 遲下德哥叫少一個人返工,睇下邊個走!?~休丫拿,長休都得呀你,玩跑馬機你又精神,覺都唔訓又死去玩,賺埋D錢都唔夠你起機啦~仲話養家,敗家就有你份!成日打機打到工都唔返,想做Q死我地丫?人工又唔會出埋你果份比我地...睇下我幾時爆架咋! 你老闆~ 中午既時候,本想出尖沙咀,但係家豪一個電話打來搵我食飯,我冇理由唔到架!~ 去到粉嶺,佢帶左我去据扒~lunch都食到咁,夜晚點算...傾左一陣計,行左一陣粉嶺中心,返去就訓到開工=.=.... 好耐都冇試過訓得咁耐... １０００分曲目 Fairy Tales LV86 767.45分中,目標1000分                       刊登時間︰2005-09-08 08:24 AM  [ 訪客留言(0) ] [ 編輯日誌 ] [ 分享至FACEBOOK ] 2005 年 9 月 7 日  星期三                                                   B4U SKY X 失眠 X 再失眠                         @LIFE:失眠,我相信再係咁落去,人都癲...點解唔比我訓一晚好既? 攪到呢幾晚開工都去左搭的士返工,又曬哂d錢...麻煩...但係無奈地,呢幾晚都遲到丫麻... 本來約左阿新今朝一齊食早餐既,可惜最終都係食唔到...訓醒左攪一攪亂左好多日既屋企,d未摺好既衫,就好似一座山,摺衫,掃地,汁垃圾,間屋就乾淨左好多啦,不過睇下幾時又亂過者...幾時先可以一個人靜下... 攪好哂d野之後,又係無所事事既時間,都唔知咁多時間係手做d咩=.="無野做又係到亂諗野,煩...夜少少終於都忍唔住一個人出左去,上水中心個公園到座下,一個人靜下,睇下會唔會好d咁,點知發緊呆既時候,有一個人行左埋來.... 佢話,我想... 做一個問卷調查... 嗯...好丫~ 之後佢就開始問,問左好多野,好多都同自己有關...其中一個問題比較得意... 就係,你覺唔覺得因為自己學歷低以受到歧視呢,係呢一個時候,我真係好想問下佢,妳作為一個大學生,妳又有冇係到歧視緊我呢一個f.4生呢? 真係好笑...! 問左幾頁紙...終於都問完,之後兩個人做問卷調查,變左傾心事...佢又講下自己,我又講下自己咁...傾左個幾鐘=.=...諗返...我都係第一次係街同陌生人,傾心事咋,我講左好多唔開心既野比佢知...佢不但冇唔理我,反而仲比左好多意見我...真係多謝妳陪我無聊左成個幾鐘囉!~哈... 之後等阿新返來,佢比左個藍牙我用,等我用電話方便d...真係多謝哂啦!~ 返屋企嚕~ 睇電視見到迪士尼新開,超多人,一如所料,我諗住去東京果個係正確既,見到d人係咁迫,食飯又要座係街,不過,新開係咁架啦... 去得果度玩,都係想要一個渡假feel者,太迫既地方,都係唔岩我多... 不過12號先正式開...我諗到時會好d啦~ 想一想,想了又想,好耐都冇打過ps2 d RPG GAME啦,呢排心情唔多好,物色一隻好玩既GAME玩下,放鬆下都好喎,再係咁悶落去,我相信我就來會死... 係咪係時候轉下一個新既環境呢,係咪應該去識多D唔同既人呢?我覺得,都係時侯啦,就睇下可以有D咩轉變...一於出去睇下啦...! １０００分曲目 Fairy Tales LV86 767.45分中,目標1000分                       刊登時間︰2005-09-07 03:25 PM  [ 訪客留言(0) ] [ 編輯日誌 ] [ 分享至FACEBOOK ] 2005 年 9 月 6 日  星期二                                                   B4U SKY X 心底話 X 轉捩點.....                         @LIFE:琴晚失眠既關係...真係訓唔著...好似冇訓過咁!係應該話隻腳痛到訓唔到先岩~ 煩死啦~ 冇精神咁開工,領哂野啦,比人罵...但係,我今朝做野好快,因為工作可以忘記一切...出一身汗,個人好似鬆左好多...但係,都係一樣...冇變~ 講真丫~我自己自問唔似得某人咁,咁偉大...以前自己就係太偉大,咩都去放人地係第一位,為咩者... 以家就連作為一個普通朋友既資格都冇咁,我係咪真係咁差?如果係既話,我人間消失,我覺得自己唔應該存在係你地既面前~我唔識做人"朋友" 為人諗咁多做咩,付出咁多為咩,一直以來都覺得自己好ON9~好撚蠢,青春就一直係到浪費...無聊極啦! 以家人大個左~識諗左,我都唔知算唔算係識諗...以家唔值得去做既,哂時間既...我 一定唔會做...我唔似得某D人咁偉大!! 人與人之間既感情變得唔可信...住住付出最多果個,就死得愈慘,點解以家人會變成咁,安份守己,一心一意,專一,不計較...既人...永遠都係大輸家...太偉大既人既下場係點...咪係成世比人玩囉!~無他架!對人好,人地咪當你傻仔囉,唔開心就有人哄...開心就一腳伸開你啦,電話一個都唔會打比你丫...唔開心咪搵你哄囉,因為佢\地知你諗咩丫MA,捉哂你D WEEK POINTS~又知你個心諗咩,之前毫無保留,無哂戒心咁同人傾計,付出...咪比人知道哂囉! 咁者係咩,ON9囉...最仲要既係咩者,為左呢D人,開工又冇心機,做咩都唔開心,又想搵野去發洩,之後又唔知會影響到人喎...你話丫,為左D咩,攞來煩...攞個心出來對朋友既...住住就係比人利用果個... 咩世界? 自己顧自己係最好既,因為自己就係最信得過.... 係打完呢篇日記既同時 以前既"我"走左啦... 一切都變哂,只可以跟住佢變啦...冇辦法! 呢一篇野,我只係會放到,今晚既12點...過左既...我會LOCK返... 睇左既人,當我發癲算啦,睇左就算啦...唔好COPY...比其他人睇... 唔該哂!~ 係到,我想講一點點說話,你要記住,人地唔係一定會對你好架,對你好,關心,係出自己佢既真心,真意,咪以為係老馮丫~每一個人都有要人關心既時侯,唔好以為自己好有吸引力,慳D啦,睇下你地幾時得返一個人,冇人理丫!~ 真係,我點解個名要B4U(BeFoR U)"行頭"...其實都係一個珈鎖... 係有原因架...不過,我唔想講啦... 呢兩三日我真係好唔開心..... １０００分曲目 Fairy Tales LV86 767.45分中,奮鬥努力中 訓醒左後,婉儀落埸搵我食飯,去左88 join埋佢之後,係食飯之前,佢就送左盒天蠍座神話比左我做生日禮物,我好鐘意,真係好多謝妳! 之後兩個人行左去睇電話,出左部米奇電話喎,咁岩我隔離檔口個事頭婆想出,就攞左d小冊子聽朝比佢先...之後去左新發食飯,食完,又去左88打灣岸,夜少少大新都來埋,一齊同人對戰,果個luna真係好厲害,R32真係好勁...大家打個平手咁啦,跟住一個人見悶悶地,又過左323打鼓,D LONG VERIONS真係好抵打,哈哈,係第4個STAGE仲過埋B4U首新歌,加左2分SKILL POINTS,好開心丫,不過又開唔到幅圖圖囉,返屋企打日記~腳仔痛,早D訓~ 份生日禮物...多謝啦婉儀~                       刊登時間︰2005-09-06 08:20 AM  [ 訪客留言(4) ] [ 編輯日誌 ] [ 分享至FACEBOOK ] 2005 年 9 月 5 日  星期一                                                   B4U SKY X 從今以後 X 想點就點                         @LIFE:玩野咩,星期一明知就多野做架啦,做咩比人休息喎...貨又多左咁多... 隻腳又無啦啦,好痛喎,又唔係扭親過,做咩會咁通架呢O.O?唔通打鼓,打灣岸勁得滯傷左我自己都唔知O.O? 呵呵~如果係就真係死得啦~不過以家行步路都痛,死丫~ 聽朝會齊返人開工,你班大叔咪同我休息丫下~ 呢幾日真係好唔開心丫,唔知做咩好多野諗,去自己攞來煩,好唔自在咁,都唔關自己事架,做咩自己攞來諗,攞來煩者~ 唉,都係一句啦,事不關己,己不勞心,人地既事,唔好多口,唔好在乎,都係好D,做一個不問世事既人,都未嘗唔係一件壞事~ 今朝開工真係做到我死咁滯,好在有順風車搭咋,因為真係痛到行唔到... 返到屋企,見到好多衫未洗,間屋好亂,唉,都係訓醒先攪啦...好攰丫~~~~~~ 家進又遲到,唉,我唔理咁多啦...有份工又唔好好咁做! 做FD既,真係幫盡啦~ 由於右腳愈來愈痛,好早就訓左,一訓就訓到,成5點幾,落床隻腳都係好痛...都唔知咩事! 起左身,屋企野都煩,唔想理,加上心情又唔好,想出街,之後出左上水88打灣岸,之後見之前婉儀又搵過我想出街,咁我就打比佢睇下佢得唔得閒! 之後大家就陪下大家咁啦,出左沙田,因為我都知佢其實冇咩朋友可以陪佢,佢又對我咁好,冇理由推佢,唔出街既,加上...大家都好耐冇見...見到面,傾下扒王之野,睇下佢做野點...唉!做野係要受氣架啦,冇辦法,人生唔如意十常八九啦~ 行下街,送生日禮物比我,食埋日本野,多謝啦! 兩個人去左睇千杯不醉,一個字,悶....... 可能心情唔係幾好啦,睇呢d戲,好似哂左咁~ 返到屋企又失眠...訓唔著...d人點解可以咁夜都唔訓... 想點者?...我儲夠錢就搬~ 一個人,安安靜靜...... 咩都唔好諗!~ １０００分曲目 Fairy Tales LV86 762分中,奮鬥努力中                       刊登時間︰2005-09-05 03:44 PM  [ 訪客留言(0) ] [ 編輯日誌 ] [ 分享至FACEBOOK ] « | 122 | 123 | 124 | 125 | 126 | 127 | 128 | 129 | 130 | 131 | ... | 145 | » B4uSky 暱稱： B4USKY*:D 性別： 男 國家： 香港 地區： 東區 MORE...   «‹ June 2026 ›» S M T W T F S 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 » 最新日誌 • 回來了．B4USKY • 身影．B4USKY • 記憶．B4USKY • 復完．B4USKY • 一個人!?．B4USKY » 日誌分類 • 全部 (721)

wingnmac

TSZTSZ630

kitluiangie

HIMIKO

neteke

dead1324

cleverluck

Nicola2007

nancy978

wawa1817

Yvonne1989

Max1324

顯示全部(26)

» 我的好友