2005 年 10 月 28 日 星期五 
B4U SKY X 補救 X 過錯...
@LIFE:又係做忍死既一朝,唉!都係唔好提~做丫做丫!今日仲遲大到呢...
比人插到暈...
加油~比心機做野!!
放左工諗住打下日記,點知個網又升級緊喎= =,喂喂,又話一日既...
睇睇今日想煲湯,係市場攞左D料,點知睇睇下又差少少= =...丫呀!之後訓左一陣,醒左就走左出去買野
去之前,過左323打鼓!打左廿幾蚊,呵呵!加左廿幾分丫!好開心丫!...打到攰,就去買野啦...
買下買下,又買左幾廿蚊...
返到屋企就試下煲呢一個五花果湯...開頭都幾順利架,不過中途有少少步驟上既出錯...
如果唔係既話,我相信呢一次煲得一定好好飲!呵呵
夜少少搵阿蕾,因為之前應承左佢比個MOUSE佢用,因為佢睇日記冇一個先進D MOUSE真係唔掂= =
之後見到佢,我又比野佢,佢又比野我= =禮上往來...
跟住行左一陣街!點知行行下又肚餓,之後食左少少野,傾多左一陣計,返屋企打埋日記
覺醋嚕~
唉唉!好多野諗唷~
好耐冇聽過盈盈把聲啦...
１０００分曲目
Fairy Tales LV86
874.42分
我相信,我可以架!!
2005 年 10 月 27 日 星期四
B4U SKY X 菜譜 X 湯譜 
@LIFE:今日市場終於少返d野做...
唉!可以輕鬆少少啦...
放左工睇下業譜,湯譜...之後想煲湯,點知又預d材料係菜市場又攞唔夠,所以都係煲唔到- -
睇下書咁,腳仔痛,抖左成日!
休息左一天!!
2005 年 10 月 26 日 星期三
B4U SKY X 求籤 X 不安! 
@life:今朝又係做到扒哂街既一日...唉,再咁落...去我相信我會好早歸西= =...
再住疲累既身驅返屋企,沖完涼...又想訓下先出去街街...
因為今日約左詩姐,同阿蕾,唱K,求籤...
淨返個一個鐘到,本想去打機磨埋D時間,但係真係太攰,走左去訓覺!
一訓...就訓到過哂龍= =...攪到阿蕾佢地仲以為我唔出去TIM...仲要阿蕾一個女仔走左去D機舖搵我...我真係好過意唔去...
之後比細佬叫醒左...
出發了!~
由於太攰,又眼訓...腳又好痛...所以出去既途中都冇咩點出聲,又係到諗一陣去唔去求籤...求左又唔知係好定係唔好!
好煩丫!去到NEWWAY...又冇唱歌!食完個LUNCH...就落左去行左陣,之後先入機舖...玩左冇耐!佢地兩個唱完K落左來搵我...
之後,又玩下灣岸...哈哈C1突入54秒台啦!呵呵~玩到53秒就收手嚕...
跟住想玩打鼓,點知又唔知攪咩鬼...超多人入左來跟機,鬼咩3蚊一個GAME,仲要可以打4首歌,係人都狂打啦= =
不過詩姐佢地兩個都玩夠= =...都係走人把啦!等左成大半個鐘都冇得玩...
之後一行三個人去左黃大仙求籤,求既過程真係好得意,好攪笑...可能係因為同兩個神婆去既原因掛...!?
係搖個籤筒果陣又係好好笑,詩姐搖極都唔掂,枝籤出左一大半,之後又慢慢...慢慢咁跌返入去...詩姐果時個樣真係好爆笑!既無奈...
3個人都求完之後,落左去阿蕾話好勁既術士睇啦...解籤!
一坐底,首先係我,由於我係第一次...其實真係好緊張架...我就求左3樣野...事業,姻緣,仲有..係我細佬既事業
咁對於準唔準呢...我係到可以講...係超準...真係好掂..佢一路講,我就一路O哂嘴...而詩姐阿蕾一路聽我既野,就一路笑
頂妳丫= =
而佢地呢,準唔準就等佢地自己講啦~
呵呵!
離開黃大仙...個人成個人都唔同哂,雖然好多野都係整定...但係...以後條路點行,都係有好多個可能性!
都係努力啦!!之後三個人落左旺角!先去左食少少野...繼續傾求籤D野!!呵呵~好攪笑~呵呵
根住上左紫羅蘭睇書,哈哈!我買左一本吾湯吾水丫之後又去左睇戲...睇完戲再行左一陣
跟住行多左一陣街!就同詩姐分左手啦~
同阿蕾返上水既途中,傾左好多感情既事...仲有...做哥哥.姐姐真係好辛苦...
算啦!都係咩都唔好諗...比心機搵錢啦!
PS:笑返啦!盈盈~
真係大起大跌...= =!
2005 年 10 月 25 日 星期二
B4U SKY X 整定 X 什麼都是
@LIFE:貨多返,做到我仆街...
少左昌哥,德哥都好似冇再想搵多一個開工咁...者係搵我來攪者...鬼叫以家少多一個人都可以攪得掂哂D貨喎!真係你老闆丫,呢幾日真係做我火都來埋,呢排唔好有人刺激下我,我相信佢會死得好慘...
好想搵野來發洩...但係又可以點?
咩都係整定既...
放左工,由於琴晚冇咩點訓,返到屋企之後就一訓訓到6點幾,之後去左家豪屋企,請教下佢EXCEL電腦文書處理既野,丫!睇落就真係好方便,但係佢真係好多功能都要記,仲要用得熟先可以快!比心機先得啦...PS:唔該哂家豪教左我咁耐!
之後約埋阿蕾佢一齊食飯,食飯之前上左商務睇書,因為我要搵下電腦既書睇下,睇完三個人去左海港等埋阿謙食飯,一齊可以拾下拾下!呵呵~
食到12點到...頂唔緊啦我,腳又痛,又攰,成身走左先,SORRY啦幾位...
食飯訑途中傾左好多計,成班都係冇咩運行...
沖太歲喎...又係咩都係整定...妖啦媽!好似任人魚肉咁,可以出聲咩!
人...就係咁無聊...
唉~呢排好灰丫!!
PS:咩都係整定!?........食啦!做到死死下又係整定,個人ON9又係整定,就算之後走去努力做人又係整定,搵幾多食幾多又係整定......呀~~~~~
你老味!
生出來,就要跟住一條"整定"哂既路來行...咁實在太冇意思啦!
2005 年 10 月 24 日 星期一
B4U SKY X 見工 X 不為人知既事
@LIFE:鐵定以家少左一個開工,唉,每日都咁拉貨...我就係死...我就係斷腳架啦= =...
有時真係好想爆返一次勁既...點解成日都係我呢,係唔係我靚仔就好恰D先!?
算了吧!!
因為今日要見工,放症工拿拿聲返屋企沖涼換衫!準備晏少少見工...呵!
準備好哂,先過左粉嶺影相...之後見仲有少少時間,落左88睇下見唔見之前新識班BM友,點知一個人都冇,咁就自己一個玩下...= =3首都係A...我真係有D唔相信...
到左11點到,上到去見工既地方,入到去,見到仲有一個靚仔一齊見工,我就係到諗,E...有對手喎,不過,唔駛怕!由於我係第二次來,今次來實質只係見理個經理就可以PASS架啦,呵呵...我實定過個靚仔啦!呵呵~之後佢見左先,唔駛兩鐘到就行返出來= =...
唔駛咁快掛!?...之後到我啦!我之前收到風,個經理係用普通話既,咁我梗係有哂準備先上來啦!呵呵~點知!我一入到去,個經理用好流膩既廣東話同我講:早晨~你好!我就係咁諗~呵!唔駛用普通話講野喎,點知佢第二句問我野既時候,竟然又係用好流利既普通話問我野= =...
係果一刻...我真係O哂......
之後繼續面試...中間就唔多講啦,幾攪笑!個經理對我個印象都幾好,臨走果時都拍我一下!叫我比心機~呵呵!
掂左~多份工啦^_^...不過要係呢一兩日睇多D文書處理既野...加油唷!
見完工,又得左,梗係開心死啦,之後去左粉嶺中心行左一陣,之後記起今日約左阿雄打鼓(BM),仲話我今日無論點都會陪返你一次啦,阿雄!由於未到時間,咁返左屋企先!幫阿勤升下WOW個人仔,玩玩下,阿基個女朋友仔,姐係我個"妹妹"呵呵!上左來,阿基因為佢琴晚打無間道ONLINE打到HP,MP都冇哂...所以訓左覺冇陪妹妹,之後我同妹妹傾左好耐計計!好攪笑丫!之後夠鐘~去赴約啦,BM我來啦...
落左323之後,見到個整機佬開左十幾廿君局比阿雄打= =...之後阿雄又話:打啦,佳仔,都唔駛錢既...跟住就係我今日完完全全上左身既底下...
今日一共加左22分.......實在太神啦....超開心丫!
GET GOING
OUT OF BREATH
花之唄
DOKI DOKI
仲有幾首唔記得啦...FULL COMBO...好開心丫~呵呵!!!!!!
仲有今日有幸一次過見哂所有既打BM既神人...小弟真係自愧不如嚕!!1310分 SKILL POINTS....
癲架....
打完機,相約阿蕾食晚飯傾下計...
又係笑到扒街 = =....有時我真係頂唔緊佢啦...淨係講LOCK機果一下,都笑到我地兩個爆...傾到成11點半到,阿蕾見我好眼訓咁,叫我走,但係其實我真係好想繼續傾,因為真係好忍好笑~知道一個人不為知既事,有時都唔知係好嬲定好笑= =...不過,要我嬲,我就真係嬲唔到啦...我就會揀笑死佢算囉,對嗎?
無奈自己太過眼訓啦...成日都冇訓過!
返到好恰左一陣,又開工啦!
呵呵!見工大成功~~~
儲錢儲錢~
ps:講者冇心,聽者有意...(其實係唔係自己會錯意,怪錯左人呢??)
SORRY!!啦~
１０００分曲目
Fairy Tales LV86
855.49分
我相信,我可以架!!
|
| B4uSky |
|
|
暱稱： B4USKY*:D
性別： 男
國家： 香港
地區： 東區 |
| MORE... |
|
| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
|
