2005 年 9 月 28 日 星期三 
B4U SKY X 關心 X 友情 
咁多朋友留言關心...多謝啦!
不過...我點對朋友...點睇朋友...大家心裡有數,放唔放得低...哈
好明顯...
@LIFE:帶住病咁返工...真係一D都唔好受...
好在貨唔多...不過就變相少左一個人開工...貨少...當然要減人啦...
做老闆既...邊一個唔想慳!?
開工開到尾段時...比德哥話左兩句...老實講,咁既狀態...唔比人罵已經偷笑...
不過,唔駛至於要休息既...我都唔想休...
放工都唔好意思坐德哥車...不過最終佢都車我返屋企...真係唔該哂啦!
返到屋企,食藥...訓覺...
醒左同盈盈係電話玩左一個小遊戲...哈哈!講左就唔靈架啦...星座小王子...呵呵!!
屋企好亂...邊個話病就可以咩都唔駛理架...大把野要你做丫!自己煮野食...洗衫,掠衫...掃地,咩都要自己做!
不過...整齊D唔好咩!?...而且,以家止左咳...只係喉嚨好痛者...應該都冇咩野架啦!記得以前...人地病左...我買埋粥上去比佢食...以家到自己病...哈!
一個電話都冇丫~....不過,過得到自己咪得囉!我唔會覺得自己做錯...
玩下BEATMANIA IIDX...個人舒服好多啦,心情好少少,聽下歌,快D出10 STYLE丫!等到我頸都長啦!
DP呀!練習練習!!
咩一句...只顧自己事業和感情算啦....
我睇親都好唔開心呀...個個係咁...到時會點丫?
一病就係到亂諗野TIM...
晏少少,同阿蕾傾電話傾左好耐=.=...知到好多野...好多野真係唔去開口問,就真係唔知...
大家都咁多年朋友...有咩唔問得!?
傾完電話,恰多左一陣,應約出去同佢地食飯!食完去左公園傾計,今次好多人,有成5個人咁多,阿謙,阿新,家豪,阿蕾,仲有我唷!講左好多好多既野,講講下又講埋大家第時結婚既野,好攪笑,又好開心!哈~
一男一女,兩個人之間可以發生好多好多既事,好神奇,有開心,有唔開心...呢一d就係戀愛,我覺得係拍拖既樂趣來架~
既然人都走左...當借呢一個機會去忘記啦!好唔好!?
2005 年 9 月 27 日 星期二 
B4U SKY X 支持 X 忍耐 
@LIFE:風球除下,但係雨依然繼續係咁落...
冇辦法啦,就算係病左...都要繼續去做...唔可以比佢停...因為...比唔到理由自己休息...
應該係話...唔想停...
風依然繼續吹...雨依然繼續落...
冇人可以改變...
貨雖然係少,但係...天氣差...好少客來買野...好在,D貨都比德哥放哂...呢兩日落咁大雨,德哥都有送我返屋企,唔該哂啦!
返到屋食左藥...訓醒都係咁,個頭好痛...之後想清理下屋企,點知個掃把又斷左...跟住一個人出左去買藥食,買掃把,買飯...買下日常既野...買下買下,又唔見一日糧...D錢真係好易去...
食完野...打埋呢一篇日記...
訓覺,休息......
點都唔可以跌低...
2005 年 9 月 26 日 星期一
B4U SKY X 病 X 頂唔緊啦... 
@LIFE:三號風球...淋死啦...
好煩丫~咁大雨...
放左工,訓醒左個頭好痛...喉嚨好痛...
先前右腳又未好返...左腳又...唉!
病左啦...終於都頂唔住啦...
病都冇人理架啦!...算啦...訓覺!
我就來爆架啦~成班都係咁...有事咪撚搵我幫呀~
有時人...真係好撚犯賤架...有果時又唔好好珍惜...冇Q左又係到煩...
咩都怪哂係人地身上,你圩有冇諗過自己冇冇錯丫?
成日都係以為自己好撚慘,最黑仔果個,去死Q左去啦,仆街,咁撚大個人...
緣盡喎~咩緣盡丫?食啦你~
我好失望囉!真係...咁多年!
我唔撚理你地啦!個個都係自私鬼~
做返自己算!
2005 年 9 月 25 日 星期日
B4U SKY X 馬鐵 X馬鞍山照相
@LIFE:今朝開工果時好大雨,做到個人冇咩心機...不過,唔得架,我唔可以跌低架~做做做,之後濕哂咁去食早餐,同大新,小新打機...唷~
之後又win左10幾粒星星...950粒啦~多謝大家...
麻格又係降格收場=.=...好難玩呀~麻雀呢一種玩意!!
玩完返屋企準備下去影相既野,之後我細佬個女朋友打來搵仔=.=........冇言中...中途傾左佢地好多好多既野,咁又係既...都冇幾多個女仔可以頂得順我細佬d性格架啦...之後又問我佢地分左手我會點=.=!?...我又唔係我細佬,我冇咩野架喎,不過...我只少唔會咁對女朋友仔囉,當街罵自己個女朋友,我點都做唔出架啦...
唉~算!
準備好之後出發...阿新遲到-.-...頂...
第一次坐馬鐵,見到d地方都唔知自己係邊=.=...真係好少來呢頭丫~到左馬鞍山廣場,丫~都唔知係廣場定中心啦,個表演都未開始,之後兩個人食左個每人60蚊既lunch......
60蚊一個lunch....傻q左咩~死黑店...
食完返去睇睇,都係未開始...過左新港城行街~睇傢俬,電視...之後又返轉頭,個show開左啦!好野~相機出動!!
睇睇下,又影影下...e...點解d人個個都帶哂眼罩架~oh,shit~點影唷!真係有d失望,不過唔緊要,當自己練習下點"揸"部機~阿新都教左我好多野,多謝哂啦!...影左一輪,個表演完左第一場,之後我地兩個都來一個break time!食枝煙=..=唔係我食丫~跟住第二場又開啦,今次呢一場好似好睇好多咁,因為d人都熱哂身咁,唔似得第一場咁呆,有d表情睇下,點知....就係我同阿新好開心之際...
個show...突然...腰斬...
丫~我頂丫~咁冇辦法啦,走囉!
阿新好唔開心呀~佢話等左咁耐...呢一次show可以影相...不過算啦,我地都影左第一場啦,夠皮啦,我真係好眼訓!!
兩個人跟住落左沙田"宜家"睇野,我睇中左張長枱,諗住用來放beatmania 兩個大制,唔係太貴1400蚊有找,預定下月入手...呵呵呵!!
睇完野~返埋上水食埋飯,今次上左"red forest"到食...小喇叭丫~呢一間野真係好撚cheap囉,有冇搞錯丫,咩撚都冇,食牛點可以冇英式芥末架...fxxk丫~d服務又差,我坐咁耐...都係臨收錢果一下先同我講多謝咋,大盆落枱...又冇話個餐係咩名...你唔講,我點q知係咩來架?我真係想串下個waiter架!不過呢一下都唔緊要...多謝哂一句都冇,堂堂一間西餐廳好似變成一間快餐店...丫~唔係,係佢就連一間荼記既待客態度都冇丫!食啦你...
最後我係比左5毫字貼士佢~吹咩!我係咁串架啦~
你老板丫~未試過食野食到咁火=.=...
食完野各自回家,同個表弟搞埋部腦就訓嚕~
阿基~你咪再亂上網呀~死仔!!
2005 年 9 月 24 日 星期六
B4U SKY X SS CLASS X 終點
@LIFE:丫一號風球丫,好大風呀,菜市場D野周圍走丫,哈哈,好涼爽...一D都唔熱,開工好正唷!
接收埋詩姐條煙仔之後,收工返屋企準備出發比煙詩姐,順個便玩埋灣岸SS CLASS先!唷GO!!
出到去,又係照舊金馬倫先啦,打左40話到,就先後同阿新....之後詩姐前後食左兩次LUNCH=.=...
你地夾D得唔得架姐!唷~
食完,繼續玩埋果40話升CLASS先,丫~唔係點解今次呢一個周目咁難玩架,都唔知輸左幾多次啦,不過最後都順利搞掂左嚕,SS CLASS嚕!呵之後同人對戰,全勝!呵呵~多謝哂啦!
本來玩完之後同小新据扒扒既,但係因為佢又唔係舒服,我自己又打到好鬼死眼訓!哎呀~之後都係冇得去,咁就變左等阿新放工...之後又點知佢又7點幾先走得...唉!份工做死人咩~兩個人一齊返左上水諗住買張512 SD準備聽日去影相點知...又行左好耐,周圍都冇貨=.=...一係就得D雜牌...唉呀~不過最後都買到=.=...行左一餐飽既...
聽日~又有得玩嚕!!呵呵~
大家聽日見丫~88
|
| B4uSky |
|
|
暱稱： B4USKY*:D
性別： 男
國家： 香港
地區： 東區 |
| MORE... |
|
| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
|
