B4uSky : 個人主頁 - 相簿 - 訂閱  [ QOOZA - 論壇 - 登入 ] 2005 年 10 月 8 日  星期六                                                   B4U SKY X 狂玩 X 咩都唔諗!!                         @LIFE:今日係我狂玩既日子...玩到死為止... 琴日同大新,小新,仲有阿雄一齊約好左今日出尖咀狂玩,喪玩!! 對於我來講...係一個令自己咩都唔諗既一個好機會!! 開工之前帶埋衫返市場,放左工換埋衫,同小新食玩早餐,去左88幫B哥玩左10斬一陣之後,就同大新先出左尖咀金馬倫玩左一轉先... HIACE...你究竟係一部咩車呢架呢= =...TUNE到我癲啦! 係金馬倫又TUNE車,又鬥車,仲有玩埋B哥架車= =,攰死,不過好好玩丫,玩左冇耐,小新都出埋來,去地三個人先去左食飯,之後轉場,落左新港又打...同小新打"沙羅曼蛇",仲有麻格!! 闊別多年既"沙羅曼蛇"...真係笑忍死= =... 記得以前係超任年代成日玩,丫!好想再玩過丫!! 之後就係麻格...一口氣由7級升左上去3級,超開心丫^_^,晏少少阿雄都來埋,我地兩個就走左去打DM...嘩!好多人丫,不過都仲有位打,最開心既就係,阿雄比佢張卡入面先有既曲目我玩下... "SAY"實在太好聽啦...玩果時幾多人睇住呀~下次再比我打啦,雄哥!呵呵~ 自己之後又打到一首91 LV既曲目...OUT OF BREATH又FULL到! 勁開心丫~呵呵!! 玩到7點幾到,三個人去左金鳳食飯,哈哈!今次個扒就似D樣啦~上次唔合格丫!!三個傻佬一齊傾市場D野,都可以笑一餐...攪笑! 食完飯,阿雄走先,我同小新再玩麻格...今次玩,我竟然出沖,比人地十三��......... ..................... .................................你冇野丫麻= =唔駛食我咁大丫... 之後繼續又玩...跌返去7級 = = 玩完返屋企~不過一返到去...我搵唔返琴日帶出街條頸鏈.... 你去左邊丫...唔開心丫!! 搵到成點幾都係搵唔到...都係恰一陣... 希望聽日搵返啦...                       刊登時間︰2005-10-09 08:06 AM  [ 訪客留言(0) ] [ 編輯日誌 ] [ 分享至FACEBOOK ] 2005 年 10 月 7 日  星期五                                                   B4U SKY X 病 X 無聊丫                         @LIFE:琴日玩左成日就算早左返屋企訓都唔掂... 起身開工一落床...丫,對腳...好痛...右腳紮住果位更痛... 唉! 照開工,冇咩事發生,又係咁過...放工返屋企拿拿聲訓,醒左又要汁屋,間屋根本就係一個貨艙... 妖!係唔係咩都唔理架姐你地...汁好左冇耐又咁亂,又唔知你地懶喎,玩咩姐?好好玩丫? 頂!點解返果幾個鐘都可以咁攰...都係玩少D,唔好去咁多街... 咁打啦!冇心情... 比我靜下丫,好唔好...比個人理下我丫,好唔好! 都唔係好過份者? ...................................... ...................... ........... ......                       刊登時間︰2005-10-07 07:07 PM  [ 訪客留言(1) ] [ 編輯日誌 ] [ 分享至FACEBOOK ] 2005 年 10 月 6 日  星期四                                                   B4U SKY X 行山!? X 無緣...                         @LIFE:講真丫...今日真係幾唔開心架... 不過... 過左去啦...事實就係事實...你唔可以去改變佢,只可以任佢擺佈... 人就係咁渺小... 只可以去面對...同接受! 一心一意琴晚買齊哂野去行山...點知...嘿! 心諗快手快腳做哂D野...可以早D放工,德哥叫我大長征,要過屯門...我話去行山,德哥話早D比我走,我只可以話好架咋...可以點丫?果邊D人真係好冇交帶,冇責任心架...係唔係人來架,一射,幾個人一齊射波!好多人冇野做架,冇心做唔該快讓位,比D有心開工既人上丫,唔該!仲要好揀唔揀...係我去行山先來射波...好好玩咩? 做野緊要丫!唔想過去幫手都要幫架啦! 仲要大老闆都來埋車我過去...有咩辦法唔走...係果一刻,預左冇得行山... 唔落雨仲有大把事令我冇得去... 不過...大老闆強哥,都出到聲話比我早走,頓哥又比錢我食早餐...德哥又比多左人工我...個個都咁對我...我又係到諗,去行山...好似又衰咁...攪到又變左份工去就我去玩咁...百感交集,好亂... 放工係屯門...已經係8點啦...算啦^_^" 9點到返工屋企,好!上網搵工,冇得去玩咪搵野做囉!睇完...又訓唔著,唔眼訓...咁就一個人出尖咀打灣岸,丫!好耐都冇試過啦!呵呵!出到去玩下~輕鬆下囉!自己開心咪算囉! MR 2  CI IN ,CI OUT都快左1秒好開心丫...CI OUT終於突入54秒台,如果玩到53秒台...我已經好開心啦! 架SUBARU 10人斬,斬左C1 IN,C1 OUT,新環左...攰死啦!呵~A7 CLASS!! 搵左詩姐,佢地話行完山去睇戲,我話又想睇,佢地又冇問題...咁時間又未到,咁我玩完灣岸之後又落左新港玩麻格,今日手風幾順...升返7級^_^"...玩到時間夠,過左太古,JOIN埋詩姐,阿盈,仲有佢地個朋友仔ADA姐,4個人一齊睇戲... "童夢奇緣"...OK啦,笑位到...不過我覺得D化妝仲勁...華仔成套戲都超多造形,好掂...睇完成套戲之後又話比我知 珍惜日前人...愛惜你身邊所有既人...^_^" 之後4個人同詩姐買野送比輝媽...唉!唔好又來借花敬佛呀~= = 買完野,佢地去LOG ON包禮物...而我~冇陪佢地去,一個人返屋企! 點解今日返去既路程咁遠既... PS:唔~唔~主動...被動...點先好!不過,慢慢來啦...總有一日會唔同既... 丫~今日個腦好亂丫~ 順其自然...唷!                       刊登時間︰2005-10-06 08:38 PM  [ 訪客留言(0) ] [ 編輯日誌 ] [ 分享至FACEBOOK ] 2005 年 10 月 5 日  星期三                                                   B4U SKY X 準備準備 X 緊張緊張                         @LIFE:好攰丫~好攰丫!D貨重左好多丫...右腳...算啦,應該冇咩野既...呵呵!做野係咁架啦... 今朝開工...竟然落大雨...丫!我唔約去行山你都唔落,唔係咁玩丫話...定係以家落下雨...比我行山果日適應下呢= =?? 係以家落飽佢好啦��,聽日咪落丫,衰人~ 算啦,應該冇咩野既...呵呵!做野係咁架啦...就來夠錢考車牌啦!到時一定要一次過PASS! 放左工,同小新食完早餐,返屋企"拍"一聲就訓啦,琴日得果一個鐘訓,呢個晏晝真係訓得爽啦!醒左之後詩姐搵我,話比我知聽日行山D重要事項~噢噢!好緊張丫!跟住上下網,就出左街買下野,準備下行山既用品... 行下行下,又買下買下~又洗左一D錢錢嚕!之後身痕又去左323打左兩舖灣岸!今日嘗試下新環右~自架車815HP之後都一直冇試過跑TA!今晚終於可以一試...之前個記錄係4:39秒!經過兩輪既試跑~第一轉38秒,唔滿意丫,第二轉36秒突入~OK啦!不過係玩緊果時比我見到...係日本,同埋香港IR榜里數第一既車手"CHASE"丫,佢架車行左成11萬公里架!又勁丫!玩完就繼續去買野... 去左萬寧買野果時...阿盈打左來,咁我就一路揀野,就一路傾,係我想買膠布果時...阿盈佢突然又講,你買野唔係諗住買膠布咁黑心丫= =(乜真係好黑心咩?)係呢一個時侯...我正正手上就係有一盒膠布= =...都唔知係有咁岩得咁橋啦...攪笑...買完野...上埋KFC買野食比細佬食!返屋企... 返屋企打日記~傾電話...覺豬嚕 聽日行山~你咪落雨丫��!! 興奮來日~~~ 翼!第11期都出埋啦!等左你幾耐丫~                       刊登時間︰2005-10-05 10:04 PM  [ 訪客留言(0) ] [ 編輯日誌 ] [ 分享至FACEBOOK ] 2005 年 10 月 4 日  星期二                                                   B4U SKY X 結婚 X 忙碌人生                         @LIFE:今日真係好忙= =...不過都好充實...好似一日之內陪哂識得既FD咁滯... 嗯嗯~ 返工放工,正常收工,安安全全又一朝...好! 放工去左教B哥打灣岸...點知坐低左冇耐...好多人都來左玩,就連我地稱之為"神之手"既大強哥都有來埋,今次真係可以話係高手臨立啦! 既然咁人齊,冇咩理由TUNE車架...成班人就一齊鬥車啦,當中自己有輸有贏...不過大家玩得開心咪OK囉!好開心,好攪笑...最後..自己又距離1000星星唔遠啦...991星星嚕!多謝哂大家... 玩完之後,返屋企上網搵野做...搵PART TIME...點知坐左差唔多成個鐘,都冇收穫...唔似得上個月咁,一搵就有兩三份都可以去見= =...真係可遇不可求呢...上完網,見舍鐘好12點幾...咁又身痕想搵下家豪食飯喎,搵左佢,佢又話OK...之後我又遲左去到...攪到佢食得半個鐘,真係唔好意思啦豪哥,食飯傾下佢果日燒野食炒車事件,真係笑死...= = 同家豪食完飯之後,阿新有事求見...我緊係要出來啦,攪完D手尾之後,兩個人去左大快活TEA..個蕃茄真係好好食丫!正~YUMMI丫~食食下,阿基個女朋友又打來搵我= =話我細佬對佢愈來愈差...咁妳又送個成3千幾蚊既GUCCI比佢= =唉!妳唔好玩我啦...妳對人太好啦!(好啦呢樣唔好講啦)食完...婉儀又搵我= =嘩!今日真係好忙...話一齊返大埔探舊同事喎...好丫!橫掂好耐都冇返過去...咁又出左大埔啦! 返左扒王...同姊姊仲有D同事傾下計...傾完同婉儀過左"姑媽"到食野...食完又話佢之前生日我冇請佢食飯...就係咁樣兩個人又出左沙田睇左場戲..."小企鵝 大長征"丫...老實說丫...大家唔好睇少呢一套戲...我係裡面都學左唔少愛情觀架...仲有...愛情呢一樣野愛起上來....可以好偉大...好感人! 仲有,唔好睇企鵝佢地好似好快活咁...其實佢地真係好慘架...一年只有一次見另一半架咋...嗚! 睇完戲...應約返上水又陪阿蕾食飯= =...好忙...! 不過...呢一餐飯...先至係全日最精彩既一個環節...只可以用激情來形容= =" 起初食食下都冇咩野既,傾下閒計...窒下阿蕾咁...大家一傾到將來"結婚"D野就出事啦,單單係傾下阿新...冇錯...我地三個只係傾下...就可以傾左3個幾鐘...傻既!當中既內容好激...阿新直頭ON哂FIRE...就連阿蕾都差D頂唔住...我地三個都係大仔大女...哈哈!實在太多共鳴啦...如果大家唔駛返工...我可以寫包單,我地三個一定可以傾天光= =" 返到屋企又可以傾電話...原本"誠意"真係好重要...對於女仔來講 我明哂啦~ 6號又會唔會落雨架= = ".... 今日得一個鐘訓.......死梗!                       刊登時間︰2005-10-05 09:16 AM  [ 訪客留言(2) ] [ 編輯日誌 ] [ 分享至FACEBOOK ] « | 116 | 117 | 118 | 119 | 120 | 121 | 122 | 123 | 124 | 125 | ... | 145 | » B4uSky 暱稱： B4USKY*:D 性別： 男 國家： 香港 地區： 東區 MORE...   «‹ September 2026 ›» S M T W T F S 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 » 最新日誌 • 回來了．B4USKY • 身影．B4USKY • 記憶．B4USKY • 復完．B4USKY • 一個人!?．B4USKY » 日誌分類 • 全部 (721)

WANSAIKEUNG

fong_1314520

Nicola2007

kim1801

tyuji45

Max1324

Yvonne1989

nancy978

HIMIKO

KakumeiAbyss

dead1324

lapsunpat

顯示全部(26)

» 我的好友