2005 年 9 月 23 日 星期五 
B4U SKY X 訓覺 X 覺豬 
@LIFE:經過琴日既洗禮之後,好攰丫,好攰丫,呢幾隻字,係咁係我腦海入面出現.=.=...呀,我就來死架啦,好在唔係太多野做姐~如果唔係...
放左工即刻返屋企訓...
一訓就訓到9點幾...食D野傾電話=.=...
又訓...
今日好平靜丫~
聽日見~88
2005 年 9 月 22 日 星期四
B4U SKY X 唱k唱k X 喇叭書院 o.o? 
@LIFE:天氣一樣咁熱丫~不過工作尚算ok咁啦!呵~唔比人罵就"最高!"
放左工~拿拿聲返屋企準備一下,因為我地晏d出去沙田唱lunch k丫~呵呵!開心丫,之後一個人先出左去join埋詩姐,
後尾原來先知佢唔識點落去去green box=.=...我心諗,你地唔係成日來架咩=.=?
同詩姐一齊落左ok房先好笑,都係因為我地少唱k啦~e...睇睇個午餐牌好似有d唔對路喎...點解咁貴既,我地上次唱都唔係咁架...
點知攪左一輪之後,等埋阿新來埋先真相大白=.=......好野新哥~啪啪啪~
原來人頭係計埋個餐架=.=......呵呵呵....笨死啦呢次!!
之後doris都來埋,不過都係要say聲sorry先啦,因為搵得妳咁急,如果早少少搵妳,妳就唔駛咁趕啦...好在,都比妳唱夠左先走,呵!
4個人唱完k之後,上左連城tea下先...坐低傾落計知到左doris好多以前既野,其實佢好多野我地幾個都唔知,佢今日都有心講哂出來,
佢對我地都算係咁啦...好多野都唔可以淨係聽一面講,就信到十足十...好多時如果唔保留返一點點,往往就係呢一時俟令人產生誤會,誤解
以前就係少同doris傾計,溝通,就係咁好多野都誤會哂,咩都覺得佢唔岩~
以家~好好多啦^_^
食完野~諗住去探下阿盈,買左少少野佢比佢,希望妳鐘意啦,傾左一陣計,之後4個人再食野=.=...(又食!?)
因為阿新要返學,餘下既節目冇佢份...我同doris,阿詩睇喇叭書院=.=...
真係好好笑丫~打鼓個肥妹...食雪糕食到爆裙=.=...
之後有條友仲......佢出dvd一定要回味多一次先...呵呵呵!
最後套戲來一個喇叭live band show~睇到我好興奮丫,呢套戲當睇show都掂丫^_^
睇完戲~送埋詩姐坐火車...之後返屋企,傾埋電話
啪一聲就訓著嚕!
得兩個鐘訓~呵!夠啦~
今日好開心丫~多謝大家今日賞面出來玩!點都好啦,朋友仔們開心
自己就開心啦
唔好亂諗野啦^_^
2005 年 9 月 21 日 星期三
B4U SKY X 香港人 X 幸福
@LIFE:早少少打日記先,以家唔打,夜少少又比細佬霸住唷!
嗯嗯~香港迪士尼新左冇耐啦,雖然好想去,但係無耐地對香港既佢真係冇咩興趣=.=...以家佢又咁多新聞,都唔知好定壞,不過咩都係假~唔想同人迫就真,呵呵!不過,諗下諗下,自己都23歲啦!大個仔嚕,初初迪士尼未起好自己又係咁,以家到佢起好左,自己又冇咩變過...丫~時間真係過得好快丫...
就連自己住果頭個火車站都係咁,改建左都好耐啦,以家都成哂形,完工咁滯咁,朝朝開工都會經過,由咩都冇,變成以家起好咁嚕~好快丫好快丫~...仲有,係天平村個邊個"皇府山"...由平地,見佢以家起好哂咁,我諗今年都可以入伙嚕...D時間呢,真係唔等人唷,而自己,就好似冇咩進取咁喎,唔得唔得丫~>﹏<""
好啦~講完啦=.=....
其實自己出身於香港真係好幸福架,我覺得~因為!
冇地震~冇水災啦,冇...冇....總之就冇天災啦~好好丫,睇返今年,應該有雨既地方就冇雨...應該有水既地方就水=.=...睇新聞就好似睇人地有幾慘咁...以身處係香港既自己,睇到d咁既野之後...就覺得自己好幸運,唔駛飽受呢一D辛苦...煎熬...所以,自己都有幾分唔鍾意睇新聞,鐘意睇報紙多....
最重要既係,自己有手有腳,四肢健全...想做咩就做咩,玩咩就玩咩...又冇天生既殘疾...已經好好啦...點解仲有咁多人唔知足既!?其實我想講咩,大家都會知架啦...好好珍惜未來既日子,就係大家應該要做既野,忘記過去,向前望...做個有用既人...做個比人睇得起既人...既然身處得呢一個好地方,就更加要珍惜人生~唔好浪費時間...
開開心心過每一日啦~大家...^_^
好!講埋今日發生過咩事先~GOGO!!
丫~恐人頭丫~做咩多返咁多貨架,呀!德哥想做死佳佳咩,可惡,你愈係愈多貨,我就愈做得快你睇~嘿嘿!...放工我已經死死下啦~嗚...之後去同小新食早餐,一齊傾下星期六出奧海定,新港玩,加埋据扒~呵呵,食完早餐.之後一個人去左88為自己架MR 2 COPY一張卡做後備,因為玩得愈多,愈驚張卡唔見,所以去左COPY,COPY完之後,小肥,大黑兩個來左,之後一齊玩左兩三舖,哈哈~超搞笑,你夾下我,我夾下你...好好玩丫~下次再玩過!
之後果條串友都來埋,哎呀,唔同你玩嚕~之後返屋企訓陣先~
訓醒左之後攪一攪屋企人D衫=.=...D衫真係我唔去理,就真係可以冇人理架...成坐山咁高既衫...真係有點可怕...收拾好屋企之後同細佬去左食下午茶,一路食,一路傾下佢返學既野~哈哈!我路聽都令我諗返起返學既日子唷...講返正題,細佬,好多時都係人去適應個環境架~唔係環境去適應人...所以,比心機讀啦...
再傾傾下,知道細佬因為意外整唔見左人地個銀包...攪到要賠錢=.=!??...唉!我係我出手既時侯啦,之後比左2百蚊佢快快還返比人,妖!要錢解決到既問題就唔係問題啦...我後又傾下!三個人一齊用一部腦都係幾麻煩既...唉!又要我諗諗計啦...又係錢=.=...
我自己都係成日為著想...我諗都係時侯為下自己諗下啦...
同埋...
有冇人為我著想過!?.......
食完飯,返屋企睇SEED,睇到20集...得出個結論就係...好悶丫,做咩咁多悶場架...第一輯好睇好多~不過唔緊要啦~鬼叫自己係高達迷咩,呵呵呵!!
睇完~約埋聽日唱K行程...覺豬嚕
大家聽日見啦^_^88
2005 年 9 月 20 日 星期二
B4U SKY X 呀~ X 呀!=.=....
@LIFE:今日個TOPIC有D唔掂=.=...不過我真係忍唔住...
講下今日先~
返工又係咁,天氣好熱又焗喎,我就來變人乾啦喂!D貨散到七七八八果時同阿新係到玩MMS=.=...攪笑,好似玩ICQ咁,放左工食完早餐就返屋企
之後就諗住拿拿臨搞掂埋灣岸張卡SSS CLASS先,之後就因為咁又出左尖沙咀=.=...不過出去既原因,最重要既係,有人得返十蚊食飯喎=.=....呵呵!我梗係即刻仆出來同你食飯啦!阿哥仔,不過!如果之後我張卡掂左之後我會少好多出來架啦~講明先,呵!
出到去,先過左金馬倫玩左3個鐘,玩到車險之後又過金星出卡=.=...好麻煩丫,之後又返金馬倫又冇位,跟住落勝利打左一陣,唉=.=....都唔明D人點用個波箱既,玩到個頭都壞Q埋~唔駛咁大力下嘩,雖然部機唔係你既...唉!玩完過左新港等埋詩姐,阿新食飯=.=....等等等,等了又等,成4點半先食LUNCH...餓死佳佳啦!齊人上中港食飯,丫,你地兩個食果樣野好好食咁丫~火車頭飯=.=....下次我又要食!
食完同佢地兩個返CITY SUPER,係搭電梯途中,阿新同詩姐玩,佢來左一招,"膝頭對上就係脾"呢一招,一野鋤落詩姐,對嬌少昤曨既小腿之上,詩姐就發出一聲...............帶淒楚,又有點心寒既叫聲...
呀!~~的一聲引來全場既哄動...而且深深咁進入我同阿新既耳朵入面...=.=.......
笑Q死我同阿新啦~~~~~~哈哈!!玩完之後,佢地又要開工嚕!...都係一句啦,慢慢做啦!呵~呵~呵~
之後自己繼續去左灣岸,玩到阿新放左工都唔知=.=...經過一天75話既動回之後,終於都 S CLASS啦,距離SSS CLASS差一周目,加埋儲到一千粒星星就夠啦!今日玩夠啦,休息休息~
玩完自己仲行左一陣街街,同阿盈傾左一陣電話,22歲就結婚@.@??詩姐好大整蠱喎!呵呵~傾到佢返上樓我搭車,收線,係尖咀訓到返上水=.=...返到屋企即刻覺豬~~~
多謝收看!!聽日見~
2005 年 9 月 19 日 星期一
B4U SKY X 好悶 X 好悶丫 X 真係好悶
@LIFE:今日仲係追月,哈哈,係市場睇月光都幾好FEEL喎=.=...不過最衰要做住野睇者,呵呵!...好大好圓丫~~~~~放左工,跟左德車走人,thank you哂啦!
返到屋企,本來想出一個人出街街行下,因為晏少少搵人食飯,諗住早少少出去,但係太攰,訓左一陣,訓到點幾到,詩姐打左來,話佢佳人有約~唔緊要啦!戀愛大過天丫麻,由於冇地方去...咁就繼續訓...都唔好玩既...
不過出少一次街,可能係好事呢,慳D洗啦!~
夜少少醒左,無聊睇VCD~傾下電話,無聊死~
難得可以放假,緊係比妳去妳想去既地方啦,阻到妳就唔好啦~呵呵!!
以家日記冇咩好打TIM=.=....~算!
PS:金句~戀愛大過天!!
|
| B4uSky |
|
|
暱稱： B4USKY*:D
性別： 男
國家： 香港
地區： 東區 |
| MORE... |
|
| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
|
