2005 年 11 月 12 日 星期六 
B4U SKY X 冇精神 X 兩眼冇神 
@LIFE:可能呢幾日都係咁打機戰3= =雙眼好痛...
返市場開靄都冇咩野既,做做下就覺得好痛丫,對眼- -...撐唔開咁既...
死頂咁挨過左半DAY既工作先...
小新成日講佢麻格打成點,打成點咁,你知唔知我好耐都冇打過呢= =,你唔好成日講啦!好唔好姐!?
唉!
返屋企小睡左一陣之後,就返雅典居做丫做丫,又係又驚坐車車訓過龍,唔敢訓耶!呵呵~
返到去對眼都係好痛,又冇咩精神咁,我一定要快D習慣先得啦,唔係比成哥FXXK到PK= =都似...
好在阿塋成日都笑笑口咁,我先冇咁悶...唔係對住舊石頭...8個鍾都唔知點對- -!~XDD
好快又到9點放工,阿新搵我返上水傾計,見咁耐都冇見佢地,咪出左去傾左一陣...又係講同一個問題- -...下次唔好講啦,不過今晚D問題比較激左少少咁喎,又係得啖笑!哈~
11點到返屋企打日記~訓一陣又開工!
搵錢丫~~~~~!
聽日我會CUP返個飯煲蓋架啦>﹏<"!KEKE~
比少少野大家研究下!
@拇指~~爸爸
夠長夠直父緣好~
拇指化表爸爸,長度超過食指第一節流底部)的一半,粗壯不露指節,主爸爸壽數長,身體健康,彼此緣份好,沒有代溝.若加上拇指指頭夠圓夠大,與其相連私金星丘(生命線孤度內的雞脾位)肉厚範圍大眾即生命線弧度大).主爸爸老當益壯,能享子孫福,什至可享5代同堂之福氣
拇指指頭以微微後彎為佳,主能承父業,若過份彎曲,代表爸爸條件差,壽命短,若過份硬直,代表爸爸一生較辛勞,如指頭尖削則主被爸爸連累...
@食指~~男性妻宮
指頭尖妻貌美~
食指為男性妻宮,應以直以尖頭圓為佳,主能娶賢妻,指頭尖主妻貌美.食指短過無名指,代表自己比妻子條件優勝,相反若食指長過無名指,則主娶叻老婆,什至條件比自己優勝得多,如食指與中指緊靠,主夫妻恩愛,老婆什至過份依賴,若加上食指短(不達中指第三節的一半),更代表老婆年紀比自己少很多,食指與中指緊靠時沒有漏罅代表感情佳,如在靠上位置漏罅,主妻子過分外向,唔黐家,如靠下位置漏罅,主妻子敗家財
聽日打埋其他三隻~~睇住先!
2005 年 11 月 11 日 星期五
B4U SKY X 感情史 X 對與錯
@LIFE:呢個幾月天氣都好好,真係好到冇譜...做咩都成11月架啦,都仲咁忍熱架...
訓覺都攪到好似開緊工咁= =...SHIT!(成身汗丫,者係)
開心又一DAY,唔開心又一DAY,又快又攪掂一DAY!
唔該小新燒左隻GAME比我玩耶~呵呵!!
冇野做,又諗野啦!呵~
丫~突然間好想講下自己D感情史比大家知,可能有好多人都知架啦,不過,想借呢一個日記,記底以前既自己...有幾傻,有幾咁白痴都好^_^"
咁大個仔,實質去拍得成拖既,都係只係"一個半"女朋友咁多,點解係"一個半"!?大家睇落去就知...
由細細個開始講起啦!GO~
第一個女朋友@YUKI:
其實...YUKI呢,同佢既感覺,可能大家都太細啦,我就唔記得左自己果時幾歲,而佢就記得好清楚啦,因為佢果時岩岩唔夠歲數入機舖...攪野,同佢果時都好開心架,係岩岩真係好開心,第一次同佢出街約會就係去阿品屋企打邊爐,果一晚發生左好多事,好開心,亦都好難忘...我地相處,我好就佢,因為佢我第一個女朋友,所以我唔敢激YUKI呢~整喊佢~好多時佢叫我出去沙田見?我都會出,唔理果日做野攰唔攰都好...,不過佢好多時都唔聽我講野既,可能大家細啦,好多野都唔識諗,果時佢岩岩讀完F.3冇升F.4之後出左來做野,不過我一直都叫佢唔好咁做,我話咁細個唔讀書做咩喎,我出埋錢供佢讀..可能我果時因為同緊佢拍拖?..唉!跟住佢去左哈迪斯做,大家出左來做事,少左好多溝通,我應該唔好比佢咁做架,不過冇辦法啦,大家努力啦...隔左冇耐比我知佢做野果到溝仔,我知到左呢一件事之後一直都冇搵佢同聽佢電話...之後索性去做多一份工,忘記呢一個女仔!嘿~
此情告一段落...
第一次...比個結論我就係,我自己付出唔夠多,其實我好多地方都可以做得更好...
第二個女朋友@阿珊:
而阿珊呢,同佢相識地方係市場,真係好攪笑,竟然可以係呢一D地方相識到,哈~
開頭點追就唔講?係一齊岩岩拍拖開始講啦,開始果時,我得返一份工,而佢就冇野做,所以每一日訓醒就係我放工既時候,係果一排我幾乎每一日都同佢出街,睇戲,當然係我出哂啦,真係搵日洗日...係中途,有個男仔成日搵?仲出盡好多方法果隻,之後問左佢耐先知,係前度男人...但係關係...唉!
珊...係一個要好就得女仔,應該係比前度就慣既= =...係中途...果一個男仔,都唔知攪到我地兩個幾多難合...總之就係煩...兩個男仔係到鬥對阿珊好,其實以家諗返...真係蠢,好傻...哈哈...冇耐,我同阿珊一齊入左扒王做野,以我就有兩份工,好多時候我地出街,買野,都係我出哂,佢真係一個仙都唔駛出,佢開心,我有咩所謂^_^,我咁搏,都係為左妳姐...又係比錢佢儲,不過呢,睇就好似好好,不過...嘿,我做兩份先至係最慘既日子來臨呀!點解!?
因為...少左好多時間陪阿珊....就係因為咁,好多時候比果個男仔入到位,阿珊又冇咩朋友,咪搵佢囉...諗返起,都有D心淡丫,我成日見係咁,我成日都話退出左,妳有妳既愛情,我有我既工作,唔好煩...但係又唔想咁喎,成日都拖住我,我自己又心軟,因為真係好鐘意佢...果時= =...真係好煩,我都唔知比阿新佢地媽左我幾多野啦...要我對佢似對女朋友咁好...但係我地既關係只可以係朋友...果時真係想死...我都唔知喊左幾多次,果個男仔成日講到自己做野又幾辛苦,有幾受氣,有幾慘,人工又低但係D錢都比哂妳,對妳好好,我真係都想講一句,我都好辛苦架,不過我係唔講出來,有辛自己知,我想對住自己喜歡既人面前都要扮死狗,扮慘搏同情丫,男人來架我係,有咩苦唔挨得丫!?下!?我唔似得果條仆街咁識做戲比妳睇囉,阿珊...
我做兩份,D錢咪又係去哂妳度,咁妳又有冇諗過我丫,係咪要我出到聲喊哂口係妳面前,妳先識得可憐下我,同情下我呢一個人丫!?我自問對妳真係好好囉,成班扒王既同事都睇得出,我對妳點知啦,亦都知妳我既關係只係朋友,我自己就做到仆街,但係妳放左工就去搵仔...我咁辛苦都唔知為咩!?有冇人可以答我!?既然妳放唔開到?點解妳又唔比我離去喎...妳真係好自私,不過...無奈係自己太心軟...唔夠決絕者...錯果個都係自己...算吧啦!最重要既係,係呢一段感情入面,大家要分一個女仔實在好無謂...為咩者!?好好玩咩,係自己傻心軟...女仔喊個樣,邊一個喊我都心軟啦,更可況係自己心愛既人...!唉~果時我真係好想一個人走左去,可能都冇咁傷....
一直以來都冇同人計,點知下下比人計到盡....
唉!係係呢一到先可以講下咋...
最終...阿珊冇做扒王啦,決定去返讀書,我話比錢佢讀?不過果個男仔會出錢喎...最尾都要比人HURT多一野 = =...
就咁又一段啦!
其實...係唔係自己個戀愛方式有錯呢!?係唔係自己太為另一半諗呢,可能我做呢一D野都係好表面,呇a覺得,但係今時今日既我以家,我諗返以前都係得出一個結論就係,可能自己未付出得更多,但係...係唔係付出再多一些,個結果會比以前更加好呢!又或者係有返一D保留,又會唔會好過一點點呢...係唔係真係要100%,唔係...係120%去明白一個女仔既"心"先去揀同係埋一齊呢,如果係咁...又會點呢,我真係唔知...但係...人既心...可以摸清架咩!?
一直以來都冇係"佢地"面前講過話自己有幾辛苦,有幾付出多...我只係覺得,我地兩個人拍拖係一件好開心愉快既事來,再加上拍拖本身就係開心,自己絕對唔會係佢地面前展露辛苦個樣出來,比佢知道,我地拍拖係辛苦既話,佢嬲死你呢!...但係點解我以前有D咁唔開心既回憶既!?
係唔係男不壞就女不愛呢!?唔通要改變一下自己,去做衰D,做壞D!?要改變自己既思想,哈!我自問真係做唔到,我情做比人傷果一個,都好過係去傷人地果一個...^_^"
雖然以家未有拖拍= =(應該係話一直以來都冇)...
但係如果遇到...我一定對佢比前果兩個更加好!我對人...只會一路上,唔會行返轉頭...
試個有一個女仔問過我一個問題...你咁辛苦,想我送咩比你?...
我話:妳既笑容...笑聲,就係我最好既禮物,因為,妳比我個感覺就係,我倆相處得好開心,好愉快...
我就係咁簡單...
亂打完畢!呵呵~
打完呢一篇日記上卷之後,去左訓覺,訓到5點幾到醒左整少少野食,之後打下ps 2隻機戰3,幾好玩喎!gundam seed都出左來啦,marcross 7個巴沙拿好鬼正丫,我以前都成日聽佢d歌架,玩到10點幾繼續再訓...
訓訓下同盈盈傾到12點幾先收線...
又一day!呵~聽日又返雅典居嚕!做丫~
2005 年 11 月 10 日 星期四
B4U SKY X 訓呀 X 訓丫
@LIFE:開工不要遲到,不要遲到,呵~
好快又收工又完成左半日既工作!
放工又係搵工搵工,之後9點到訓~訓~訓~
醒左成哥仔打來搵我叫我星期六日返工工!準時呀!
母校田家炳又寄左信來叫我地舊校友返去聚下啦,嗯...又一年!
真係快死嚕~
今日媽媽放假,屋企既野唔駛我攪一日,呵呵= ="
夜少少,見冇咩野做,打機戰打到成點半成熄機...冇咩幾可打到咁夜,恰左一陣...
返工嚕!
比較悶喎今日...點得架!
2005 年 11 月 9 日 星期三
B4U SKY X 好耐冇玩 X 喪玩
@LIFE:真係...真係好耐冇去玩啦...
順順利利又一朝,幾好玩!不過又遲到咁囉~呵~呵~呵!攰丫麻- -...
放左工返屋企,前兩日話搵詩姐食飯都冇出到去,真係就諗住出,點知都係死典爛典先出到去- -...呵!
阿新幫我搵PSP隻麻格!辛苦哂啦,記得我要行貨丫!唷~
出到去尖咀都成一點幾,以為新哥仔食緊飯啦,點知之後都係要等...等丫!等...同坉僎漯G時又傾左好多野,妘熊M會讚詩姐..O嘴...食完之後,又等下一位,詩姐,未夠時間落左新港,打鼓,打灣岸2...好耐冇玩過啦,好掛住架車車丫!玩完又睇下人打麻格...丫,好想玩呀,不過話明玩PSP版,所以我要...忍!忍!忍...
到詩姐食得飯啦...好野,唔駛等啦!今日我地傾感情史,笑到PK- -...食食下唔知係唔係餓得滯,食到連下半身都係,餓咪出聲囉- -,攪到成身都係水...唉!............呵!呵!呵~~~~~~~~
食完到一人打機時間...去左新港又打過,之後過埋荷里活又打,今日見到一個女仔好勁,真係好勁,咩音樂GAME都曉玩,係唔係傻架,不過佢男朋友都唔弱...GF有1197 SKILL POINTS...癲!
今日又挑戰BM 既"RAINBOW RAINBOW"...開頭都好順架,都3百幾COMBO,之後尾段真係只可以講一句...人玩的嗎!?個諳難到丫,第一之玩,差少少過到78%...第二次 2%= =...
今日真係玩夠啦!YEAH~呵呵!
聽日又搵過工,考車牌,保安牌,剷車牌,嗯!!咩都考啦~呵...
12點幾同盈盈傾左一陣電話...之後繼續訓!
贈"妳地"幾句啦...
@值得愛...
真正的愛,並非去愛那值得去愛的,而是去創造出值得愛的人.
如果你真的愛這個人,你應該多去鼓勵他,多去讚美他,多去找出他的優點和長處,讓他成為值得愛的人.
反之,如果你希望被愛,不是要別人來愛你,而是要讓自己成為一個值得愛的人.
試想,如果你只顧著要求別人,你還有多少時間來愛人呢?如果你無法去愛,又如何期待別人去愛你?
2005 年 11 月 8 日 星期二 
B4U SKY X 有感而發 X 日記睇法 
@LIFE:琴日抖左成日,所有精神都返哂來啦,充滿力量啦!呵呵~
返工都OK啦,不過係多貨左DD咁多,都OK既!嗯嗯~
係做做下果時諗左一D野,就係大家有打日記,同冇打日記啦...
以家有...大家成班好似以家咁...
好果一直都冇既話...又會變成點呢!?以家成班又會唔會了解到大家咁深,更加親密呢!?
哈哈!真係好得意...
不過以家打日記,會唔會好似變左每一日都比大家知道自己做過D咩,又接觸過D咩事...當中當然有好有唔好架啦,又彧者大家會係當中做錯左一D野都唔定,之後就比自己既朋友留言,當中亦都有一D"好聽"又或者係"唔好聽"既說話,咁當然啦,自己大方,唔放係心上面既,梗係冇野啦,咪當係你唱歌囉!
但係,你可能係會放係心上既,之後又其他人講,乜你咁架,之類既說,其實...我想講既,大家都應該明既,都識左咁耐嚕!係咪!所以呢,大家每日都工作工作工作更多工作,都冇時停既,大家都辛苦,大家都為將來而努力,大家多d關心自己身邊既朋友仔啦!呵呵~講完...@o@"
我唔想係呢一班朋友仔之中,再失去任何一個朋友,所以我識既朋友,無論識既時間長或短...我都唔想你/妳地走丫!
我覺得...我地好似一家人呀!哈哈~
上左一陣網,知詩姐食3:00...諗住出去,之後都係訓死左...呵呵!
喂~~~~~~~~~~三字頭!好好聽耶~
送左部e680i比基哥,又唔見1000...好耶丫!= =...
打下ps2,睇下書又一day,死人勤哥打cs~V嘩鬼叫...完全訓唔到...FXXK!
早抖啦!
每日一圖丫~
 ~好驚丫!!!!!!!
|
| B4uSky |
|
|
暱稱： B4USKY*:D
性別： 男
國家： 香港
地區： 東區 |
| MORE... |
|
| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
|
