2005 年 11 月 2 日 星期三 
B4U SKY X 多士 X 生日快樂
@LIFE:今日咩都係假!先同我個朋友仔多士講生日快樂先啦!
DORIS~HAPPY BIRTHDAY!FOREVER HAPPY!^_^"
開工又遲到,都唔明點解自己訓咁多都可以咁攰...攪咩,中左"非典"咩好似死下死下咁= ="
開頭做野都冇咩野既,做做下,人流開始急,D貨已經去唔切,之後昌哥好早就出左車,得返我一個係檔口攪,又要開貨,幫客汁貨,又d麻煩客又要指定搵你丫,又要睇版丫...仲有要拉貨,落名牌丫,唔係入數條PK又唔Q知丫,又要聽埋德哥叫留果D貸,又要汁D"車手"D"手尾"...唔汁,又阻住自己拉貨,又冇人幫,做到我入左"瘋癲狀態"果時我整趺左D菜,即刻比德哥小左一"忍"...係果一刻,我真係想爆!我拉到仆忍哂X...我都覺得冇所謂啦,你又呢樣又果樣,講真係,自你德哥縮一個人開始,我邊一日唔係跑住咁拉貨,做野架!?你都覺得我慢既,你請"劉翔"拉囉!佢夠哂快啦!
之後一路做落去,我全程黑面...
講真丫,你出少左貨唔係代表可以縮人架,因為你D客路多丫麻,又唔知自己D貨又大眾化喎,阿豬阿狗都買得既!梗係多人來買野人啦,多人來!咪做到我仆哂X囉!我以家係到講,唔係覺得辛苦丫,只係覺得...有D過份囉...
出300蚊一DAY既可以汗都唔駛出,我!?二打六做到比雨淋咁丫!我唔信我差過果個仆X囉!只係我擦鞋既技術未到家姐...
比人插完之後一路做就一路諗,到左以家,自己真係好冇出息,冇樣野好...我唔要比人睇死,我唔可以好似以家咁咁冇出息!我唔可以第時要我老婆捱,睇住來丫,我要快D比心機搵工!一路做就一路學,總有一個人欣賞我...
放左工,由於冇咩心情,德哥叫我上車走我都唔上架啦!之後行行行!行左去街市買料煲湯~買緊野果陣,賣豬肉個姐仔睇到我袋煲湯材料話我,嘩!你個湯都好多料喎,我話係丫!做得辛苦咪補下囉~哦~呵呵呵!比個姐仔引左一野笑,又開心返哂!呵呵~xdddd...
返到屋企,打日記,上網搵工,攪到11點幾到,動手煲湯...係睇火既其間順個便汁下個狗竇= =...係丫,間屋真係好忍亂...有時我都係到諗,點解可以咁亂架呢!?...可能都係一個謎,仲麻煩既都係d未洗既衫...之後我一次過洗哂佢地,掠乾之後,等我今晚玩完返來摺...淨係攪d衫,等個洗衣機洗完- -都用個幾鍾...所以你話丫,有幾多衫...!?今日真係辛苦哂啦...個洗衣機@o@"
攪左一輪,打掃埋個屋企,所有野都7788啦,只係d湯差少少姐,係等煲湯完成之際,我就一路企係個爐前面等!一路等,就一路係到諗,嗯...學識煲多D湯,煮多D野食...將來自己個女朋友唔駛咁辛苦,唔駛佢煮,等食就可以啦!呵呵...向媽媽學多D先!一個住家既男仔...可能會唔錯既...
煲好之後見仲有D時間,走左去訓,本來係出去搵阿蕾,多士陪佢地行街街既,點知我又太攰,睇火真係好攰丫(5個鐘)= =...到左成8點到,比佢地打打打,打來昤醒左,就咁起行出左去啦!...
到左旺角!丫~好少咁夜出來,咁就即刻去買芝士蛋糕先!呵呵...但係都搵左幾耐先搵到間舖 = =,可惡丫!加個生日牌仔加我5蚊雞!嘿~算你狠,我付錢...跟手上埋潮特買禮物,呵呵,好激丫,周圍走~買齊野,落家樂GREEN BOX,今次都好齊人^_^,不過"進哥"丫"謙哥"丫...放左飛機囉!嘿嘿~
玩左成晚,大家有都講有笑,真係好開心,好正丫,食蛋糕果大家又影相相,影完又SEND相相,可惜阿蕾冇藍芽囉!呵呵...買蛋糕仲要比人話耶!我冇份既= ="下次補返囉...唱到尾段多士,阿蕾,觸感傷情...喊左出來,下次唔好啦!不過妳地心面太多心事啦!喊出來會舒服好多既...喊完要開心返架...臨走前,小新打左來,話左D野比我知,實在太好啦!係咩事!?比少少神秘感大家先,事成先算啦!
唱到成3點幾...起行走啦,送完多士搭車,我,家豪,阿蕾,就一齊返上水啦...返到屋企,打日記,覺豬,今日真係好好玩丫!勁開心丫^_^"
今晚休息,好好抖下先,朝早又有野做...
機會又來啦,好好把握先...
最後,HAPPY BIRTHDAY FOR DORIS!
PS:蕾!DORIS...送比妳地既!開心返啦快D
友情 不曾離去 我想起從前 好多美麗
人生不一定會一切順利 但我會將你放在心裡 替自己打氣
今年夏天是個充滿希望的季節 我們就要說再見
不知何時會相見 曾相處的畫面 不停重複上映在眼前
今年夏天有種令人不捨的感覺 徘徊在你我之間
抹去彼此流下的淚水 重新展開笑顏 各自踏上錦繡的明天
今年夏天是個離情依依的季節 我們友情到永遠
對你說一聲再會 輕輕畫上句點 最美的句點
2005 年 11 月 1 日 星期二
B4U SKY X 無聊 X 搵工 
@LIFE:個死人市場時大風時細風,身子弱少系都比佢玩殘丫~#$#$%)@)#_$
知到果份工又係食白果,空歡喜一場!無聊極啦!真係...唔好玩我啦!我血壓低,唔好再比刺激我啦!
唉!...
返到屋企,好悶...真係未試過咁悶...上完網搵工之後...
悶到7彩...真係多姿多彩...死典爛典先訓到...妖!
醒佢家豪佢地約食飯,後尾我屋企又有野食,所以推左佢地,就係咁攪到阿謙同家豪要去据扒,對唔住囉,辛苦你地啦= ="
佢地食完我,阿蕾,加埋据完扒果兩個人吹水傾計!
傾成晚都係呢一個男女問題!...唉!...
鐘意既,咪去等囉!值唔值...見人見智
無謂再亂咁諗...猜測...一D完全預計唔到既野...
其實人...真係好無能...好多野都只可以用時間來作賭注...去等一個唔知係點既結果...
都係一句啦,安守自己個角色既本份,對得住人,亦對得住自己...開心...
咪算囉!呢一個係我個人生觀...
是好是壞,聽天由命...
唉!無聊.......
BEATMANIA IIDX 10 STYLE!!
 丫!
 段位認定丫!正正
期待11月17日~
2005 年 10 月 31 日 星期一
B4U SKY X 失望 X 重新開始 
@LIFE:每日每日咁做死,真係難頂...
不過都已經做左咁耐啦,慣嚕!都係講下,宣洩下咋姐!
收工果時~德哥叫返昌哥開工!唷~聽日唔駛做死啦~正唷!
由於琴晚傾左成晚計,係呢一刻我同死都冇咩分別,好在以家佢開心返好多,唔駛擔心啦!
返到屋企...................................喪訓= ="訓覺既最高境界"
一訓訓到4點幾,諗住倉務果邊有打來,點知...
係冇...實在太失望啦!等小新佢地仲打來問我開得工未tim...
有心啦!可惜冇得開呢...失望!
再搵過囉!有手有腳!方餓死我丫~
妹妹今日有上來,同佢一齊睇VCD,睇左套"早熟"呢一套野真係比佢外表呃哂,睇完之後好感人,攪到我又想...
愛一個人真係唔簡單,而兩個人都能與對方相愛更加唔簡單...
記住,千祈唔好將愛,同鍾意...混為一談!
愛係一生一世既終身大事...
鐘意...只係好短暫...
睇完成套戲你地就知道咩係愛啦!仲有知道自己身邊咩人對自己最好!最錫自己...
自己好好諗下啦!
睇完早熟,又睇魔戒...睇左幾次先明哂套戲講咩= =""
睇完打日記!媽媽買左飯返來比我食...十萬個THX-3-"
大家今日又過成點丫!
ps:積積復積積，唔識就唔識，
測驗夠刺激，居然無題識，
上堂聽唔識，搗亂多款式，
自修一樣識，睬佢都生積，
生係中國人，死係中國魂，
要我學英文，梗係冇可能，
英語唔合格，更顯我性格，
數學唔合格，老師負全責，
語文唔合格，咁我冇辦法，
考試考得好，全靠隔離好，
考試考唔好，隔離唔識做，
日日返學愁更愁，老師講野無里頭，
我就聽到似夢遊，次次批評無理由，
功課多到似報仇，做野做到似木頭，
返學為左乜，日日被糟質，
功課都係抄，一係就唔交，
返學等放學，放學飲可樂，
夠鐘各自飛，就咁又一Day
2005 年 10 月 30 日 星期日
B4U SKY X 人 X 人
@LIFE:今日終於又到左星期日啦!唷~
開工OK咁啦,不過真係好耐都冇休過息啦!嗯~攰...耶!
放左工相約左大新,小新,阿雄成班一齊出尖沙咀打機,係出去之前又同左小新落左88打陣麻格先,不過都係一舖起,兩舖止,因為我要買PSP版既麻格唷!呵呵~玩左一陣,之後返屋企啦!
係回家途,又去左323打左兩舖鼓,都係打鼓平好多!呵呵,不過都加唔到分,著住水鞋真係好鞋踩BASS = =XDD!!
返到屋企之後,拿拿臨換衫,因為阿權已經等緊我啦,之後同佢先出尖咀先,係等等下火車途中,撞到好耐都冇見既FANNY喎!係丫!係FANNY丫~傾左好耐計計,問下近況咁,之後吤h左返工嚕!
同阿權出到尖咀之後,落左金馬倫打灣岸,原來小新一早已經到左,之後我地鬥左幾場灣岸!好攪笑,不過最好笑既都係教佢地打鼓= =,笑到我爆!
晏晏少少過左中港同詩姐食飯~食食下傾計知道阿蕾唔聽電話,嚇死人嚕!傾多兩嘴之後佢就返工嚕!
食完飯又落左新港打鼓~之後阿雄都出埋黎,我地兩個人又打下鼓,好好玩丫,玩到咁尚下同左佢過左中港TEA...到左6點到,大家都玩到攰啦,因為又要返工,小新同佢女朋友走左,阿權又自己一個人走,我同阿雄又係臨走前過一過金星行一轉,去到玩,見到好多人打鼓,丫唔係,應該係話好多女仔打鼓,個個都打得有板有眼!好勁丫!玩多幾舖BM之後,兩個人係7點到就走左啦!
呵呵!阿雄過唔到DEAR MY FRIEND XDDD= ="
行到火車站,我話有間機舖好正,好光猛,打鼓一流,果到就係荷里活啦,本來都諗住落去行一個圈架姐!點知又玩玩下,玩到停唔好到,無計啦,又冇人跟機,個場又禁煙既,對我來講我真係好鐘意呢一D機舖...呵呵!...今日又加左10幾分啦...900分終於都突破啦!勁開心丫!哈哈~
１０００分曲目
Fairy Tales LV86
904.82分
KEEP GOING!!
打到成9點- -,兩個人死咁滯...快D返去啦...
搭火車果陣...阿蕾打左來,我知佢唔好開心?..約左係老地方傾計!傾完之後,佢好左好多啦...仲以為傾完都係咁TIM...因為我唔係好識哄人 = =...見妳開心返....咁咪好囉!
之後返屋企啦!
今日玩得真係爽= =!開工啦~
最後!
盈盈打來丫!勁開心呀...
PS:苦盡甘來!
嘿!睇忍者住黎丫!有咁耐風流,有咁耐拆墮丫~仆X!
點解你地硬係咁CHEAP架!理下人感受好喎!
2005 年 10 月 29 日 星期六
B4U SKY X 想想 X 想了又想
@LIFE:開工唔講啦!又係咁做~不過有時真係頂唔緊呢一班大叔= =
不過自己都一路一路咁長大落去,總有一日都比人叫大叔 = = xdd!!呵呵~
之後小新收到料!灣岸2更新verions B者係可以上到815 pls @o@??咁我放工真係要去睇睇!之後成個場有玩灣岸既朋友都知呢一個消息,咁我地就相約一齊收工落88!!
落到去,幫左阿業整好症佢架evo 8,之後阿b哥又落左呢整!大家整好左之後就鬥左幾場,丫,成隻game都變左好多丫~冇左夾車~二線車出頭啦!呵呵!
返左上水之後...過左323打左一陣BM,先試一試好耐都冇玩既NON STOP MIX,之後玩左幾舖,呵呵!加左幾十分丫~好開心呀!!結果係...
１０００分曲目
Fairy Tales LV86
891.89分
我相信,我可以架!!
雖然V都就來FINAL啦,不過,我相信,技術會跟住我既...
返左屋企之後,諗住攞煙出去比詩姐,又想攞d琴日煲好既湯湯比阿新,佢詩姐佢地飲...
點知...係半晚之內,成煲湯比人飲哂= =...我都係飲左一碗咁大把咋...!!丫~下次煲咩好呢!?
出到去,諗住搵詩姐食飯,點知佢又一早食左,之後就同阿新食埋!食完就得埋佢放工,跟住一個人落左新港練BM!係玩既途中都有好多靚仔,靚妹!係果一刻頓然覺得自己都似個大叔係到同D靚仔爭機打咁= =...唉~老啦!呵呵~攪笑~
等左阿新鬼死咁耐,佢終於都收工,之後兩個人返左上水,行多左一陣,我去埋學榮買書睇,之後返堅屋企食少少野,野日記,訓嚕...
呀!我想要一個機會丫~!!比個機會我丫!可唔可以丫~
哎呀哎呀~我知錯啦~
|
| B4uSky |
|
|
暱稱： B4USKY*:D
性別： 男
國家： 香港
地區： 東區 |
| MORE... |
|
| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
|
