2005 年 11 月 22 日 星期二 
B4U SKY X 慳家前奏 X 努力實行 
@LIFE:又開工啦,放假既時間真係過得特別快~
終於都有返冬天既感覺,又聖誕節啦,想一想,今年真係過得幾好,因為...哈!識多好多朋友~
返工準時冇遲到,準時出糧確係好!呵~呵~
去緊市場果時,盈盈打來,好野!又可以傾一陣...我唔係吹收線,係真係要做野丫麻~第日再傾過囉...
其實,妳搵我真係好開心架...呵!
一做野既一刻,好似個人唔同左咁,精神左好多,可能係因為某d因素掛,我要keep住咁做野先得...加油...
真係好憎人一路做野一路食煙架姐!你老闆...你一路食,我又一路吸,你又唔知d煙係幾鬼臭喎...小丫,做都做到我忟丫,真係想一句罵埋去,你食x夠先行埋來做野啦...仆x..
你坐底行埋一二面食,我唔怪你...你d煙影響到我就勢係假...唔好迫我爆你丫!至x憎人迫我食二手煙...
ps:加x係因為加強語氣者~
放左工返到屋企之後又身痕想打下波,加上又未交台費,又想買返架單車代下步返工咁,日日咁搭的士我覺得好唔抵咁...
之後換衫,打左一個鐘波到,又覺得好悶...跟住上左新都交台費,點知新世界又未開門- -...咁就行下街啦,唔覺唔覺又行左去323打左兩舖dm...又加左兩分!好野~~,到左11點到,上返新世界交台費,攪掂之後去埋買左部新單車,又唔見幾舊...要用佢用返19日先開始叫賺...唉丫!
返到屋企,又上網搵工,搵搵下又搵到,不過人工又唔多好,但係佢個時間係好好喎...朝9晚6,不過...問過下要做既野都幾辛苦下...但係但係...真係好想試喎...都係問下d有經驗人士先~
搵完工,同阿勤打下機,係屋企打機唔駛錢係最好既,呵呵~又wow又打seed玩到夜夜地~媽媽買左野食返來食,食完~覺豬啦...
覺覺下豬又有得傾電電~~~好野!
要一心一意,無論對人,還是對事...對"她"更加的是...
最近成日都聽呢一首歌,我幾鐘意裡面既歌詞...比大家聽下丫!
活該 bｌiｓs
當天 就算今生不要再相見
今天 何以多麼牽掛你聲線
接近妳 就算真的不要臉 期望妳亦明白那日舊情人已變
新鮮 難以新得覆蓋你的臉
Phone-in談到DJ都對我cut線
結論說個半天 我們不應該再見 如大殮 葬身風光勝那朝生厭
難尋覓替代 就是最深愛 (就是最 最是愛)
如純屬意外 就從頭一次相親相愛不必給她這痛哀
活該 落得這日不再有她愛
活該 落得今宵歡笑已不再
掛念每次托腮 夢迴掀一掀被蓋 像競賽 夜半漫天片段播映心愛
活該 落得這日不再有她愛
活該 落得今宵快樂已不再
那夜再看看拓哉 回到家中叮菜給你未來讓這故事有多天記載
難尋覓替代 就是最深愛 (就是最深愛)
如純屬意外 就從頭一次相親相愛不必給她這痛哀
活該 落得這日不再有她愛
活該 落得今宵歡笑已不再
掛念每次托腮 夢迴掀一掀被蓋 像競賽 夜半漫天片段播映心愛
活該 落得這日不再有她愛
活該 落得今宵快樂已不再
鐵門已替你揭開 別由孤單覆蓋 給你未來讓這故事有多天記載
珍惜身邊人未太易 閒事就已煽動情人猜疑
離去了方知 難下舊情天天我亦如痴
活該 落得這日不再有她愛
活該 落得深宵歡笑已不再
掛念每次托腮 夢迴掀一掀被蓋 像競賽 夜半漫天片段播映心愛
活該 落得這日不再有她愛
活該 落得今宵快樂已不再
鐵門已替你揭開 別由孤單覆蓋 給你未來讓這結局教人相愛
多謝哂~
 |
 每日一圖!
2005 年 11 月 21 日 星期一
B4U SKY X 永遠不忘 X 11月21日 
@LIFE:詩姐生日過後既時間,者係到在凌晨時份...
作了一個重大既決定...向自己喜歡既人表白...(真傻呢!)
一切一切既心意都說出了~是否太急進呢?.......
到左呢一刻,都唔知講咩好...
令到妳再次亂想...對不起...
11月21日...永遠不忘...
訓到都唔知幾點起身啦...本來琴晚約左有地方去,可惜佢同佢朋友有街出...唯有下次啦!
打返兩個既日記~繼續搵下工!
努力D啦!我要~搵錢丫!
夜少少,由於媽媽因為工傷,所以放假,見親媽媽都係因為佢有事先可以見到佢,我見佢又辛苦,又攰...我咁大個仔都好似咩都幫佢唔到咁...
之後幫手煮反,set好新買果個微波爐,做下家務,攪好d衫佢咁,攪下攪下,食埋飯...睇下阿勤打wow,之後上床訓嚕!...
要想辦法,令屋企人唔好咁辛苦....
2005 年 11 月 20 日 星期日
B4U SKY X 生日快樂 X 詩姐
詩姐生日快樂先!好野~~~~~~
@LIFE:冇訓過...又開工...癲!
凍既天氣係好,做野當然唔駛出汗咁,但係太凍真係唔得掂?..
放左工之後,應承左小新好食早餐,因為好耐都冇同佢去過啦...我見橫掂一陣間都係冇咩時間訓覺,所以都係去左食...
兩個人食完之後去左88打左一陣機,玩左兩舖灣岸,由於因一D特別既事情令到我係個幾月前已經令我放棄左?都係過左一陣手癮...就起左身啦,我D FD都問我點解唔玩!我都唔知點答... 之後玩左一舖麻格!又係好耐都冇掂過...差D唔識打麻雀...好在食左一舖4番!咩都返哂來,攞左一次第一,見都已經8點半啦,今日我返十半雅典居!好啦!夠皮~返屋企...
用最快既速度換衫,出門口,返到去都係岩岩好咁滯...癲的...
今日做野算係好好多...算係上左手掛,不過諗極都唔明,成哥好似唔多比野我做咁,唉...做野都做得唔爽...但係,你要我做少D野,但係又唔好覺得我做唔到野先好喎...
阿瑩成日都係到笑笑笑,真係比佢笑死?..
到左夜市阿RAY都過埋來幫手,講真丫,我覺得呢一個時間係最好做,最好玩既,丫~又諗返以前啦,哈哈~放左工,三個人落左太和食糖水,食完佢地帶左我去搭車,教我點落去大尾篤,真係唔該哂啦...
搭緊小巴果時差D唔識落車~...哈...
去到燒烤王,又可以見到大家啦,大家都為詩姐生日而出席,大家有傾有講,好開心,相對有D人,應承左來又唔來...一個藉口就算,之前有一次都冇野啦,今次又係,你來唔到咪一句來唔到囉...做咩者?
食左少少野.同盈盈傾左一陣電話再同佢地傾多一陣計,一行人返上水啦,今晚唔駛返市場...可以抖返一日...
2005 年 11 月 19 日 星期六
B4U SKY X 第7日目 X 奮鬥記
@LIFE:天氣真係愈來愈凍啦,真係唔小心d都唔掂
係市場d風真係一d都唔弱,吹到我死死下....我塊面乾都爆啦,皮膚差都極點...
丫~做死啦~
放左工返左屋企恰左3個鐘,嘿!都唔知算唔算係訓,因為都訓唔到咁既...死典爛典,之後出發雅典居啦,一路做落去,發覺自己好多小多方都依然好疏忽~都係要繼續留意住,唔係比到麻醉,成哥同阿瑩就唔好啦...我自己都唔好意思...
唔知點解,總係覺得...
都係鐘意炒夜市~點解呢!?
又一day啦!都算順利~都唔錯,出埋糧就走人啦,去等巴士之際,岩岩miss左一架,之後一路食風,一路等!...咁岩自己著左好少衫就返工,因為返雅典居果時好曬,不過放左工就...凍死嚕!
返都屋企竟然差唔多11點...我用左兩個鐘先返到去咁滯...唔好理啦,休息休息...
好煩~好亂,工作都唔係可以忘記一切者...
2005 年 11 月 18 日 星期五
B4U SKY X ZZZ X ZZZ...
@LIFE:ZZZ......ZZZ......
只可以講,放左工係原全訓死...
7點幾先醒...點知電話又冇電...好多人都搵我唔到...
人地交托比我要做既野我要做唔到...sorry...
醒左一家人去左海港打邊爐,食完返屋企同細佬玩左一陣就訓...
聽日又要搏命啦!~
|
| B4uSky |
|
|
暱稱： B4USKY*:D
性別： 男
國家： 香港
地區： 東區 |
| MORE... |
|
| «‹ August 2026 ›» | | S | M | T | W | T | F | S | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | 31 | |
|
|
