B4uSky : 個人主頁 - 相簿 - 訂閱  [ QOOZA - 論壇 - 登入 ] 2006 年 1 月 10 日  星期二                                                   B4U SKY X 家常便飯 X 心靈...                         @LIFE:今日真係... 係今年第一日係開心架啦~ 朝早開工勁凍...9度,唔好玩啦,我想死丫! 差唔多收工果時同小新一齊食飯... 唔駛一陣盒飯已經好似雪條咁凍- -...點食者 但係又餓喎...冇計 放左工之後諗住去88打1蚊舖麻格,點知 有人打緊,之後我去左搵場務講部麻格SET錯左價錢 之後玩灣岸2,新環右我竟然仲有進步既空間 好開心丫!玩完之後返上水... 到左上水,係323門口落車 手痕打幾舖DM V2,點知又壞左,之後個肥佬幫我整返好先有得打咋 一玩,就打唔停,好似好耐都冇玩過咁 仲有,唔知點解今日打鼓個FEE好好,好舒服,咩都已經冇諗咁... 就係咁,係我喪玩既底下,加左五十幾分SP...864 SKILL POINT!好野~ 好開心丫~ 返到去,打比詩姐,睇下佢今日放假有咩攪...因為佢之前話今日約我-.- 之後知道有K唱,就出去玩下啦~呵呵! 出到去仲見到haice姐姐,嘩!佢好靚女丫,阿蕾識親既都咁靚,勁~ 原來..."明星係"難唱- -...仲有"一生可求"...SHIT!! 自己太耐冇唱K啦,喔耶~ 唱完K,阿蕾HAICE去返工,我就同詩姐去搵戲睇... 係去之前上左潮特買鏈,點知都係冇,落左200蚊訂就走左啦 見有少少口痕,兩個又食左撈撈,正...多謝詩姐包375丫~ 之後行行行,旺角都冇場,時間又唔岩,跟住我話返粉嶺睇有冇得睇 經過一大擾攘之後....... .......我地行飽行夠...落左聯和墟睇"四眼雞丁" 去到都5點9...5點10就開場,最攪笑個場務仲話,你地可以去SEVEN買野食... 真係比佢吹到啤一聲- .-...根本就唔駛諗可唔可以帶野食入場- -... 買完野食...入戲院啦,個攪笑場務又話... 可以既話...記得帶埋D垃圾走喎,真係笑到我地扒街啦個場務... 真係好客之道,咪就係呢D囉... 入到去,成間戲院,4個人包哂,爽到爆,當中4個人包括我同詩姐 成套戲都好好笑,D公仔整得好Q丫,尤其係果條泡泡魚丫,得意到飛起丫~ 睇完戲我同詩姐�奕奶W左阿蕾屋企先 之後大家就諗住唔出去食,玩煮飯仔,一人煮一樣!好玩丫! 大家去左惠康買餸,去買野媽媽又計平比我地 最好笑就係佢地竟然唔知有一個係我媽媽,詩姐仲問我 點解你可以同d阿姐咁熟既- -...我真係無言...呵呵 買好哂d野之後,因為我地冇米,阿新�咻怳韺琣a,多謝哂-3- 上到去,大家分工合作,一人一餸,好好玩丫,我煲湯姐 算係最easy果個,呵呵~最衰就只係得一個爐可以用- -... 不過都係用左一個鐘到,真係快,好在有阿新係到幫手 所以係快左好多~呵呵,唔該哂~ 呢一餐飯,好好食丫,大家一路睇電視,一路傾計 真係好warm...有機會都想試多一次 丫,唔係,係幾次都好喎~ 仲有,好多謝詩姐山長水遠入上水食飯~:) 食完野,汁好埋d手尾... 送埋詩姐去搭車,好在有車岩佢咋 因為其中一架係11點最後一班 送完之後...我好眼訓丫 返到屋企都差唔多12點= .= 今日好開心呀...舒服左好多... 同詩姐傾左好多野,又知左好多野... 之後要點...都係算啦!係咪~唔好仲迫自己啦... 放開自己,對自己都舒服d,對妳亦言...過左去既,由它走啦 對嗎?                                                B4U S.SKY~*:)                       刊登時間︰2006-01-11 07:36 AM  [ 訪客留言(0) ] [ 編輯日誌 ] [ 分享至FACEBOOK ] 2006 年 1 月 9 日  星期一                                                   B4U SKY X 愛既方式 X 對與錯                         @LIFE:我究竟好返未,我真係唔知... 休息左咁多... 都係好累...開工果時簡直係完全唔想做野咁... 我都唔知自己想點... 做到中段既時候,對眼好似睇唔到野咁啦 點都好啦,放左工,休息...休息... 訓醒左好想去睇醫生,但係又唔想哂錢... 唉...食咁易食少少藥就算啦! 愈來愈唔識點去喜歡一個人... 以家好似迷失左方向咁... 點算好,我做對人既方式好似錯哂咁...對佢好唔公平... 做人既忠指...冇哂啦... 有人可以教下我...                                       B4U S.SKY~*:)                       刊登時間︰2006-01-09 07:48 PM  [ 訪客留言(2) ] [ 編輯日誌 ] [ 分享至FACEBOOK ] 2006 年 1 月 8 日  星期日                                                   B4U SKY X ... X ......                         @LIFE:今朝真係激上激... 天氣凍已經不在話下啦 你班友仔仲...好x野丫,你地~ 休息既休息,突然潛水搵個"勁人"返來幫手 玩性格唔返工既又有,掂哂啦,邊個夠你地玩!? 係人手短缺既底下,只有默默咁做野 自己辛唔辛苦,只有自己知~ 到左放工,飯都食唔落...因為做都做都飽啦 返到去屋企,諗住搵野食下,又係公仔麵都走唔甩啦 點知發覺媽媽煲落湯,一切盡在不言中啦 突然覺得,有一個家,真係好... 自己幾時先可以有頭家呢? 家進問過我,想唔想結婚...大家意見各有分歧 但係我...不知幾想快d有自己一個既家呢... 病好返左少少...好過冇咁啦 夜少少搵左阿新一齊食飯,點知佢有比返個壺我 我都唔記得去搵盈盈�囿�... 係食飯之前突然收到妳既電話 ...... 食完飯同阿新行多一陣街之後返屋企 玩多陣bio4...訓覺!                                                  B4U S.SKY~*:)                       刊登時間︰2006-01-08 09:55 AM  [ 訪客留言(2) ] [ 編輯日誌 ] [ 分享至FACEBOOK ] 2006 年 1 月 7 日  星期六                                                   B4U SKY X 心境 X 不快                         @天氣突變 心身... 完全病了... 放工訓醒左之後,瑩瑩突然打來搵我開工... 無奈地唔係唔想幫,只係,我根本有心無力...sorry啦 之後又抖下,醒左之後諗住自己煲粥比自己食 幸運地... 媽媽早已為我預備好,真係多謝妳,媽媽~ 食呢一碗粥既時候,又令我諗左好多野...哈哈!自己太天真了吧! 以後對自己屋企人再好d,比多少少時間陪佢地 盡一個作為兒子既責任...                                     B4U S.SKY~*:(今日BIO 4 計劃成功完了!!呵呵~ 過了一年,想來一個回顧... 當中有好多開心既回憶,就永遠存係我個心入面啦 @網上日記 DAILY XP 呢一個日記仔,真係比左我好多回憶,呢個日記我係上年既6月到開始打 直到今時今日我都仲有繼續用緊,我細佬有一次問我,哥!你真係可以日日都有野打架喎 以我就話,一日廿四小時有咁多事發生 就算你全日都係係到訓丫,都可以打下你發左個咩野夢丫!係咪... 而朋友來講呢,日記都幫左我,同我一班十幾年既朋友了解加深左好多好多 好多野,大家都冇面對面咁講哂出來,但係有時大家就會係個日記到打出來 雖然當中有好有唔好,但係我自己就覺得係一件好事來囉,至低限度 以家係自己身邊既,都係真心朋友丫...了解深左,有咩唔好,朋友之間既問題 如果唔係因為個日記,都唔知其實係存在咁多既... 我覺得以家係比以前既大家係講心左好多~哈 多謝啦日記仔! @細佬班同學仔 佢地又係一班好得意既人,我同佢地係係上年一齊BBQ時識既,當中仲有幾個比較熟呢 雖然我同佢地唔係識得耐,但係佢地都好多野都同我分享下,有開心,有唔開心 差D仲以為同佢地一齊讀緊書丫呵呵... 有時佢地講感情,又令我諗返起以前既自己啦... 希望你地有情人成雙成對啦... 同佢地冇隔膜咁有傾有講,真係好開心,我地上次BBQ仲難忘 我地下一次一定要再癲過丫!哈哈~ 有緣識到你地係我既福份...好多謝你地~ @多年後,嘗試喜歡一個"她" 無可否認,到以家,我都係覺得自己去喜歡妳既方式係錯左... 喜歡妳,呢一句說話亦唔應該對妳說 係到,都想同妳講聲sorry啦... 我和妳到左以家呢一個地步好似大家冇咩野講咁... 可能大家就連做朋友都唔甲呢,因為大家既時間又唔甲 想傾電話已經變得愈來愈難... 妳比我既感覺就好似廿四小時都唔夠妳用咁... 唔好話大家有冇機會去街,就連傾電話既時間都愈來愈少 唔緊要啦,大家都出左來工作...不打緊 一直以來我都好羡慕妳身邊喜歡妳既男仔 佢地可以每日都可以見到妳,關心妳 大家可以一齊食lunch,放工又可以一齊宵夜 我同妳識左已經有大半年,但係見妳既次數真係少之有少... 而且就算見到妳,都傾唔到一兩句計...我到以家都唔係好明... 可能自己太愚笨啦,自己唔夠靚仔,唔見得人...哈哈! 可能...妳唔想見到我呢,又或者係我係妳心入面存有d抗拒感... 一切一切... 就只怪自己一直以來都係咁冇用罷了... 係一個咁無能,唔識令人開心既男仔吧... ps:多謝妳陪左我既日子,妳我開心與不愉快既事,永遠都會係我腦海入面既回憶! 多謝~ 最後 @自己班朋友... 上年最開心既係,都係同佢地一齊過好多好多既節日,仲有 自己既生日...都好開心,我都好多謝佢地 好多好多開心既,唔開心既...都可以一齊挨過,行過 呢個世界咁多人,都可以識到你地,仲同你地過左咁多個寒暑 一切一切都係哂呢一句說話度 ...多謝 當中特別嗚謝,"阿新,阿蕾,詩姐"....仲有"妳"                       刊登時間︰2006-01-07 07:51 AM  [ 訪客留言(4) ] [ 編輯日誌 ] [ 分享至FACEBOOK ] 2006 年 1 月 6 日  星期五                                                   B4U SKY X BIOHAZARD 4 X 平靜天                         @LIFE:琴日係條街到傻下傻下咁行左成日 之後仲食埋飯先返屋企訓 個頭痛到飛起... 今朝起身又遲到...麻煩!! 返到去又比人話左兩句 真係唔明... 人地又係遲,我又係遲,我真係唔明點解佢地可以唔駛比人罵呢!? 不過點都係自己衰者... 日日遲大到果D又唔罵 好日都唔遲一次既我,一遲就比人插到飛起 小喇叭丫~ 唉!~ 不過好在,今日算係做野開心返D 有時係到諗,對住做野班拍檔仲開心過對自己班FD... 唔知點解... 無可否認,我覺得自己開緊工果時係仲開心過對住自己班朋友... 可能...變左嚕! 放左工之後... BIOHAZARD 4 計劃進行~ 11點到訓覺 今日好平靜,好安靜...以後都係咁就好啦 唔駛諗,唔駛煩...亦唔好多事走去煩...!                                    B4U S.SKY~*:)                       刊登時間︰2006-01-06 08:45 AM  [ 訪客留言(3) ] [ 編輯日誌 ] [ 分享至FACEBOOK ] « | 97 | 98 | 99 | 100 | 101 | 102 | 103 | 104 | 105 | 106 | ... | 145 | » B4uSky 暱稱： B4USKY*:D 性別： 男 國家： 香港 地區： 東區 MORE...   «‹ June 2026 ›» S M T W T F S 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 » 最新日誌 • 回來了．B4USKY • 身影．B4USKY • 記憶．B4USKY • 復完．B4USKY • 一個人!?．B4USKY » 日誌分類 • 全部 (721)

Yvonne1989

mimikuen

Marilyn

Abo2007

lacus21

nancy978

kitluiangie

WANSAIKEUNG

xenvirea

fong_1314520

cleverluck

dead1324

顯示全部(26)

» 我的好友