B4uSky : 個人主頁 - 相簿 - 訂閱  [ QOOZA - 論壇 - 登入 ] 2006 年 1 月 15 日  星期日                                                   B4U SKY X 體諒 X 理解                         燈紅色的!~ 燈黃含苞待放既!! 送比妳既!!~ @LIFE:今朝訓醒之後,又收到妳既電話啦!! 開心過後,就係搏命之時! 今日爸爸都有來我個檔口一齊開工! 好玩丫!攪笑~ 今日比平時好賣好多,今日只係淨好少野者!好野~ 放左工之後我,爸爸,小新,一卜齊等埋大新一齊收工,去食早餐 人齊之後上左新街市食 唔知點解呢一餐可以咁好味!但係來來去去都係食果D野!哈哈~ 4個人開開心心有講有笑咁食左一餐好野!呵呵~ 不過食完野就好唔開心啦...我係到都唔想提... 我竟然比人CUT線...我真係好憎D咁冇禮貌既人!! 妳當我係咩丫!出氣袋嗎? 之後都成肚氣,就索性唔返屋企,同小新去打麻格4 不過牌路唔係幾好,最終都係守唔住...輸左一粒格珠!可惜... 打完機,就返上水 返到去都覺得打得唔係幾夠喉!想打DM~ 行過323睇見冇人打,唱錢!喪打~ 不過心境唔好咁打,都係打唔到好分數既... 打左3舖都冇加SKILL POINTS...有D心灰! 之後都係唔忿氣...打多一舖... 打"星之碎片"...上左身,好有FEEL...13XX幾個COMBO 勁開心丫!好野~ 打完之後,舒服哂!又有SKILL POINTS加,感覺唔錯! 之後返到屋企,打日記,同輝輝,肥鵬佢地傾左一陣計之後... 打日記...訓左一陣! 訓訓下,9點幾到阿蕾打來,問下聽日去街D野! 傾下閒計咁...笑到我爆廠啦妳! 收左線之後,先醫飽自己個肚仔先!!呵呵...杯麵一大個! 食完動手做家務,不過洗洗下衫先發覺冇洗衣粉...SHIT!! 之後落街買...百佳收左...再SHIT!!返上去繼續做家務=.= 做完之後,細佬都岩岩返... 我就獎勵下自己打下BM...初嘗段位認定!!可惜既係... 八段過唔到=.=...最尾係RAINBOW RAINBOW ANOTHER...點玩丫=.=....??? 打多左一陣,12點...媽媽班左盒洗衣粉返來... 我洗埋D衫...就去左覺豬啦!!                                       B4U S.SKY~*:)BM 10 七段中                                                         DM V2 SP 853.42 要努力丫!!                       刊登時間︰2006-01-15 12:59 PM  [ 訪客留言(0) ] [ 編輯日誌 ] [ 分享至FACEBOOK ] 2006 年 1 月 14 日  星期六                                                   B4U SKY X BBQ X VER 2                         @LIFE:今朝開工之前...又聽到妳把聲啦~ 多謝妳~ 今朝真係好爛市...我呢見生意咁差,我自己都好唔開心... 不過~盡力啦!做快d,幫輕d! 好快咁又收左工啦! 之後就拿拿聲返屋企,準備一陣去街衫 校．服．革．命！！ 之後到左11點幾到,肥鵬打來...話唔著喎=.=... ｓｈｉｔ~!! 到12到細佬摷醒我...換衫~出發!! 我地兩個人去左粉嶺火車站集合,人齊左之後一齊落新街市買野食 之後再去惠康...但係...我買少左野=.=.... 買齊哂野之後!一行十幾人出發去打鼓嶺!勁正丫! 不過入到去仲要搭多一程車,感覺...好神秘下喎!哈哈~ 去到,我第一時間整野菇...但係先發覺...冇牛油丫!!!!!!!!!!!!!!!!!! =.=....哎呀...麻煩啦!! 因為未人齊,所以有d人打機緊打機,影相既影相...傾計既傾計! 仲有果個地方...真係好正!哈哈~好有feel... 等左冇耐...來多兩個女仔,終於都人齊,起爐! 起好左個爐之後個個都好似餓鬼咁...包括我,搶丫,殺丫! 咁去食野=.=....嘩kakaka~ 玩到入夜,大家影相留念,慶幸個個都玩得好放,好開心... 打機既有打機既開心,我見肥豪佢地打得咁激,我都想加入埋戰團呢! 呵呵! 之後幫班女仔�姥鷐v相,好攪笑!哈哈~ 大家玩到8點幾...有一部份走先... 我,細佬,輝輝,肥鵬一齊去左溜冰場再傾過計 途中同妳傾左一陣計...又比我知道妳一d野啦... 以後...可唔可以繼續講多d比樹佳知丫? 收線之後,同佢地傾到差唔多12點...散band太眼訓~ 返到去...換衫,阿媽霸住個廁所都唔理啦我 面都冇洗...就扒落張床到....zzzzzz 哈哈!今日好好玩丫,下次買多d野食,野飲!通頂丫我要~~~~ ps:出得來玩...請問!?可唔可以開心d呢?... 出得來又要唔開心既...就你出來做咩??為咩呢??我真係好想知囉??                                              B4U S.SKY~*:) 阿新~我諗到份大禮你送咩比我啦!呵呵~多謝哂,你去格定價啦!呵呵~~                       刊登時間︰2006-01-15 12:30 PM  [ 訪客留言(2) ] [ 編輯日誌 ] [ 分享至FACEBOOK ] 2006 年 1 月 13 日  星期五                                                   B4U SKY X 黃龍等級 X 麻雀麻雀俱樂部                         @LIFE:今日黑色星期五丫...... 會唔會好黑呢~ 不過相對於自己來講,就一D都唔黑啦!哈~ 今朝一起身開工果陣,真係一起果一下 一首好耐都冇聽過既手機聆聲...係妳既專屬聆聲... 突然響起...估唔到,又係呢一刻,收到妳既電話 妳又病左啦...希望妳快D好返啦 戒口丫,知冇~ 一路...一路傾到我到市場,開工... 我都來唔切提醒妳一句,聽日做野小心D丫~ 我之後就係一個好爛市既底下...收工= =... 放左工,去88打1蚊麻格~打打下,贏一舖,輸一舖= =...小丫! 之後好幸運地,有高人教路!黃龍LV28.... 有佢既指點,真係打得順好多,亦學識左好多~ 之後知佢係好遠入來為左打1蚊麻格...咁我就讓左比佢玩~ 跟住佢係咁教我打麻格上既野,真係好多謝佢丫我... 有佢指點,我勁左好多丫!呵呵~ 佢一路打,就一路教我!晏少少,佢仲有一個FD來左,又係勁人 黃龍21LV= =...癲的! 之後我問下佢地打麻格打左幾多錢... 佢地一個就話由麻格1,打到以家麻格4...至少打左 6萬蚊.......... 另一個就有,至少都有4萬5...我計過... 我心諗...你地兩個係唔係傻架=.=??? 之後佢地又請我飲野,多謝哂,又教我打牌,又請我飲野,真係唔知點多謝你地好啦 哈哈! 再係佢地教路底下,我今日贏左三粒格鬥珠丫!好野... 上返三段~! 玩到成7點先返屋企... 買埋KFC返屋企!比細佬食,自己又食 一齊拆餐勁既~之後又同輝輝,細佬佢地一齊傾計! 既好玩,又攪笑~ 打埋呢篇日記!訓覺嚕~ 今日真係爽爆! 唔知...今晚聽唔聽到妳把聲呢??                       刊登時間︰2006-01-13 08:50 PM  [ 訪客留言(2) ] [ 編輯日誌 ] [ 分享至FACEBOOK ] 2006 年 1 月 12 日  星期四                                                   B4U SKY X 玩 X 玩丫~~~~~                         @LIFE: 神丫@O@,太神啦...又出啦好野~~~~~~~~~~~!! BEATMANIA IIDX又出第13代啦,真係希望佢唔好完啦!好野~超期待丫! 好爛市,真係好爛市丫~~~~嗚嘩! 就係好爛市既底下...我收左工啦,聽日黑色星期五...點算好-.-... 返屋企沖涼覺豬,因為今日約左阿玲出街~ 佢話帶我去一個神秘地方喎! 點知...我訓大左,去唔成!SORRY丫,阿玲,下次丫! 訓成左,肥鵬,輝輝又上左來過J灣,又大玩BM IIDX 慢慢來,慢慢來輝輝!阿勤一開頭都好CHEAP架咋,呵呵! 之後我相約小新~出大埔!麻雀格鬥俱樂部... 出到去,先玩左兩舖HOD 4,點知同小新就連第二個BOSS都打唔到... 呵~呵~呵!我地好屎丫!哈哈~ 之後兩個人過左金源打麻格! 小新就旺過丁常旺啦...仲上埋四段...勁哂! 而我=.=....死唔去咁囉! 之後轉打DM V2加左幾分!好野~呵呵! 打完機=.=...唔叫小新都唔捨得走丫佢... 兩個人去吉野家食埋晚飯! 我一個人返上水,返屋企覺豬嚕! 今日真係勁爽~~!! 舒服,舒服~呵呵!B4U S.SKY~*:)                       刊登時間︰2006-01-12 08:26 AM  [ 訪客留言(0) ] [ 編輯日誌 ] [ 分享至FACEBOOK ] 2006 年 1 月 11 日  星期三                                                   B4U SKY X 放開 X 放低                         @LIFE:今日開工都係咁多貨 但係已經少左一個人開工啦,因為佢玩性格! 德哥唔駛要人...呵呵!抵死,有份工又唔好好做丫拿! 放左工之後返屋企打日記,之後去左訓... 呢一覺,好舒服!呵~呵! 本來今個晏晝係同阿新一齊唱K既... 但係我太眼訓...冇去,變左應承左佢夜少少請佢食飯? 之後醒左,輝輝同肥鵬上左來 同佢地一齊癲下玩下~呵呵! 之後我又訓一陣,阿新返到上水之後 行左一陣街,之後上左RED FOREST食飯 食好D啦,冇所謂,最緊要兩個人都可以開開心心咁食一餐 哈哈~ 我地傾左好多野,好開心~下次一於再一齊煮過飯仔! 食完大家分開行啦,我去323睇下有冇人打鼓 去到見到1310SKILL POINTS 既鼓"神"丫,真係好神丫!偶像丫~~ 超勁的說,我都要努力交學費啦~ 睇完勁人打機,返屋企掠衫,洗埋D碗... 傾MSN,打日記~沖涼,覺豬~ PS:輝哥13號就生日啦,大家識做啦~喔耶~~~~~~~~~!!!遲下仲有阿新丫~ 呢幾日以來,真係好多謝大家關心,照顧,留言 阿新,阿蕾,詩姐,阿WING,阿玲,J哥等等,我真係真心真意咁多謝妳地既見解 我都要學識放低啦,開心返咁過每一日... 自己開心...朋友就唔駛擔心... 記得自己以前係一個好樂觀,樂天既男仔,有D咩事,只要自己比心機去做 冇咩係做唔到既! 唔需要去刻意改變自己既想法,睇法...我信...終會有一日...我都可以... 係...哈哈!唔講!~ 我已經冇野啦...笑返:) 仲有...妳丫 妳有打比我...多謝妳! 咩野事都時間飛逝啦~好嗎?但係,妳我回憶,永遠都會存在係我個"心"入面... 對嗎?樹佳?~        B4U S.SKY~*:) 最近好鐘意d風景wallpaper,好靚,睇落真係好舒服,哈哈!                          刊登時間︰2006-01-11 09:45 PM  [ 訪客留言(1) ] [ 編輯日誌 ] [ 分享至FACEBOOK ] « | 96 | 97 | 98 | 99 | 100 | 101 | 102 | 103 | 104 | 105 | ... | 145 | » B4uSky 暱稱： B4USKY*:D 性別： 男 國家： 香港 地區： 東區 MORE...   «‹ September 2026 ›» S M T W T F S 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 » 最新日誌 • 回來了．B4USKY • 身影．B4USKY • 記憶．B4USKY • 復完．B4USKY • 一個人!?．B4USKY » 日誌分類 • 全部 (721)

kitluiangie

xenvirea

Nicola2007

nancy978

Max1324

wawa1817

KakumeiAbyss

WANSAIKEUNG

fong_1314520

neteke

cleverluck

Yvonne1989

顯示全部(26)

» 我的好友