2005 年 9 月 4 日 星期日 
B4U SKY X OUTRUN DEMON X 放鬆下 
@LIFE:今朝開工,諗住以後會齊人開工,點知=.=....德哥叫人休息,好笑既係...以下一段對話!!
德哥:喂!今晚你休息=.=....阿昌
昌哥:下=.=??點解喎,又係我中"指令"丫?
德哥:係丫~又係你...唔好問點解~
昌哥:唔係喎,我今日要買貨喎,唔好叫我休啦...(好無奈中)
德哥:唔緊要!O.OV我幫你買,比個折你啦最多,你抖下啦阿昌...(係都唔比你開架啦,吹咩!?)
=.=...今日收工德哥同我講左D咁既野...笑死我囉,愈想開工,就愈唔比你開工~呵呵!!
真係比德哥吹到啤一聲!!
丫~我至憎開工架啦德哥,你唔好唔比我開工啦=.=...!!(無聊中)
放左工,冒住雨都去左打灣岸,無計啦,我心情唔多好丫,咪去左玩下囉,去到一個人都冇,不過~唔緊要,仲有大新,小新陪我丫~我地三個人之前係咁TUNE車車,三個好耐都冇對戰過啦,同佢兩個真係好好玩架,又開心,大家各有輸贏,咩招數都出齊,好攪笑,玩左冇耐,小平又來埋,一場天氛地暗既對戰又一觸即發!
呵呵~我架MR2今日仲唔贏返夠本,"730 OUTRUN DEMON"深深咁刻入我張TUNING CARD入面,爽爽~開心
咩唔開心既野都冇哂嚕!!
１０００分曲目
Fairy Tales LV86
762分中,奮鬥努力中
返到屋企,想出街街,之後梗係約新哥食飯啦!
點知,佢今日12點幾就食喎,佢就因為為左就我,就等我出埋來,1點幾先食喎...就係咁樣,阿新等我,我點都要出去會下佢架啦!
點知出到去,坐火車坐到回頭車=.=去到旺角先醒左,因為琴晚失眠,者係攪到琴日成晚都冇訓過,唉,好唔開心囉!好多野都諗唔明,最後...攪到冇得同詩姐食之餘,天要阿新等我咁耐,我真係好過意唔去囉,sorry啦兩位
之後就變左阿新陪我食飯先岩=.=...
食完去左新港打機,等埋阿新放工,路經新港既時侯,今日阿"rain"來左喎,好q多係到哄哄哄唷=.=...唉!萬人迷,掂丫
相反自己就係一個平凡既男仔o.ov~呵呵!
打左陣鼓,加唔到skill point,失敗丫!!
之後去左勝利灣岸,打左十幾話,對下戰咁,打比大新,知道佢情深的灣岸緊,緊係要睇下條女係咩樣先得,呵呵!後尾原來小新都係到,我地緊係要撩起戰火啦!玩左冇耐,佢地兩兄弟都走哂,得返我一個人係到同人玩,哈!今日已經贏到750粒星星啦
距離一千粒唔遠啦!
箱根有進步啦,22秒突入!
由於玩左太耐,要阿新佢地等,真係唔好意思啦,今日果少少心意!希望你地like啦!
同左樣真係可惜呢,阿新!
之後,4個人一齊落旺角,doris,家進佢地唱k,我同阿新行街街,睇相機,我地唔去唱k啦,你地兩個唱得開心d啦!呵呵!得返我同阿新兩個行街,見到新出
"嫣紅突擊高達"嘩~1288,我諗上水應該仲平,睇定d先~呵!
跟住相機,nds配套,係咁睇,大家都有收穫咁返上水
勁開心丫~同阿新行街,遲d我返兩份工,想行都冇得行嚕~
行到好攰耶~早d訓覺豬!!
值得,唔值得,以家我識得去點睇啦!
以家有人教識我!多謝哂~
2005 年 9 月 3 日 星期六 
B4U SKY X 如果的事 X 等待
@LIFE:係之前唱K果一晚
DORIS點左一好好聽既歌
係到同大家分享下~我上傳左來~多謝哂!
請細心欣賞~如果的事!~
范)我想過一件事 不是壞的事 一直對自己堅持 愛情的意思
像風沒有理由輕輕吹著走 誰愛誰沒有所謂的對與錯
(合)不管時間 說著我們在一起有多坎坷
(張)我不敢去証實 愛你兩個字 不是對自己矜持 也不是諷刺
別人都在說我其實很無知 這樣的感情被認定很諷刺
我很不服 我還在想著那件事
☆(范)如果你已經不能控制 每天想我一次 如果你因為我而誠實
[(張)控制想著我一次]
(張)如果你看我的電影 聽我愛的CD 如果 (合)你能帶我一起旅行
[(范)我的電影]
(范)如果你決定跟隨感覺 為愛勇敢一次 如果你說我們有彼此
[(張)跟隨感覺愛一次]
(張)如果你會開始相信 這般戀愛心情 如果 (合)你能給我如果的事
[(范)開始相信]
(范)我不敢去証實 愛你兩個字 [(張)愛你兩個字]
(范)不是對自己矜持 也不是諷刺 [(張)也不是諷刺]
(張)別人都在說[(范)說]我其實很無知
(張)這樣的感情被認定很諷刺[(范)被認定很諷刺]
(合)我很不服 我還在想著那件事
Repeat ☆
(合)如果你已經不能控制 每天想我一次 如果你因為我而誠實
如果你看我的電影 聽我愛的CD 如果你能帶我一起旅行
如果你決定跟隨感覺 為愛勇敢一次 如果你說我們有彼此
如果你會開始相信 這般戀愛心情 我只要你一件如果的事
我會奮不顧身地去愛你
今朝終於齊哂人開工,噢,終於都冇咁辛苦啦,唔駛一個拉唷~呵呵!
準時收工~
由於琴晚同阿新行完街,唔記得左架單車泊左係粉嶺,之後冒住雨咁踩單車返屋企啦~
返到屋企,得知,面試個經理仲未返香港,第二之面試冇了期~
不過唔緊要丫~仲有d工自己都想去試下~我唔會係到等既~
訓左一陣之後,由於太悶,一個人出左街行下,之後約埋家進,知佢今日心情唔係幾好,電話又因工傷而整壞左=..=...噢,就去左陪下佢啦~
買野飲~食飯,全部都係家進包哂,下次到我啦,今次多謝哂啦!thank you~
都話左咩都唔好諗架啦,以家團火都唔知去哂邊,家進,你睇下我就知係一個人版啦,仲去做,哂氣啦,佢地會明白你咩!?比心機開工,搵多D錢仲好過啦~
總有一個人識欣賞你架!!
所以話呢!
錢係永遠都搵唔完既,所以人就係咁鍾意搵錢!!~
KEEP GOING啦!!~有咩唔開心搵我啦
PS:唔該家豪還左錢,呵呵!距離目標唔遠啦!~
加油!!~
2005 年 9 月 2 日 星期五
B4U SKY X 見工@.@" X 城大o.o? 
@LIFE:又係少一個人開工既一朝,妖~都唔好玩既,做死人啦啦啦啦!!不過,我要儲錢,呵呵,放左工就冇野,開心返啦~呵呵!!~不過今日最重要既係,要去見工,唷~GO GO GO!!
放左工先返屋企攪攪個樣,沖個靚涼先啦緊係,成身汗汗點見工呢O.O?不過係中途,阿新就打左個電話來,話家進遲大到,潛左水咁喎,嘩!講到幾火呀,手頭上大把野做,人又少...唉!其實我自己都唔知講咩好啦,都係一句啦,逆來順受...由於我仲準備緊去見工,講左冇耐就收左線啦~
攪掂好哂,去左88搵埋大新,同佢一齊去佢公司,上到去,丫,講起上來,自己都好耐都未過見工啦~呵呵,好鬼緊張唷,跟住大新比野我填,填好哂等人事部D人出來,等緊既時侯,阿新SEND左個短訊來,你既支持,多謝哂....^_^
等左冇耐,終於都面試啦,D內容自己諗返都好想笑,佢問我:你平時有冇用電腦架.我話:有丫~不過唔係用來打機架,我整網頁囉!!果個小姐都笑左一笑,哈哈!!諗返下,見工呢一方面真係冇咩經驗啦,好緊張唷!!傾好左之後,等個經理返來,約時間,第二之面試,呵!!有機啦~
見完工之後,攞兩條煙比詩姐,無錯...係兩條~
出到尖咀,打下鼓,而有SKILL POINT 加,762分啦,800分我來緊啦!唷~跟住打灣岸,又爆左一之機=.=...又160蚊嚕!!就算係2蚊舖都係咁話,都要時間架!玩完之後,去中港搵佢地,呵!今之終於食到"米榚"啦~呵呵~唔該詩姐,真係好好食架,之後阿新都來埋,又聽佢插家進啦,講講下先知佢遲左兩個鐘先返到公司=.=.....下,兩個鐘!?唔係掛,咁大個仔....兩個鐘喎...做到好多野架,食到家進又來埋,我同阿新,兩個人一齊夾攻插佢,問你死字家進,睇下你下次仲遲唔遲丫拿!?呵呵~死未?O.Ov
食完飯,講到就連我口水都乾,我約左阿新放左工一齊行街街,咁我就落左新港打住機等啦,落到去,見到WCCF個新VERIONS,唉,真係好想玩丫,無奈地一玩就要玩好多錢,多錢到個程度係,仲可以多過灣岸架,50蚊5局,一局就15蚊...DIN架...都係唔玩啦~呵!!之後打鼓,嘩~我比女仔撩囉=.=....又有搞錯丫,真係世風日下囉,不過,講開又講,今日唔知點解,打鼓果邊真係好多女仔,好多仲好似岩岩夠16歲咁=.=...下!咩唔駛返學架妳地@.@?
打到阿新收左工,一齊行街嚕~不過先去既,係城大呀~呵呵!!都係第一次去咋,去到真係覺得好大,真係好大,好似去左另一個世界咁,好似一個殖民地咁,好有GUNDAM FEEL呀!爽~仲去埋城大個洗手間睇下,真係好好笑丫~遊覽完城大之後,攞左一DD章程睇下,嘩~三萬一年唷,諗下佢先~
之後繼續行程,落左沙田睇下個新開既CITY SUPER,順個便睇下YAMMI~嘩,真係好多人囉,多人都你唔信,阿新好在你冇落來做咋,旺到CRAZY囉!!,盲中中咁行,其實都唔知妳係邊一個部門=.=...哈哈!!就連妳係我後面我自己都唔知...見到妳,同妳打左個招呼又唔應人,可能妳睇唔到我啦~唉!不過見咁多人,都係唔好阻住妳做野,我都係閃吧啦...跟住同左阿新去左買GUNDAM書,噢!點解可以咁平架,阿新你又帶我去左個好正既地方啦!THANK~,跟住再行埋"宜家"...同阿新行,成日都係到諗點整將來間DREAM HOUSE,真係講唔停呢!正~不過,講還講,都係比心機做野啦~GUNDAM,相機,一路係全日,講不斷...好開心,好好玩...多謝你啦,新!
返屋企打日記,早D訓嚕~好開心丫今日~城大丫~
今日金句:要留住一個人個"心"...先要留住佢個"胃"
2005 年 9 月 1 日 星期四
B4U SKY X 開學嚕~ X 新事物o.o?
@LIFE:死啦,以家個個都輪流休息,大佬們丫,你地唔好玩我啦,你地出貨少個人緊係冇所謂啦,唔夠人係我上面拉人幫手咋ma,但係我唔夠人,冇人幫架...得自己一個整貨,又比老細睇住哂,想蛇下都唔得丫~
可惡丫~!
做到咁攰,緊係要去灣岸鬆一鬆啦,之不過,面對住成班神人,自己真係有心冇力,佢地真係操到好勁,變哂態咁...唉,唔通我架MR2真係到左極限...噢~OMG!!玩左廿蚊之後返到上水,行過323,丫,又身痕咁打左幾舖鼓機,752分啦SKILL POINT!太好啦,又有進步啦~唷!!
打到攰到死,返屋企11點幾~噢,訓覺豬嚕!!一訓就一訓到,3點幾,之後大新打左來,話比我知有份工岩我做喎,叫我聽日即刻去見工,唷~好喎,我緊係即刻答應啦~傾左d細節之後,就訓陣先啦...一訓又訓到開工~
聽日見工,大家祝福我啦~呵呵!!
目標又近一步啦~$_$
2005 年 8 月 31 日 星期三
B4U SKY X 唱k X 聚舊~
@LIFE:丫~又話又替工,比德哥過左我一野TIM...無奈丫,好!算你狠...我...我...做...
少左一個人開工,做到我死死下咁,唉唷!!都唔好玩既...
攰到死咁返到屋企...D衫冇掠...屋企野咩都冇攪就仆左去訓=.=....呵呵!!
一訓就訓到5點幾6點=.=...嘻!爽死了~
之後比家進聆~聆~聆~鈴醒左,比佢地拉左我去唱K,噢!唱K@.@??
隻身就走左出去旺角,JOIN埋佢地,哈哈,佢兩個人一齊還左錢比我,真係唔該哂啦,下次有需要再搵佳佳財務啦...
易借易還...呵呵!!
丫~講到借錢好似仲有一個未還,阿新,個波交比你啦~
攪好哂D野之後一齊上GREEN BOX,成晚都好開心,最可惜既係TIM哥來唔到啦~
真係比家進D唱K風格笑死我啦...D歌詞好正呀~家進你係得既,唱唱下DORIS都上埋來,4個人又唱過,不過唔開心既係,佢既努力,得唔到別人既認同,不過,唔駛怕啦,"此處不留人,自有留人處"唔駛唔開心架喎,唔開心咪搵我地好似今晚咁唱K囉~KEEP GOING呀~
唱完之後,送多DORIS搭巴士,我地三個男人返上水嚕,不過我仲有節目,就係同之前係扒王識落既朋友仔食宵夜啦,呵呵!又有得玩~
去到,好耐都冇來過既老地方,見返以前一齊並肩作戰既朋友...講真一句丫,我真係好掛住你地架,不過有一樣野唔同左既係,E...點解多左咁多女仔咁=.=....丫,後尾先知我走左冇耐,有好多女仔去見工,有冇搞錯丫,不過,做飲食...千祈唔好拍拖,會好大鑊架=.=....因為自己都試過~不過點都好啦,我都唔會再返去做啦~佢地開心咪OK囉~呵呵!!
到左2點到,飲飽食醉,玩到DIN哂咁,但係都要返工既~
收拾心情返工嚕~
今日見返你地真係好!!~好多謝你地約埋我^_^
今日金句:他約我去迪士尼
送比大家既~原曲作者: kellyjackie @ Royals
原曲作詞: 海藍 @ Royals ／ 庭 @ Royals
原曲編曲: 林柿 @ Royals
兜過幾個圈 看木馬旋轉 美夢似是遙遠 仍埋藏著繾綣
快樂旅途中 有沒有熱戀 看著這入場券 如同尋獲溫暖
笑問你 你話連夜候票再多的困倦 也不怨 似在平靜地說出 絲絲的愛戀
畢生也願記起 香港迪士尼 煙火璀璨夜晚定會很美
坐咖啡杯 溫馨記憶 旋轉中細味 天邊星宿也沒法比
今天心碎或痛悲 只需要記住陪伴在你身邊有米妮
始終可以幸福地 沉迷在美夢裡希冀
要是你 決定明日伴我去闖天與地 會很美 故事延續下世紀 一生都記起
不必理是與非 不需要顧忌 穿梭堡壘內陪伴我嬉戲
米老鼠 比精品店的美 輕輕靠近 都可使我快樂跳起
當 身邊掛著相機 假使到最後還未望到不准你別離
可知心裡正準備 無緣合照亦抱緊你
公主與白雪都 不需要羨慕 因可跟你在長夜裡擁抱
見阿拉丁 本想說聲坐飛氈 卻又不可媲美你待我好
星空不算是太高 假使有你在旁陪伴我一起每段路
可將一切記心內 明日共你愉快傾訴
幾時可以和"妳"去迪士尼呢?~
|
| B4uSky |
|
|
暱稱： B4USKY*:D
性別： 男
國家： 香港
地區： 東區 |
| MORE... |
|
| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
|
