2005 年 8 月 10 日 星期三 
B4U SKY X UNHAPPY SKY X 媽媽病左 
@LIFE:開工之前,有風,仲都幾大風...一如所料......落雨...仲好大雨,之後走去搭的士,係的士入面,竟然可以大雨到連前面都睇唔到,我就係到諗...死梗啦,又點知,一落車,冇雨=.=....(無言)Orz......不過落完貸都有落大雨,濕哂啦...但係由於停左雨之後有風,好快就吹乾哂啦,仲跟手比人拉左去灣岸=.=.....(你都乾哂啦,你走唔甩啦佳仔...)shit!!...
玩左果8蚊雞就返左屋企,唉都冇人來,咪走走囉~返到屋企,就覺覺豬左,訓醒左之後阿勤話發現,部NDS枝TOUNC PEN唔見左=.=.....噢,都唔知係唔係汁屋唔見左TIM,聽日出去買返先~之後冇咩野做,做下屋企野,睇下KILL BILL 2...未睇之前媽媽放工返屋企見到佢神色唔係幾好,摸摸佢個額頭覺得好熱,唔對路喎,噢....發燒....之後媽媽訓左我先開始睇KILL BILL 2~
KILL BILL 2....一個字"悶"........真係好悶,如果唔係睇左第一集,都唔會睇埋個尾佢....
媽媽病左唷~冇咩心情,唔打啦~
2005 年 8 月 9 日 星期二
B4U SKY X 亂哂龍 X 立立亂=.=...!? 
@LIFE:開工冇踩單車返工...咁又冇左廿蚊,唉!!又唔見左6舖灣岸=.=....今朝個天氣好悶熱,不過此終都係落唔出雨來,不過,睇來好快就來一場大雨架啦!!...丫,佢落一場大雨仲好,等D天氣冇咁熱...
放左工拿拿聲就返左屋企,點解!?因為我間房果幅"漫畫牆"..."林"左落來,攪到以家成地都係漫畫書=.=....死火啦,咁我即刻沖個涼,訓醒先同佢地死過啦~嘿,訓到兩點幾到,好~來啦,攪呀攪呀...汁下汁下先發覺,原來自己一直以來真係買左好多書,漫畫書呀,game既攻略呀,畫集呀,真係多到自己都唔信,仲有好多模型丫~等等,總之咩都有,諗佢地點放好都諗到我頭都大埋...之後就由二點幾起,汁汁汁,汁到9點幾=.=....癲架,不過最後都攪好哂,齊齊整整,仲有比以前多左d空間出來,呵呵,者係仲可以買新野返來啦~嘻!
汁好哂之後,媽媽買左kfc返來食,噢,多謝媽媽啦...好耐都冇食過啦~~
真係多到丫.....仲有套網球王子未影=.=......
一堆game=.=.......(ps2)
DC , X-BOX GAME...仲有好多既DVD....睇到就煩=.=....汁到我丫...
點少得聖衣神話丫=.=......(無念)....~~
2005 年 8 月 8 日 星期一
B4U SKY X 又有自助餐 X 灣岸高人 
@LIFE:唷~咁既天氣熱死我丫~~~~~~~
返工,放工~都唔好玩既...放左工又玩灣岸,玩下玩下又到左十點幾,今日玩對戰,又輸比架EVO．I,不過,我都知佢成日操車架啦,架EVO III真係好快,雖然個車主都幾串下,但係,人地都有比錢去練習,怪!就只怪自己付出得唔夠人多姐...之後因為今晚要出尖咀(又係尖沙咀,呢排都出得好密下)食自助餐,所以都係早少少訓覺豬啦...
5點幾到,大生打比我,叫我同佢早D出去先,因為佢大鄉里出省=.=....哈哈!!所以叫我帶埋佢出去,佢又話琴日殺星星殺得好開心,所以今日想早D出去殺下先喎,無奈既就係,我又要沖涼,攪里攪路咁,出到去都差唔多食咁滯,不過都仲布少少時間可以玩下既...兩個人去到金星,大生比左我玩先,之後玩左4舖贏左3次第一,多謝哂啦,之後起身比大生玩,咁我就冇睇佢玩,自己行左去玩其他野,時間夠,返左去搵大生叫走人,之後聽到一D幾有趣既事,話說我之前玩對戰,同場隔離果位車手話,MR 2想夾我GTR?嘿!!因為最後一舖我輸左,如果唔係我點起身呢,之後佢講左一句咁既說話比大生聽到,講返比我知,我聽到之後真係"O"左咀囉,你又冇技術,一味係咁撞,我都唔怪你,我一落場都比你夾落大貨櫃到啦,我都未出聲,真係冇品呢~贏返我一場就係自己個FD前面認叻...唉丫~咩人來架O.O?...你又唔計下我之前贏你果D既!?又唔計下有一舖比我夾到你得個第4既...唉!點解D人唔諗下人地付出左幾多先有今時今日玩得咁叻,跑得咁快既?我都玩左成3千銀咁滯啦,都算有少少技術,如果唔係,咁不如唔好玩嚕!仲有,唔好唔記得,你架係GTR喎32喎....我架係MR 2咋...ONLY計車種都高我兩班呢...!!唉,玩到好無奈唷~真係高丫你....
玩完之後去左金象皇食泰國式自助餐,今次真係好齊人,我自己一家人加埋細佬個女朋友,仲有小生一PAIR人,仲有大生,又有一休...呀~仲有阿E同E丈呢~成12個人,好開心丫,仲發生左D好攪笑既野TIM,好似食冰棒咁,我開頭唔識點攞佢出來,比大生,小生笑死,後尾知道左個方法仲攪野...又笑死...呵呵!!食就食得好開心啦,因為一家人好齊哂啦,仲有阿基個女朋友,冇見佢一排都冇上過來,仲以為咩TIM...佢係獨生女,所以佢當正我係佢個哥哥咁架,多個妹妹都唔錯丫...嘻!!不過自助來講,泰式真係太多肉類啦....好易飽唔係好抵食咁既...不過都幾好食丫~仲有,係呢一間餐廳入面,仲有一間買迪士尼,HELLO KITTY既精品店,咁我臨走前都行左一個圈,因為佢全店半價中...呵呵,見到一個HELLO KITTY吊燈真係好靘,好得意架,係個燈燈下面有隻HEELO KITTY係到打玩韆鞦架,超超得意丫,睇左一陣...但係都係冇收穫嚕!!
食飽飽返屋企覺豬~~~~~~~~~~~~~~~~好好玩既一日,真係幸福啦!!
幾時先可以帶自己個女朋友同屋企人食飯=.=.......!?呵~
~整個金句先~
這一生,牽她的手,
愛了,就牢牢的、牢牢的靠近
不要在茫茫人海中丟了彼此......
還是
你是你,我是我,互不相欠,各奔幸福…
即使夢中遇見了也不要打招呼
笑笑,然后擦肩過
或者讓我一生都擁有著你,
或者我們永遠都不要相信
DO YOU THINK?
2005 年 8 月 7 日 星期日
B4U SKY X 大生 X 小生
@LIFE:點解~點解D天氣可以熱成咁架,行一陣街都成身汗啦...不過,唔熱又點叫做夏天呢...呵呵!!
返左工約左大生,小生去打灣岸,不過今次係比人更硬拉去既,唉!~,未出之前,就同大生係粉嶺88先打左一輪...呵呵,又有人送左20粒星星比佳佳啦...玩完返左屋企沖涼,之後先同大生一齊出尖咀,出埋去JOIN小生!!
出到去,先約左詩姐食飯,原本諗住約埋YAMMI既,可惜佢佳人有約,咁未到食飯時間,同大生,小生係金星打左一輪先,唷~又多左20幾粒星星,有成500幾粒啦~呵呵,夠鐘過左去搵詩姐,攞返之前交低左比佢既野,知佢都好心機去幫我手,自己都好開心,幾時要煙者~請埋妳食又點話姐!!食完,知道阿新,同家進一齊收5:30...叫我等埋佢地,之後我再返金星玩灣岸,大生今日都殺左唔少~爽到佢爆啦!!玩完之後各自散水,咁我就返左新港身痕又同人玩灣岸,之後一路贏,一路玩到阿新佢地來到,仲要打多左半個鐘先輸,先走得...540粒星,正丫~
玩完一齊返上水~咁又一日!!
PS:唔知今日阿炳做野O唔OK呢?希望順順利利啦!!加油~
2005 年 8 月 6 日 星期六
B4U SKY X 100條問題 X HAPPY ENDING!?
@LIFE:放左一日假,訓左成晚,個感覺就係,好爽~呵呵!!
訓醒左打下日記~攪下野咁....之後出去尖咀搵阿新,因為佢今日比佢部相機我,所以我就出下去順個便同佢地食埋飯,跟住又得知阿炳,阿美今日出左銅鑼灣見工,所以我話出埋去join阿炳打灣岸啦~
出到去,先同阿新加埋佢同事食飯,食左一輪,之後去搵左詩姐,傾下計又再次食埋飯,次次食lunch都笑餐死=.=.......同埋阿炳僭地兩個一齊食,一路食,一路傾下阿炳d野,唉,我以家好擔心佢丫~哎呀,下次唔好咁意氣用事啦,知唔知...食完之後,我地去磨下時間,打下機咁,今次同阿炳一試gundam seed隻game,嘩~佢一試就上左瘾,我地兩個係咁係咁入錢打啦=.=........
之後,阿新,家進都放左工,我地三個人join埋佢地,跟住我地又身痕又想打seed,真係上左瘾咁,今次去左第二間機舖玩,去到我同阿炳係咁拉人對戰,不過梗係輸多過贏啦,之後家進見我地玩下玩下,佢又入埋錢玩,不過下次唔好咁幫我地法啦,因為咁樣玩呢,對果個陌生人唔係咁fair~一路玩玩下,阿炳掛住玩,冇理阿美,仲喊埋....shit,成班梗係拿拿聲起身走人,阿炳,我都知你好耐都冇試過咁齊人打機,不過都要理下阿美架!!~
今晚攪成咁,以後點同阿炳出街=.=???
出左機舖,我地分開左行,各自返上水,我同家進,阿新,返到去,去左阿新屋企攞左相機先,之後一行三個人去左食飯,食飯途,阿新都好有心機去教我點用部機,有d咩野要注意既,哈哈,唔該哂啦....食食下,阿炳都來埋,4個人傾左一陣,傾下阿美,阿炳,食完飯,阿新走左先,我同阿炳,家進又去左323打seed...嘩!!真係爽到暈呀,個game真係好好玩!玩到11點幾阿炳上左我屋企借左套seed去睇,我後我都訓覺覺豬啦~不過都係冇訓,等人電話......等到開工工,噢\ @ ╕@ /~呵呵!!
又有100題啦 呵呵~
０1．最中意邊個香港歌手： @古巨基丫~
０2．最中意邊個日本歌手： @BeForU,成隊都好丫~
０3．最中意邊個臺灣歌手： @梗係流星雨既F4啦,佢地個MV正到丫!(講笑姐)冇一個好
０4．最中意做Ｄ咩： @打機
０5．最中意邊個： @爸爸,媽媽
０6．最中意同邊個玩： @成班FD都LIKE丫~
０7．最中意邊個屋企人: @個個都中意~呵呵
０8．最中意咩歌： @ABC君~唷
０9．最愛既人係邊個： @暫時未有喎,有都唔係呢到講啦=.=...
１0．最令你心痛既人係邊個： @珊~...女人丫~呢D
１1．最掛住既人係邊個： @冇喎...
１2．最令你有安全感既人係邊個： @自己...
１3．最易令你喊既人係邊個: @爸爸,媽媽
１4．最驚Ｄ咩: @蛇=.=.....
１5．最冇信心令你做既野係咩： @增高=.=....
１6．最唔中意邊一科： @MATHS....成個腦都係1234567.....
１7．最心愛既野係咩： @梗係美術啦~
１8．最唔開心既時候會做咩: @打機~一個人行街買野,呵呵
１9．最悶既時候會做咩： @訓覺....咁就唔會悶啦
２0．最愛既女/男朋友係邊個： @冇丫~過左去既都唔會諗!
２1．最關心既係邊個： @ 新~家進~
２2．最ＤOWＮ既時候係幾時: @冇錢....
２3．最中意邊個老師： @唔記得嚕!呵呵
２4．最怕既野係咩： @煙仔....者係二手煙....
２5．最中意食咩: @菜菜~
２6．最中意咩通訊工具： @ICQ!電話,簡直就係偉大既發明~
２7．最憎既人係邊個： @冇喎~
２8．最想做既野係咩： @去日本~~~~~~~~
２9．最中意邊個異性朋友(唔可以係拖友)： @冇喎....太少異性朋友啦...
３0．最令你有性幻想既野係咩： @可唔可以唔答=.=....
３1．最錫既人係邊個: @將來既"女朋友仔"
３2．最冇辦法接受到既野係咩： @自己變左女人.....
３3．最好笑既朋友係邊個: @詩姐~者係IS YOUR MAMA~
３4．最瘦既朋友係邊個: @邦囉....可能係全新界曼瘦都係佢啦~
３5．最令你開心既人係邊個： @家進~
３6．最講得心事既係邊個： @家進~
３7．最中意ＴVＢ邊個男演員： @陳豪~
３8．最中意TWINS邊首歌: @多謝失戀
３9．最想邊個做你爸爸： @以家呢個最好啦
４0．最想試下同邊個拍拖: @呢個問題係心到答左.....呵呵!唔比妳地知...
４1．最中意飲咩： @果汁加奶奶~
４2．最中意邊個既日記： @IS YOUR MAMA 日記~~~X你JJ~正到丫...
４3．最憎既老師係邊個： @MATHS老師.\ ╕ / .~
４4．最怕係街度撞到邊個： @張子麗....
４5．最中意同女/男朋友去既地方係邊度： @可以睇日落既地方
４6．最想知佢諗既人係邊個： @冇....
４7．最唔想發生既野係咩： @失去親人......
４8．最易令你觸電既異性係點既： @眼仔精靈~
４9．最勁試過一拖幾： @拖都冇得拍,你話呢~=.=....
５0．最冇能力做到既野係咩: @打V ANOTHER.....=.=.....呵
５1．最唔中意人地話你咩： @話我仆街....
５2．最中意既電影係咩: @龍咁威~
５3．最怕失去Ｄ咩： @最愛既人~
５4．最中意邊隊組合： @V6~
５5．最中意睇咩雜誌： @GAME WAVE~因為有個編輯成日會講BEATMANIA IIDX既野~
５6．最中意睇咩報紙： @新報~
５7．最常做既野係咩： @打機=.=...
５8．最易ＨURＴ到你既野係咩: @分手~
５9．最中意邊個網友: @冇丫~
６0．最中意咩牌子既紙巾： @TAMPO~好爽架
６1．最易令你放棄既野係咩： @都係打機....
６2．最中意咩牌子: @SONY~
６3．最矮既朋友係邊個：@邦,又係你丫頭
６4．最高既朋友係邊個： @炳....高到都唔係人咁....\ @ ╕ @ /
６5．最中意邊個足球明星： @尼維特!型爆~捷克大炮~~~~~~~~~~~~~~~~~~~~~~~~~
６6．最中意ＮBＡ邊個人： @左敦丫~
６7．最中意做既運動: @打籃球~~
６8．最中意咩公仔： @冇=.=....
６9．最中意ＦIONＡ邊首歌： @佢係邊個呢架=.=......??
７０．最中意邊個歷史人物: @梗係諸葛亮先生啦~
７1．最好打既朋友係邊個： @梗係阿品啦~唔打得都,睇得丫~我估
７2．最愛你既人係邊個： @唔知有冇.......
７３．最想讀邊間學校： @冇~
７4．最想做而又冇可能做到既野係: @有個女朋友得唔得??呵
７5．最靚既朋友係邊個： @梗係阿蕾啦~
７6．最中意咩電視劇： @大~~~~~~~~~~~~~~~~~長今...
７7．最中意咩電器牌子： @SONY~
７8．最冇可能發生既野係咩： @做左女人....=..=
７9．最掛住你既人係邊個： @唔知有冇呢=.=.....
８0．最中意既字係咩字： @"好"~睇下!!係咪好好呢?
８1．最想得到既野係咩： @一個愛自己既人~呵
８2．最開心既時候會做Ｄ咩： @都係打機~
８3．最中意咩寵物： @貓貓~喵~~~~~~~~~~~~��
８4．最勁試過做Ｄ咩野: @為女死.為女亡~
８5．最黑你憎既歌手係邊個： @關心研
８6．最驚既人係邊個： @詩姐....佢好惡架~呵呵!!
８7．最中意邊個ＴB: @...係最憎TB先岩....
８8．最靚女既人係邊個(你見過之中)： @梗係YAMMI啦......
８9．最靚仔呢：@ 陳家豪~
９0．最易令你絕望既野係咩： @比人拒絕.....夠唔夠絕......!!
９1．最怕被人發現Ｄ咩： @噢~~~~唔知呢!!
９2．最勁既大話係咩: @我係女人呀~~~~~~~��
９3．最細隻眼既朋友係邊個： @小生~
９4．最好聽既合唱歌係: @多謝失戀~
９5．最中意咩童話故事： @灰姑娘丫~~~
９6．最理想既情人係邊個： @唔....唔制~唔講耶!!
９7．最好聽既失戀歌係咩 @多謝失戀!!歌詞好正架!
９8．最中意咩生果： @蜜瓜~~~~~
９9．最鹹濕既朋友係邊個：@.........................陳X豪.....
１0０．覺得呢１0０條問題點： @玩左我成個鐘,比返D青春我丫~~~~~~~~都幾好玩既!!88嚕~
大家COPY來玩啦,我會等大家個日記整哂,我自己先會答,大家記得玩啦~
 每日一圖~
|
| B4uSky |
|
|
暱稱： B4USKY*:D
性別： 男
國家： 香港
地區： 東區 |
| MORE... |
|
| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
|
