2005 年 7 月 27 日 星期三 
B4U SKY X IMPERZA X 815 PLS 
@LIFE:臨開工之前,同幾日都冇傾過計既yammi傾下電話,嗯,傾左一點點感情既問題,大個女啦,識諗啦...開心d先得架ma,一傾又傾左兩個鐘...如果唔駛返開工,我真係唔收線架,哈哈~唔知點解,每次同妳傾完電話,個心情會輕鬆好多,好舒服...哈哈...多謝哂啦...
返工菜市場,e,奇怪啦,點解今日咁多人開工既,有我琴日叫果個新人來左,仲有...妖,個煩人做咩又返左來架=.=...shit,之後到第二車貨到既時候,又多左一個係元朗落來既新人,嘩~過年都唔駛咁多人開工啦...攪錯丫,唉,早知就抖返一日啦...不過都好,成晚又係教人做野~唷...輕鬆~之後先知原來今日個煩人係德哥叫佢頂埋今日既~噢,88啦~
放左工,受到人地既挑釁,話灣岸見喎,(我最鐘意聽到呢一句說話)哈,我梗係要到啦,講到自己又有師傅教路,e...有d睇頭咁喎,好,我就一於睇下你地進步左幾多先~到左88之後,4部機已經坐哂人,e...做咩成班人都係到捽馱呀=.=?個個都好似好忙咁...e...e....好似有d料到咁喎,之後有位,到我落場啦,一玩之下,呵呵,比我win左幾次第一喎,嗯,都係好彩者,玩到佢地冇哂錢,好下次再覆桌喎,之後就走左啦...噢!唔玩多陣既~嘻嘻!仲唔比我威返一次,之前都比你地恰得多啦...呵呵,真爽~
個個都走哂,好啦,繼續我既imperza 815 pls既計劃...之後玩呀玩...呵~本人第三架815 pls既車出世啦,唷!!
終於一嘗80話不敗既喜悅啦,真係估唔到自己可以做到...不過,可惜個稱號係....................=.=....算啦...
聽日比個驚喜大生,小生先~呵呵!!
雖然以家每日都有玩灣岸,但係每一日平均都係20蚊到,輸左就唔玩,贏就可以繼續玩,有得留低~呵呵!
今日星期三,報紙冇工岩,同琴日一樣,好等聽日先~~~~keep fighting
2005 年 7 月 26 日 星期二 
B4U SKY X HAPPY SKY X 一日遊 
@LIFE:緊急警報~開工果度D貨已經就到600件啦,件件都有返咁尚下重,唷~好好玩耶=.=...唉...600件野,來回拉一件野賣,者係來回上落600次=.=...諗起都恐佈,一如所料,成個人做到訓左係到...好在,今晚之後會多返一個人來幫手TIM,好野~放工果時爸爸醒左我一舊水打機....丫~我講下,你竟然當真...爸爸唷!!
之後,咩都唔諗就仆去88啦,玩左一陣,以家架IMPREZA已經去到59話啦,呵呵,呢架打得真係快...睇住大生哥哥又熄左兩次機真係....無奈啦~呵呵...之後又幫下個朋友仔玩左兩舖,免費請我打機,多謝哂啦!
玩完之後返左屋企,沖個靚涼,打埋琴日個日記,之後就搵我好耐冇搵既詩姐食飯啦,呵,真係好耐冇出啦,準備好哂就出發啦,一落樓,一對公公,婆婆就問路,之後就同佢地一齊漫步太平村...其實我都諗住帶到佢地到火車站,因為我都要去,但係佢地行行下,到左美食廣場,婆婆話佢識行啦,唔該哂唷,我地想食D野呢....我話:=.=...噢,咁你地慢慢啦,咁我就加快我既SPEED出去尖咀啦~因為次次出親去都遲=.=...比詩姐話唷...
出到去,見到詩姐,攪攪笑笑又食左一個LUNCH啦,中間傾開左好多感情既野,不過都係笑聲收場啦~哈哈,好啦!好到左詩姐最喜歡既環節啦,就係SMOKING TIME...一落到樓下點知....死火,冇火呀...阿佳,點算=.=....我話:下...問人借個火囉,不過詩姐又唔敢問人,之後攪到一個唔食煙既良好市民問人借火=.=...詩姐仲以為我唔敢借TIM,其實男仕係咩時侯都要就女仕架啦,如果我今日唔去借火,詩姐就冇左一個食煙既時段,佢會唔開心呢~咪啦,我以後出街都帶定個火機啦...不過之後又撞到阿新...其實都可以問佢借火既......\ @ ╕ # /~~
送完詩姐返工,去左金星玩灣岸...呵呵,又有得玩,哈...今日又係好多B仔C仔比我殺呢,殺下殺下就殺左20粒,呵呵,岩岩400粒星星,真係對唔住啦小生...第400粒星星個位留唔到比你,我留返第500粒比你啦,嘻嘻~諗來諗去,都係冇買11 STYLE 既卡,因為都冇得用,買來做咩呢Orz~
玩到咁尚下,就到左今日出來既目標啦,就係出九龍灣德福啦....出去做咩,緊係一嘗玩BEATMANIA IIDX 12 STYLE HAPPY SKY啦~超緊張咁上到VZ,噢,都唔係好多人玩者,不過,玩緊個兩個人都超勁,我睇左好耐,學到唔少野,今集個介面正,音樂正,真係好好呀,"蠍火",ANOTHER超癲,都唔係人玩既,不過都有人過到"向日葵",鼓機過左檔既歌,一様超好聽"TWELFTH STYLE",個MV勁攪鬼,不枉我咁遠出到來,可惜丫,睇唔到XEPHER,都冇人玩,睇唔到個諳係點既,算,下次自己玩,仲有既係12 STYLE套卡都冇得賣既,比較失望囉,之後行左一個圈,見到有灣岸二代卡出~呵,唔駛落大埔啦,咁岩架IMPREZA又要車檢,嗯~就係到出埋卡啦...換左卡卡之後又試下部SUBARU IMPREZA WRX...試車,梗係要對戰啦,玩左兩舖,都WIN左,自己都好滿意架車...之後又身痕出多左架RX 7...出完之後又係到諗,呀...有冇咁多錢TUNE呢=.=......噢~
玩到攰,睇一睇個錶,E....停左既=.=....噢,用左你成年,終於都冇電啦,之後一直都以為係7點,點知原來已經7點半啦,之後諗住搭70X返上水,點知又等左成半個鍾先有車,好彩有位位坐,唔果唔係,我同個司機死過丫,搭KCR都冇咁嬲=.=....但係o係巴士又訓唔著喎..."har" 下 "har" 先訓著左...不過訓著果時應該都差唔多落車...落車又去左上水88又玩左兩舖=.=.....呵呵,今日好貪玩耶~返到屋企食左少少野,打下日記,就訓覺覺豬嚕....
其實呢,個人都幾鐘意自己一個人行街,去玩自己想玩既野,想去邊就去邊,冇人阻住你...想點行就點行...玩到自己既心頭好,買到自己鐘意既野...真係好正架...丫,下次去邊好!?
 今日好滿足,好開心....哈哈~做人莫過於此啦~
今日金句耶:做咩姐~做咩姐~......
2005 年 7 月 25 日 星期一
B4U SKY x 休息天 x 心態
@LIFE:一個好鬼煩既拍擋終於離我地而去啦,你安心咁走啦....呵呵~
煩人走左,成班人做野都爽手d,不過都好攰,太多貨啦,放工爸爸同我傾左兩句,我話:以加每一個月,又少一兩日開工,又少d錢嚕,爸爸話,傻仔,有工作,自然就會有休息架啦,唔好咁諗,錢!可以慢慢搵,休息!適當既時候就要休架啦,之後佢又請我食左個早餐~多謝哂啦...之後返左屋企,即刻打開報紙搵野做,點知,又係9成請保安人員,香港真係要咁多保安?咁我都去整返個牌傍下身先得啦~搵唔到野做,煮下野食,掃下地,掠下衫...汁來汁去D野咁,好快又一個下晝~
之後悶悶地,上下網,睇下D FD既日記...ON下ON下又一日...到6點幾到一訓就訓到開工...覺得今日好悶,冇咩心情咁...悶心啦...
今日搵到既好野~熊貓狗狗~
係咪好得意呢o.o?手短腳短~肥o都o都唷~
今日都係比較悶既一日~唷~~~
2005 年 7 月 24 日 星期日
B4U SKY x 行山!? x 入土為安
@LIFE:又係咁多貨,就來做死我啦,D野又去得慢...今朝又難用平常心去做野...好唔開心...仲罵左個客一野...唉,我今朝好唔掂呀...平常心,講就易啦,其實有時做起上來都好難...都係道行未夠啦...要檢討下先...
由於今日星期日,放左工之後大玩灣岸,今日都玩左幾多錢...算啦,玩完之後個人個心情都唔同哂,開心返好多,哈,做人就係咁簡單...之後返到屋企,由於應承左爸爸今日上和合石,睇睇女麻女麻轉個墳,所以小睡左一陣就出發啦,出發前,三父子係樓下等緊車果時,一齊傻下傻下食雪條=.=.........哈哈~攪笑~
上到出,噢~好熱唷,又超多蚊仔,我都唔知自己殺左幾多隻啦...做個入土儀式之前,個道士叫我地一齊睇個金塔入面d骨...到我睇果時,突然好唔開心...見到自己個親人去左,以家入土為安啦,好有感觸,都唔知講咩好,係呢一刻就諗返係靈堂果一日既時候,果日我都算係喊得最勁果個啦,雖然呢一個親人好少見面,係好少,一年都唔知有冇一次果種,但係佢\既離去,我真係好唔開心...諗到當時既野,以家又見返佢\d骨頭...真係好想喊出來~
攪左一輪之後,終於可以落山,帶住沉重而不安既心情落山,不過,個人都去左啦....唔好諗咁多啦,之後由於大人仲要開工,所以佢\地班仔仔女女就殺哂來我屋企玩=.=.....shit,我想訓覺呀,一如所料,係訓唔到既,冇個最大既係到睇住...怕佢\地亂攪野,不過最終都頂唔順訓左啦...臨訓前係到諗,丫~行山果日又唔見你咁好天!?....算啦,總會有機會既...不過諗深一層,如果今日落雨都幾麻煩下架=.=...d雨整濕左我女麻女麻點算丫?...呵呵,諗完就訓左嚕!
之後媽媽放左工返來叫醒左我出去食飯,一路行,就一路同好耐都冇傾過計既媽媽講下心事,同佢講下自己最近諗下緊d咩,佢又比左d好寶貴既意見我呢個仔仔,仲有,佢話我好似高左喎...唉~我地太耐冇傾過計啦~媽媽!!
跟住我地係海港食飯,唔知點今次d野食好似唔同左咁,連我爸爸都話差左咁,不過算啦,齊齊整整食一次...冇幾何,加上又可以見到自己搬開左住既二細佬,我地一家人仲約埋下一個月去旅行,應該去得成掛...不過,好想冬天先去喎,雖然貴d,但係我真係好想睇真既~"yuki"呀~~~~~~~姐係"雪"呀,大家唔好亂諗野....=.=...
食完飯,同家豪,阿謙,家進去左吹水,家豪話諗住租船出海玩喎,呵呵~都好喎,咁大個人都未試過,之前想去但係冇咩錢,以家有啦,睇下又去唔去得成先...
PS:書展好多人下喎,但係又想去=.=....點好呢!?
2005 年 7 月 23 日 星期六
B4U SKY X 放假 X 內心世界
@LIFE:開工果到貨多左,拍擋們做野慢左...變左自己做多左...SHIT...冇計啦,唯有做做D啦,放左工之後諗住即刻返屋企訓下覺,點知有個岩岩新玩灣岸既朋友仔搵我,喂...教我玩丫~見佢好少搵下傾下計...玩下~好啦,就陪左佢去88到玩...自己玩左少少之後就教埋佢玩...點知一玩.......就玩到成差唔多11點幾...
打完機去左搵下自己想換既野,點知又係冇...失望...
返到屋企,睇睇個手機家進有搵過我,得知佢放假,佢想搵下我吹水...好!做兄弟既梗係出啦,橫掂今日星期六,冇工搵...冇咩野做,就出左去搵佢...一傾之下得知佢諗緊咩野,佢問我點睇...計我話啦...有心既咪去做囉,我一定支持你既,人大個左啦...唔好後悔就ok啦~係咪?
傾完計~加埋食埋tea...之後返左屋企,練左陣beatmania IIDX...就訓左啦
死啦=.=...呢排又掛住玩TIM...
|
| B4uSky |
|
|
暱稱： B4USKY*:D
性別： 男
國家： 香港
地區： 東區 |
| MORE... |
|
| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
|
