好攰..真係好攰
 呢年內..發生好多野..我就快頂唔順喇~
辛苦冇人知~每人都有自己既攰~但係..有休息既時間~
但係我..唔覺有囉~只係覺得好辛苦~好似一個禮拜冇休息一樣~
唯一唔同野獸既係有七情六慾~人係有感情~親情友情愛情~
三方而都可以令人喜上眉梢~亦可以令人痛不欲生~
對人歡笑背人愁~最攰只係呢樣~攰到想一睡不起~
唯一方法就係令自己放鬆~唔想守規則喇~一個大過~一個小過~
a唔a班~對我唔再重要~對我重要既已經冇晒~
係四周..好似冇晒人~得返自己一個~朋友~亦唔想提~
我寧願一日開心~之後唔駛開心~平平淡淡算~冇乜真正開心~
係我記憶中既開心~耐到我已經唔記得係點既感覺~
我諗唔到我生存係為咩~點解我會係道~生活漫無目的~
只係一腦既歌詞~我只係覺得自己同個吸毒既人無分別~
我唔知自己想點~唔好問我想點~我答唔到你~亦唔想知~
我寧願第二日訓醒~我已經大失憶~一切重新開始~開始新生活~
不斷搵自己既開心~唔知邊道先有開心~因為我唔見左呢樣野~
冇人幫到我搵~剩係得自己可以幫到我搵~好想嗌一聲不要離我太遠~
遲到.逃堂.欠功課.交白卷...開心..
 我諗係掛~唔知係咪~
但係最後都係覺得唔開心~唔係因為罰而唔開心~只係唔知為乜~
想喊~但係喊唔出~日日食wasabi黎喊~欲哭無淚~好無奈~
喊~又係一個人喊~朋友既膊頭~冇架喇~各人有各人忙既野~
自己一個..算啦~呢個世界的確幾灰~我睇唔到任何顏色只見一撻灰色~
每日都係渾渾噩噩~冇野可以令我提起精神~精神?咩叫精神呀?
今年先十幾歲~咁快就咁灰..將來會點?但係依家諗將來做咩丫~
今日唔知聽日事~3月7號以為亞龜呢次幫到我~但係..唔得~
3月7號諗定既野~諗住8號完成~但係8號先知...人生第一個失敗..
唔通今時今日f２諗定將來既路~將來就一定如你所願?
你依家想將來做醫生~依家不停讀書~f４入埋理科班~
但係廿年後既今日~可能你做唔到醫生仲係一個失敗者~
前途係我眼中..係暗淡無光~遙遙無期~只想得到一日快樂~
將來既路~唔想諗~唔通將來係一個成功人士~就一定開心?
當我大個真係一個成功人士~但係諗返細個~就好似冇左個童年~
依家仲細可以顛~大個左..冇架喇~anything of change~
朋友唔會好似依家咁~陪你逃學.食煙.介手...大個一切理性~
唔通大個可以比返個童年我?會唔會同依家一樣?
大個既朋友會唔會同你一齊唔返工?會唔會同你返工唔做野?
同你一齊壞同介手?會唔會同你一齊開工玩個老細?
唯一可以顛既係依家..想開心既時候都係依家~
如果有一日比我真正開心~我唔介意將來既喜樂..
| 
I LOVE MY LOVER*