琴晚想早d訓,點知都係差唔多2點先訓,今日又唔夠精神-3-!

一返到去,個個都拎晒生物出黎溫,琴日比林淑華插完,今日個個都好勤力,當然包括我啦~"~

仲要勤力到,最尾果幾堂週會成班都拎晒本筆記入去溫

聽緊野果陣,我一望去後面,成排都拎住本野係度睇緊

個場面真係壯觀,如果情況許可我一定影低佢-.-

老實講,好想drop左生物佢,但係會考隨時汁到1-2分,所以都係比心機讀埋佢算

好彩drop左化學姐,唔係仲辛苦

放學練波,本身隻腳已經拉傷左,好彩都無乜野,小小痛姐

練完真係好累,加上腳傷既關係,所以都係唔去跑步了~"~又比張sir鬧-0-!!

返到屋企食飯沖涼,跟住玩電腦,傾傾下msn訓著左~"~比人話傻囉-0-!

拿拿林做完功課訓教！ 

繼續一日一笑話

老師：「考試不及格後，你爸說了什麽嗎？」

學生：「可以省掉那些髒話嗎？」

老師：「當然。」

學生：「那他什麽也沒說。」

我諗我考試都係咁~"~