Hi~~好耐冇打blog啦~

琴日本來想打,但係部機比人用左,so冇打

唉~琴日我搭車番學校戈陣,

見到有個大肚婆同佢個仔,

我就好心讓位比佢坐la

佢同我講唔該曬,我[ 嗯 ]左一聲就算...

我企係佢地格離,佢地無啦啦講 [ 打 ] 呢個問題,

跟住發生左令全車人靜曬嘅事...

就係...個仔無啦啦打左大肚媽媽一巴,仲[ 啪! ]一聲添!

我o左嘴lo,佢呀媽都好錯愕,然後話:[你打我!!!]跟著就唔理佢個仔,

佢個仔係錦話:[媽咪呀....媽咪.....媽咪....你做咩唔理我姐....]

跟住佢捉住佢媽咪隻手,話:[我應承你呀!我以後都唔打你la!]

我戈陣再一次無奈,以後?哇,你咁細個就打你呀媽一巴,第時你咪車你呀媽一大巴!!!到時你打完可能你都唔記得自己有講過呢d野la...

以上呢個問題攪到我o嘴,再無奈,然後諗番係到偷笑...

仲有一個o嘴問題...

又係發生你琴日...

放學戈陣番到屋企...

煮左個合味道食,食完我見d碗未洗,我咪洗左佢lo,洗完諗住倒左d水戈陣...

唉......轉身行左一步,然後聽到有d聲,再轉身,裝碗戈個西滑左落黎,跟住d碗碟...清脆嘅聱音華麗地響起....

就係錦...d碗碟爆曬,得番一隻碗存活....

係呢個時候我呀哥番黎,我叫佢睇下....

佢望左之後o嘴同遲疑左十幾秒,話:[你都係同媽咪講la....]

我超o嘴錦望住佢,然後抱住準備比人罵嘅心情打電話,通左之後....

[喂?]

[媽咪...]

[咩事?]

[我打爆曬d碗....],跟住佢係道笑,笑到我個嘴o到唔可以再o戈陣,佢話:[唔緊要la,有新架媽!]我聽左之後無奈再同佢講[哦...88]

以上都係我嘅o嘴事件...

睇完please比幾個cm黎同情下我打爆碗嘅心情...

最後送張我整嘅圖比你地睇