13/1/8

 13/1/8

馬sir,我岩岩發夢又夢見你,好感動,因為我見到ge係我地上堂ge情境,一點一滴,歷歷在目,

有邊個上堂亂調位,有邊個坐左人地個位唔出聲,之後比人坐個位戈個比你發現左,搞到比你鬧,令到全班發笑,

之後邊個上堂食野,邊個做錯野比你鬧,但係因為義氣而邊個幫住邊個,仲有我因為成日上堂訓教同埋唔交作文比你而令你大動肝火,

仲有我地為左氹你笑上堂不斷大叫你ge尊稱--金嗓子,仲有好多好多上你堂發生過ge事,有笑冇淚,喜怒樂,所有回憶,一個夢境出現晒,

成個夢完左之後,再諗下其實你已經離開左學校,離開左大家,但你ge形象,一定會繼續留係我地每一個人ge心中,但係認真諗諗,呢d情況唔會再出現,真係好想喊出黎。

記得四年前我第一年讀初一,戈時我已經聽過馬sir你個大名,但當時只有一些不好聽的流,就是說你只會鬧人,很惡,是一個很差的老師,可能當時冇人明白你,

之後第二年讀初一,知道老師你要教我地,我比之前ge流言影響,感到這是噩耗,但係傳聞係錯ge,因為你真的是一個很盡責的老師,之後三年.成績都沒有太大的問題,可能因為有老師你ge幫助,

亦有可能因為你見到我地出貓而冇捉我地,不想我地身心受到處罰。老師,你可記得係你在F2c任教ge時候,我地每個聽到你話教唔到初三,我地大部分人都感到極為失望,

但係......係初三,突然知道你會係今年再次任教初三,好多人都超興奮,還記得那狂歡的聲音嗎?

對別班這可能係嗓音,但對我們,這可是心中的喜悅,真的抑壓不住,對不起,這可能令你添上了不少麻煩,

所以,才會有[細細聲運動會]ge出現,但每次因為興奮而大叫,真的是按捺不住,大家會再課堂大叫,可能因為認為上老師你的課可以作反,

但係如果老師你下年會再教我地ge話,其他人我唔敢肯定,但我一定會珍惜我們一起上課ge光陰,

因為,學業生涯的日子不會有長,過去了,就沒有了,所以我一定會好專心咁去聽它師你ge一言一語,唔會再因為上堂訓教而要你動氣,只要你不鬧我就可以了,

可能有人會說我馬後炮,但如果可以ge,我一定會証明自己,但也可能因為這樣而失去了我們課堂之間的樂趣,

可能出於真心的掛念,所以至會連續兩晚夢到你,說真的,女朋友也很少這樣,

好多謝馬sir三年之間不斷教育我們,不斷去受我地氣,不斷去體諒我地,,不斷比機會我地,我地先可以順行升上高中,所以真係好多謝你,我從未遇到過有一位老師可以令我印象如此深刻,多謝你,

希望你係另一間學校ge生活過得比這裹更愉快,希望你會遇到不比我們壞的學生,

亦叮囑你不要因為工作而只有幾個小時時間休息,工作係永遠都做唔完ge,身體健康先係最重要,你唔細嫁啦,[廿八歲]人仲比自己咁大壓力,好容易會有病嫁嘛,

唔好咁操勞啦,幾時請我地去你屋企食飯呀?成日都話第日先,你唔會呃我嫁嘛?

唔講啦,講得太多啦,好長氣,心中ge說話儘管未講完,就讓它放在心中啦,之前欠你咁多篇作文,今次當係最後一次交比你啦,但係唔係作嫁,全都係真心話,係最有心ge作文,得閒放假記得搵我地呀,我地會請你飲茶嫁,佢地5請我都請呀!!



          

                                                                                                                                                                                                                                                                                                                                                                  一個好曳但好尊重你而又成日出貓ge壞學生--李偉豪上

                                                                                                                                                                                                                                                                                                                                                                                                                                             八月三十日

 今日係我去台灣ge第一日,第一次坐飛機,難免有多少緊張!

一落機,家姐朋友ge男朋友就接我地機~

佢真係超好人,一早為我地準備左d好好味ge泡芙~(而家上到網都係靠佢ge notebook)

之後仲帶我地去睇日落,當然我梗係忍唔住手啦(嚓嚓嚓...)

影完日出,佢仲帶我地去一家好好吃且很有情調的意大利餐廳~

食完野去行街,買左d野比呀sa~

之後番民宿~

就係咁多,訓個半鐘,五點出發睇日出~

第二日,五點半出發上山睇日出,可惜一切已太遲啦,

上到山太陽已經出左一大半,但都左好多好靚ge相,

之後去左老麥食早餐,因為有優惠卷,諗住唔洗錢,但世上冇免費ge早餐,所以係要加錢ge,

今次食左一個叫培果ge東西,口感好得意,好似一個硬面包咁,外型似冬甩,但唔甜,中間係自己搽夾心醬,我揀左芝士乳酪,好好食!

食完番民宿換衫,換完出發去出火,唔好亂諗野,

係去一個叫出火自然特別景觀區ge地方,係一個自然現象,原理係地下ge溶岩經過,

不斷發出易燃氣體,遇熱著火,因為地底不斷有熔岩,所以長年著火,

睇完之後到重頭戲,「墾丁~」,好正,水清沙幼,藍天白雲,

一去到就玩水上遊戲,玩三個好有feel,最後戈個係坐氣墊,d水ge衝激力,令你有即時排毒ge衝動,

玩完就借浮床同浮板,係水上曬太陽,爽到爆,不知不覺已到一點,

吃飯去,食泰國野,叫套餐,勁多野食,白飯又任添,食左三大碗,唔係好貴,超抵,又好食!

玩完水去海生館(台灣國立海洋生物館),好大,好靚,好多野睇,有企鵝,白鯨,海豹,

仲有世上最大ge鯊魚「鯨鯊」等名種海洋生物,最緊要係冇海豚,

仲食埋土耳其雪糕,比個外國雪糕佬玩死,黏力特強,口感超好,

係海生館玩得幾開心,並非文字可解釋,遲d睇相就知,

去完之後又要麻煩男朋友載我們去高雄睇何韻詩演唱會,因為票價只是數十元,所以去去無妨,

開始之前認識左一個粉絲,睇完之後對Hocc增加了好感,個Bass佬就型到爆,

由於去睇ge只有之三人,所以其他人已準備進行晚餐和率先到達台南的酒店,

我地睇完之後就搭捷運同火車番台南的酒店,酒店好恐怖,家姐朋友幫我地睇房時,

禮貌地敲一敲門,敲完之後,點知feel到道門冇鎖,係現場真係好驚,

仲有,我地ge房號係..............520,正le?

超忙的第二天完结,係咁多!

                                                             ~完~                                                                                    

別只說‘環保’﹐根本很多人只會說不會做。
看看這段新聞﹐想象一下我們的未來。還是會看到很多人只會說不會做。

很多為人父母者沒有"recycle"的概念﹐不會把垃圾分類回收﹐將紙､膠､鐵類垃圾不分類便掉了。其實"recycle"是環保最基本的概念﹐但沒有多少人在實行﹐那生什麼小孩呢??難道要未來的人類活在垃圾堆嗎?

我常問身邊的朋友有沒有想過要生小孩的話﹐地球的生態這樣差﹐會擔心嗎?

BULL SHIT!!! 我覺得他們沒有資格為人父母﹐更不配被視為成人。這樣說話真的非常沒有責任心﹐非常可恥。

太平洋原來有個漂浮「垃圾漩渦」，位於美國加州和夏威夷之間，足足有近六個英國之大，估計有 1億噸垃圾，被戲稱為地球「第八洲」。垃圾之多，臭氣冲天，船隻避之則吉，更危害人類健康。

估計垃圾重達 1億噸

垃圾漩渦，在加州對出 800公里的太平洋， 60年前已經出現，至今垃圾種類越來越多，有膠袋、洗髮水、拖鞋、玩具、車胎、汽水罐和飛盤，當中還包括來自寫上中文和日文的膠料，證明垃圾千里迢迢從亞洲漂流過來。
不說可能不知，這個垃圾漩渦，正在危害你我他的健康。在強烈太陽光照射下，一些早期垃圾早已分解，沉入海底，形成有毒物質，被魚類吸收，不但導致大量海洋生物死亡，更進入人類食物鏈。

研究人員近日就發現太平洋一條魚兒體內竟有 26種塑膠料，人類一旦吃用，健康堪虞。人類製造的垃圾最終進入人類食物鏈，環保人士慨嘆是自作自受。
在三藩市和香港有團隊的「海星項目」（ Project Kaisei），今年計劃派兩艘船前往「垃圾渦旋」執垃圾化驗，希望最終可將垃圾變成燃料。海星項目香港團隊的海洋及保育專家 Doug Woodring說：「海水就如地球血液，如果我們繼續以塑料等毒素污染海洋，那將摧毀地球上所有生命。」

英國《每日電訊報》