中國女排大喜之日


午飯後一家人開開心心咁去紅館睇《世界女排大獎賽》~
今日既賽事分別係 亞塞拜彊 VS 泰國 & 中國 VS 俄羅斯

開頭以為亞塞拜彊係黑人黎
點知原來係歐洲的

一入到去泰國氣勢如雄!
打出好多個來回球之下得分
先以兩盤領先

可惜亞塞拜彊第三局決心力挽狂瀾
連追三局取勝
雖然亞塞拜彊實力0係泰國之上
但泰國果份堅毅精神好值得欣賞!

仲記得上年佢地差到我訓得著
估唔到今年竟然進步神速呢 @V@



到左期待已久既中國女排出場啦 >V我最愛既張萍好似已經不被重用...
就連今次既比賽都冇帶佢出黎

中國實在有太多人才可以選擇...
發掘到另一個新人值得培訓
總會有D舊人要退下來...
好失落...
我好想再見到佢打國家隊...

事實上全程既歡呼聲都係一面倒
全場人都只嗌 中國加油!!!
雖然覺得俄羅斯好慘
但都冇辦法... 我唔可以違背良心為佢歡呼架...哈哈~

開頭阿爸阿媽以為會好悶~
點知見住佢地愈睇愈肉緊個樣
就知道我同家姐今次冇帶錯佢地黎啦!!!!
好搞鬼=p

今年轉換左好幾個新人
感覺有D陌生
睇得出佢地經歷尚淺
但實力非凡!
令我覺得陳中和教練真係好正
知人善任 冷靜機智
令每次暫停之後既攻勢都得分~


最後中國以大比數三比零勝出
眾望所歸
頒獎時 馮昆拎左最佳二傳手+最有價值球員
佢係實至名歸既!
隻手傷左都打得咁出色

已經係第三年睇啦~
覺得今年係大會辦得最好既一年!
好有氣氛! 好順暢~





去完維園餐廳据扒之後
同李逸B去美食博覽會~
好逼人呢
本身都冇諗住買好多野
純粹抱住趁熱鬧既心態=p

點知行下行下又見到d岩
見到d野平又心郁郁
都係忍唔到手買左好多野>@<
重到想死....
見到好多"至愛女人購物狂"
連壽桃牌都買幾箱=0=

講左幾年
終於都食到阿菠蘿雪糕=p
其實平時都有得食
不過好奇怪
入到去就會特別想食架啦~~~



搞到筋疲力竭~~~
多謝你今日陪得趁墟! =.<