23-2-2010~
今日係我同老公既2個月~但我今日有樣更重要既野做~
因為我呢個月都未黎過M既關係..所以我今日約左WING陪我去買~
我6點去到接佢放工..跟住一齊走返學校~中途搵左一間藥房買~
都幾平..25蚊~買完就返學啦...但唔係今日驗~
24-2-2010~
到左今日..因為要去睇皮膚科..所以要早上9點半起身~
一起身屙第一次既尿就要驗啦...驗好我就放係到~
整好自己既野...出門口之前行入去睇一睇><""中左~
唉...咩心情都冇了~一行出門口就開始覺得好暈~
去到等入去睇既時候仲好眼訓...但一訓就好想嘔~
都唔知自己個身體想點嫁~女人大肚真係唔係咁好><""
等左唔係好耐就入去睇啦..入面個個醫生好靚女嫁~
佢又會好關心咁問好多野...跟住又開好多藥俾我~
咩野都ok啦..咁咪返屋企囉~咁我出門口個時同左老公講我真係中左~
叫佢請星期五..因為星期六日媽咪都係屋企...唔可以俾佢見到我做完手術個樣~
跟住返到屋企樓下諗住買野食~點知老公打黎~
佢問都唔問下佢媽咪俾唔俾就話星期五唔得~仲要話我話唔得就唔得~
跟住係個街市門口同佢嘈左一陣~因為我3月4號要去抽血~
所以我一定要係今個星期做完呢個手術~
唉...收左線之後都冇心情食野啦..買左小小野食返黎~
但食左一個件就想嘔..冇食到啦~
跟住同WING傾電話...咩都同佢講左..仲係到喊-.-""
傾到WING要開工就收線啦..我就諗住訓一陣..等陣去返學啦~
點知訓左唔夠半個鐘老公就打黎啦><""
我都知一定會在嘈交嫁啦..咁我都好聲好氣咁講啦~
點知佢又要我陪佢去食M記啵..仲要我而家出去-.-""
唉..我都算啦~唔訓都出黎陪下你啦~
跟住佢問我5點出唔出到黎呀??咁我唔知得唔得~咪答佢進快啦~
丫....點知佢個仆街係都要搵野同我嘈..他媽的丫~真係唔撚想出去呀><""
但佢又死都要我出黎~唉..咁我咪慢慢整野出去囉~
整野個時WING打黎..佢話sac要同老公傾下~
咁我去到就叫老公出黎啦..因為個時都係5點..WING仲要放工既~
點知佢唔出..仲要我幫佢買野食返去~唉....係真xxxxxx~
買完返去就面阻阻咁...佢食完野就叫我上去啦~
但我死都唔上去...跟住係佢門口到同佢嘈~
嘈完我就上去屙屎..跟住WING就放工啦~
佢地叫我自己一個人出去先...跟住我就跑出去啦~
傾左一陣..老公就走左去幫個客開門~搞到佢地唔知點咁><""
咁我地咪去食M記囉...食完在返去搵佢傾~
傾完我地就返學啦~(內容在心裹)
25-2-2010~
今日全日都冇打過俾佢..佢都冇打過俾我~
我只係係GAME到問佢...星期五你得唔得嫁~
佢話得...咁就停左個話題啦~
26-2-2010~
到左今日啦...要做去手術既日子-.-""
之前嘈左好耐話去邊間...最後都係上左WING個間先~
點知好死唔死..WING個間裝修><""咁冇計啦~
點都要去佢個間啦...但佢唔記得幾多樓~所以打俾佢~
但佢又唔聽電話啵~搞到我勁驚...因為其他都冇人試過~
好彩...話左一陣..個個人打俾老公姐~
佢地傾完之後..我地就去左食野..因為我太驚~所以唔係好想食~
但佢又要我食..所以食左4粒餃子~
食野個時同WING講左...仲傾左一陣電話~
傾完之後我地都食完啦..跟住就走人啦~
但老公又話未禁錢啵><""唉..個一刻我覺得佢好似係好拖延緊D時間~
但最後都上左去~第一眼見到個個人間屋都好好~
跟住佢就開始計我冇黎M...大約有左幾耐~
佢計到...就黎3個星期~所以都可以食藥~
其實我都唔係好想...但錢唔係我俾...我又唔想係到在嘈~
所以都係算數啦..食藥就食藥~但我都問左佢好多野..都好清楚大約係點既~
佢俾左6包藥我~佢話..要前2個鐘同後2個鐘都唔可以食野~
因為我岩岩先食完野..所以我要5點先食得藥~
跟住2日都要同一時間食藥~可以飲小小水~
但呢2日食既藥都唔會有反應~到左第三日就開始黎了啦~
5點食完..大約6點就食屙~跟住個10日至2個星期就會係咁屙血~
跟住3月21號就係一個月啦..就要在驗多次~如果仲有就要返黎做手術~
如果一條/1條半就可以唔洗啦~大約係咁啦~
拎完藥就走啦..我本身諗住返屋企~點知老公又話想睇戲~
唔想請左成日假...但咁早就返屋企-.-""咁冇計啦~
假又係我叫佢請既..咁咪陪佢去睇囉~反正我都想睇既~
睇4點10分既72家租客~行左一陣..陪佢買完野就上去睇啦~
睇左2個鐘...出到黎先6點~所以我仲未食得野~
咁冇計啦...各自返屋企..今晚又要同媽咪出去食野><""
夜晚同媽咪去左食韓燒..飽到想嘔呀><""
27-2-2010~
今日2點幾起身...因為3點之後唔可以在食野~
所以吹媽咪快D落去食野...我叫左個粉食~
食幾下就夠鐘了-.-""所以只可以飲野~陪媽咪係到食~
食完同媽咪去買餸..因為媽咪今日煮飯~
返到黎..係咁做家務~做到7點媽咪先開始煮飯~
餓死人啦-.-""8點開始食飯~食完在做家務~
28-2-2010~
今日係咁好多電話打黎-.-""最後俾老公嘈醒~
因為今日係十五..所以要上婆婆屋企食飯~
本身媽咪都唔係好想上...所以我就唔起身~
媽咪就同婆婆講唔上啦..點知婆婆係都要媽咪上~
搞到我都要起身整野出去~出門口個時係5點~
所以要食最後一次藥~跟住先出門口~
嘩...佢又話6點既...一食完就開始黎了-.-""
我真係感覺到入面有D野...整下整下~
跟住落到觀塘等轉車個時就嘔了...好彩媽咪以為我冇食野坐車所以嘔~
跟住上車仲係痛...痛到就黎上到去個時..咩事都冇啵~
唔痛啦啵...又唔會想嘔啦啵><""奇怪~
上到婆婆屋企就去洗手間啦...嘩...屙血咁呀~
一舊舊紅色既野-.-""好嘔心~
但都好開心既...有屙到..姐係成功率都幾高既~
跟住全日都感覺到自己好似係到屙緊血咁~
好彩有帶M巾姐~食完飯..吹多陣水就走得啦~
11點幾返到屋企..好似~跟住玩左一陣電腦就去食野~
跟住就睇左一陣電視先訓~
多謝WING同SAC仲有小叮既關心~
我見過鬼我會怕黑嫁啦~
仲俾我睇清一個衰男人既行為~
令你地擔心左咁耐...真係唔好意思~
但你地放心啦..唔會在有下一次~
就算有..到時我都會係請你地黎飲^^""
Forever Friends~一生一世既好朋友~>3<""
