前幾日..唔知點樣冇啦啦同返老公一齊~
好快佢就約左我22號同佢出去啦~
本身我都唔係好想嫁..但記得之前好幾次佢都話我唔同佢單獨出街~
咁好啦..出囉~
到左22號...我約左老公5點出門口..6點到旺角~
但老公4點就出左門口..我都唔知點解佢要咁早出去呀~
本身諗住同佢講唔去~都唔得~
咁好啦..我都係5點出門口..6點到啦~
去到見到老公...初初都覺得有怪嫁~
跟住去搵車搭去奧海城個時老公拖住我~
個下野...真係好似返返去初初拍拖個時~
好啦...搵到車車啦~去到就上去買飛睇吸血新世紀2新月傳奇~
因為仲未夠鐘..所以去左行下~
行行下老公帶左我去一個好夜但又好靚既平台到~
跟住我地就坐啦...傾左一陣計~跟住老公話想食朱古力(之前係7仔買左~)/
佢叫我幫佢拎...點知俾我拎到一份禮物~
其實我都估到份野係咩黎嫁啦^^""到我開個時就知..冇錯啦~
真係我第一次同佢拍拖話想要既介指黎嫁^^""
個刻我真係好感動~跟住老公同我講..佢4點出門口就係要買呢份聖誕禮物俾我>3<""
真係好開心呀^^""跟住上返去睇戲啦~套戲真係好好睇~
睇完跟住去搵野食啦...本身老公話帶我去一間食日本野既餐廳~
但老公話太夜..唔知去到關左門未~
咁我地就冇去到啦...跟住我地就拍住拖咁行去旺角~
搭車返去我個邊食M記~11點幾老公要走啦~
第一次感覺到唔想佢走~咁我就陪佢等車啦~
佢走之前俾左個GOOD BYE KISS我^^""
跟住我就上返屋企啦...夜晚同老公傾電話>3<""
