^^""打返12號個日先~嘩.....琴日爸爸冇啦啦話佢聽日(姐係今日)夜晚一齊食飯^^"" 唔知發生咩事呢....平時都係我地約佢先會嫁啵~ 但佢今次唔係啵...冇人約佢...但佢又唔係放假~ 佢只係用小小時間出黎同我地食飯^^"""真係好呀~有佢係到又可以食好野啦~ 哈哈~今次我就上網搵野食啦...本身想食金太郎~ 可惜爸爸食飯時間唔夠出旺角....只可以係佢工作個邊食野~姐係TKO~ 算啦...咁我就上網搵TKO有咩日本野食啦~見到有間小金井同魚之味~ 咁我就msn同二家姐傾食邊間好....我見到小金井好D笑哈哈我諗好食D掛~ 魚之味又唔知咩黎既~未食過...所以最後係去食小金井~全家都冇問題啦~ 咁爸爸約左我地7點半....我同媽咪早左出去...因為想行下觀塘MTR個個商場~ 睇下有冇二手碟賣.....唉....最後都係冇嫁><""" 我前一日上網bid左模擬市民8合1~但唔知佢係唔係真既~ 但又搵唔到....所以走左去轉錢俾個個人...俾人呃都係呃26蚊姐~ 轉完帳之後就去搭車過TKO啦....去到未夠鐘....行陣囉~ 買左2件衫...都幾好睇嫁^^""買完就去小金井"卜"台啦~ "卜"完之後就返上去M記等爸爸....點知佢地2個就一直係咁煩我話不如轉地方><"" 但TKO冇其他好野食...所以我唔想~但佢地2個係咁話貴..點點點~ 妖...咁我咪話囉...頭先上網搵個時個個都話冇問題~ 價錢都同你地講左啦...係你地話OK先黎呢間嫁-.-"""之後佢地冇野講~ 但二家姐遲大到><""約7點半黎到...佢7點半先出門口~ -.-""咁又要行.....行下坐下...悶死~跟住去小金井轉"卜"台時間~ 本身"卜"左8點....咁我地轉8點45分...個個人話唔好在遲到^^"" 我心諗...你估我想既咩~佢地死都要等到二家姐黎到先上去食~><"" 咁好啦...8點半佢就黎到啦...上去食啦~^^""又係個個肥經理~ 佢話我一係遲到...一係早到~哈哈.....呢個世界唔係我話是嫁~ 終於有位啦...入到就睇野食啦~好多野食呀...好多都好想食~ 可惜好貴....咁就等佢地睇啦...我叫左三文魚同生x~ 其他就佢地叫~ 帆立貝壽司 雜錦天婦羅 生蠔 三文魚刺身 雜錦拉麵 蟹子肉鬆沙拉 芝士三文魚壽司 雜錦海鮮炒拉麵 嘩....打完啦^^""真係諗好耐呀~係唔係睇到都好想食呢??我自己都好想食多次呀~ 不過冇可能啦....樣樣野都只可以試一次~下次要食過第二樣野啦><"" 食到10點就走啦....行去搭車~行行下見到間魚之味...爸爸話呢間D三文魚好厚好大塊~ ^^"""下次就黎呢間食啦....哈哈~好貴呀~跟住走啦~ 因為二家姐約左男朋友去沙田打麻將~所以要我同媽咪陪佢搭93K~ 爸爸都陪我地一齊等車^^""上車之後就訓左一陣~ 去到觀塘我就同媽咪落車啦....^^""去左吉之島行~ 因為都好夜啦....所以好多野都有特價...當然唔小得三文魚壽司啦~ 哈哈....媽咪俾我買左盒大既俾我~多謝媽咪~^^""跟住行啦~ 買左好多野....唔係好記得啦....走個時我地見到有個男人帶住隻狗狗~ 我地同隻狗狗玩左一陣就返屋企啦...我心諗....我都好似好耐冇帶KAKI去街啦~><" 11點幾返到屋企....睇下電視...玩左一陣電腦同傾左一陣msn~ 夜晚食左小小壽司^^""留一半聽日食...哈哈~
