今日12點俾媽咪打電話黎嘈醒左我...咁咪起身囉~
因為佢話佢唔洗返啦...仲叫我陪佢出去食野~
咁我起身就同小叮玩左一陣明星三缺一~
1點幾媽咪返左黎...2點幾去沖涼...3點出門口~
本身小叮都話一齊出黎...點知佢條仔屋企有D事~
所以唔出得...咁就得我同媽咪出深水涉食暮粉啦~
嘩....冇左阿wing佢地帶真係唔識路呀><""自己搵左半個鐘~
終於搵到啦...我叫左一碗..媽咪又叫一碗~
點知我食左2-3担就唔想食啦....食到都想嘔~
媽咪話我有病啵....死啦...可能我真係有呀><""
算...咁媽咪食完仲幫我食左小小....都係食唔完~
所以就走啦....咁去行下啦~因為今日聽到小叮話玩模擬市民~
但我全套都唔見左...唔知點解囉...唉~~~
咁就諗住去買返一套二手既模擬市民啦~~
點知行左成個深水涉都冇一間係賣二手Game碟嫁啵-.-""
咁就去旺角睇下啦....點知都冇啵...都唔知發生咩事~~~
唔買個時就成日見到...要買個時一間都搵唔到~~
咩事呀.............
咁算啦...搵唔到咪去買珍珠奶茶之後返屋企囉~~
返到屋企玩下電腦....睇下電視...打下日記~
咁就過左一日啦.....唉~~~~好想玩模擬市民呀><""
