2008年10月10日係台灣國慶我就好鍾意台灣呢個地方 雖然我未去過 但係見到好多台灣女仔好靚 真係搞到我好想去 哈哈......最重要係有好多好野食同好多好多玩具精品岩我嘛 希望有機會我可以去一次喇

呢一日係我同女朋友去影結婚相日子 我地食完早餐 就去美麗佳人先影室內先
之後就出去影外影 先去大潭 再去石澳 跟手再去赤柱 最後去中環影夜景
嘩.....累到死呀 加上我左腳膝頭有事 真係累到唔識講 影相影到patpat痛 成身散晒
我真係第一次 好彩冇錢再去影第二次 如果唔係我真係死俾你睇

不過我同我女朋友都預左呢輯相影得唔岩自己心水 所以我同我女朋友 我地結婚一周年再影過 而且終於明白點解有d人要影兩次或者三次 第一有錢 第二係第一次影得唔靚囉

個日影完返到間鋪 就即刻叫我過兩日揀相 我真係啋妳都傻 想係我好累同keep住個開心心情揀相 我咪會中招 所以我答佢地唔得閒 我得閒先約黎睇相

到依家佢地真係一個電話都冇跟進睇相呢單野 真係俾完錢又令一個服務態度囉
我唔會介紹任何人去呢一間野的 大家切記 間鋪叫"美麗佳人"

當日我地帶左d道具去 同大家分享下
十蚊店買的花花幾十卡鑽石

可愛大鼻及鋼牙公仔

登登登...暫時唯一一張我同女朋友著住禮服同婚紗影既相 因為用ex手提影 所以差少少 如要睇更加清楚 請稍等幾個月後可能會放上黎 大家等得就等喇 哈哈.......