今日真係好凍 荃灣應該得5-6度左右 我下午係屋企都凍到手腳唔識郁咁樣 之後出左街行一陣 順手睇下今晚食乜喇

見咁凍 一於打邊邊 之後打電話俾老婆 問佢好唔好 跟手約埋了了上黎打邊邊 叫佢買電子爐同煲上黎

了了都講左好耐話買 今日終於買上黎了 我就去街市買食物 有魚 有蝦 有肥牛 有生根 有丸 有菜等等

大約七點左右 了了上到黎 我已經準備好湯底 跟住快快手搞掂就開始打邊邊

一路食 一路吹下水 不知幾快活 好快又食完 跟住吹多陣水就散band了

今晚真係好開心 又可以同了了吹下水 又打下邊邊 不過唯一唔好既係 打邊邊會越食越暖 但係今晚係完全冇呢樣野發生

因為今日真係凍得好緊要