同銘爺分開後 我獨自行去等巴士返屋企 等巴士期間打電話俾未來老婆
大家都好似平時咁樣傾下計 當傾到我工作問題時
又好似以前咁樣嘈係上黎 雖然 唔係好似以前咁樣大吵大鬧咁樣
但係一講呢個問題 我同佢總有意見分歧的 佢話我點解唔搵Merchandiser既工作
我就話唔岩我性格的同埋太辛苦 就算好多錢 我都唔知有冇命用喇
佢就話人地俾咁既人工 梗係咁樣 仲話我淨係搵admin工 行頭窄
係大公司先請admin的 我冇特別出聲回應 因為我知我一回應 又係吵鬧收場

我只係同佢講 我想揀一樣岩自己既工作做 點解次次都係咁樣
我知我人工係搵得少過妳 但係都唔好咁樣講野 我唔鍾意
我就係為我地將來 我先計劃讀書 希望讀完可以改善我地將來生活
我都好明白我留係依家呢間公司真係冇咩前途 就算有 我都唔知等到幾時
但係都唔好次次一講呢個問題就大家講到不歡而散

我平時返工對住好多問題 返屋企又要對面屋企問題 結婚問題等等
依家仲要煩埋呢d野 可唔可以唔好咁樣 好辛苦 好大壓力的
究竟有冇企係我立場諗下 我一直都有好多問題的 我一直唔想同妳講
一來唔想妳擔心 二來我知妳同我意見上有分歧 我唔想咁樣大家嘈

我希望妳明白我諗法

願主賜我智慧去解決各種問題