2008年10月1日本應為我國國慶理應係屋企un un腳休息下 但係早幾日約左個化妝師試妝 所以就要監督一下  而我地搵呢間鋪係係金都搵到的 但係都唔知係咪命運安排定係其他因素 呢間野係美麗佳人前美術總監開的 整鬼理咩 有冇咁岩呀 不過都算喇 都係去試妝 唔岩咪算囉 冇左都係幾百蚊姐 我就由下午2:00坐到下午6:00 一直陪住我女朋友 做個廿四孝男友喇

咁我就每一個妝都睇下 留意下個化妝師傅點樣 同佢傾下 不過最大鑊係要講普通話 我d普通話麻麻地咁樣 雖然返工都有講 不過都唔流利的

我地去到 有幸見到個個美術總監 我又發揮本人健談本能同佢溝通溝通 美術總監係曾經做過藝員的 唔怪得咁面善喇

可能我一直都唔習慣我女朋友化妝關係 佢一化左妝就唔同左 搞到我都唔知點好 我又唔識話好定唔好 呢家野 都係女仔耍家d 只要女朋友鍾意同埋化得靚靚就得了

個化妝師傅都好細心 我女朋友都話佢手勢唔錯 最後決定要佢幫手 當然 要佢地包埋我女朋友媽媽同我媽媽化妝喇 嘿嘿.....

經過今次 我終於明白咩野叫做"化腐朽為神奇"

以下是化妝前後 見到的只不過是三至四成到大日子個日既妝會更加勁~~~~~~~
不過到依家我都係鍾意女朋友唔化妝個樣

化妝前
著掛妝
著晚裝妝
著婚紗妝