上星期係拍賣網 見到一部我幾鍾意既菲林機 我記得我屋企都有一部
係我老豆的 不過有d發霉 我遲下會拎去清潔一下先得 因為係無價寶嘛
講返我係拍賣網部菲林機 有1.7光圈 正呀 好難得有咁大光圈的
所以決定買左佢 諗住同未來老婆影返d靚相喇

由星期二開始 已經影左兩筒菲林了 第一筒菲林拎去沖曬
我不知幾心急想睇 點知一拎個時好失望 仲要俾沖曬鋪老細串 我問佢點解收咁平
佢話"都唔知你影咩 影到濛查查 冇幫你曬相呀 淨係整左隻cd碟"
之後睇返cd碟既相 發現原來對焦問題 所以第二日再買多筒影

點知今日拎返工影喇 影完又拎去沖曬 到拎個時仲收得平過第一次
我又問點解
老細話 "白片黎 咩都冇呀"
我問 "咩叫白片呀"
老細 "咪咩都影唔到囉"
跟手俾錢同埋買第三筒菲林

返到公司 我先知我老細都係影相人 勁唔勁我就唔知
不過佢教我點樣同埋講返點解係白片 原來係我上菲林既問題
之後佢教我上菲林 頭先我係屋企又影左幾張玩下先 聽日再接再厲
我一定要係未來老婆之前玩熟部機 俾個驚喜佢先得

我老豆部機同我部機合照新歡正面

新歡機頂

老豆部機

老豆部機機頂