自從話結婚之後 我都好開心的 第一 我同我女朋友一齊左八年了 都差唔多喇
其實一齊左3-4年個時我問過佢結唔結婚 不過佢話唔想住 所以冇結到 終於等到今年佢答應 真係好開心 天主給我今年最好的禮物

除左因為一齊耐之外 其實仲有一個原因係因為我女朋友媽媽 大家唔好誤會佢媽媽迫我 反而佢從來都冇咁做 只不過因為佢有病 而我唔想因為咁樣佢睇唔到個女結婚 所以決定咁樣做 為人父母 有邊一個唔想睇到自己仔女結婚 就算將來我做人老豆 我都一樣咁諗

大家可能會諗 原來為左人地媽媽先結婚 都唔知係咪愛你女朋友 我可以係度同大家講
我好愛我女朋友 唔愛佢 點可能一齊八年呀 連我自己都驚 可以同一個女仔八年
呢鋪都算代表作了

其實係我俾酒席訂之後 有一星期個人情緒好低落 感覺自己好大壓力 一來對面錢問題 二來係結左婚之後既生活 三來我擔心雙方屋企日後生活問題 所以搞到個人好down

我又唔想同女朋友講 佢又以為我講笑同埋唔想佢擔心 唉......不過好彩好快就冇事 應該係天主保估我 多謝天主