今日上網睇「阿苦」新聞 睇到有一段講四代香港人的標題 睇完之後 我某程度上都認同文章中一d講法

我上兩代人 只要肯捱肯博就會出人頭地 當然都要睇機緣喇 但係到我呢代同現今呢一代比較辛苦同困難

我認同困難多於辛苦 試問有邊份工唔辛苦先 但係困難係好難預定 依家面對既問題係未必個個青年人可以面對到的

衰d講句 上兩代既人上晒岸 可以話唔駛休 但係依家幾勤力 讀幾多書搵既人工都好少

同時間 好多後生仔女以為自己讀得多書係等於搵得多錢 依家真係冇呢支歌仔唱喇

我認同每個人都要自我增值 唔增值根本唔能夠係現今社會立足 加上現今後生仔女都唔肯捱唔肯博 根本唔明白咩野係辛苦

講真 我自己出黎做野都有成10年了 呢10年真係得個捱字 我唔係怨 只係覺得自己浪費左自己時間

由上年開始決定追返之前浪費左既時間 我要好好利用黎緊個三至四年時間 去讀書同創立自己既生意

我相信 只要肯捱肯博肯蝕底 一定可以有回報

希望現今後生仔女都一樣 要為自己將來打算 一起努力吧