●×..衰鬼﹏'|°╔○＊．║誰來愛我└◆。┐

2008 年 8 月 10 日星期日

★╳×°*最近...

近排....我終於搵到野做啦~其實之前唔係搵唔到....唔想做啫~

聽日開始返工~返12點~係尖沙咀.....希望唔好遲到啦~

會考得2分...=,=...預左....咁多科無去....因為都唔想讀~

呢幾日都好唔開心...係勁爆唔開心~特別係尋日....

有一種俾人呃左嘅感覺....個心真係好痛....唉.....

不過瞓左覺就無乜野...可能我真係冷血嘅啦.....

都唔知為呢種性格開心定唔開心好....~

希望以後都開開心心~!!!!!!!

刊登時間︰2008-08-10 08:36 PM [ 訪客留言(0) ] [ 編輯日誌 ] [ 分享至FACEBOOK ]

2008 年 6 月 24 日星期二

★╳×°*頹廢!?

好悶呀...尋日同皇冠去左見工...係親戚介紹嘅...不過....我諗都係唔請~

唉...呢幾日都好頹...比平時仲要頹好多好多...心情都好鬼差~

搵左咁耐野做都搵唔到...仲要無錢...好多野都做唔到...出街都難Orz

有無好心人可以請我2個呀x!!!!!!!!!!!我要返工呀......

見完工之後....我同皇冠係大埔亂行....熱到我條頸紅哂...

皇冠仲誇張....成塊面都紅哂....跟住入左大埔m記買雪糕食...

見到個好似係乞兒嘅呀婆拎住5毫子話要買紙巾....唉~見到都心酸....

跟住m記啲人拎左好多俾佢.....話無得賣....叫佢快d走....

係m記坐左好耐之後....又係大埔超級城個邊行...又買好多野食....

無啦啦發現用哂啲錢-0-....無錢返屋企....=.=...點算呢...~

即刻打俾靚女叫佢黎幫我....佢又真係肯黎拎$4俾我....=.="

不過費時阻住佢同男朋友拍拖啦....陪皇冠返佢教會問佢老豆拎錢..

個教會好奇怪...都唔知咩教黎...諗唔知咩經個陣忍唔到笑...^.^

好鬼悶...頂唔順...好快就走左...4點幾就返到粉嶺...真係悶到呀...

因為前一日無瞓....返到屋企即刻瞓死....10點幾有人請去許留山食野....

點知等佢等到11點半=.=....早知唔食....瞓多陣仲好...無奈!!!

好頹呀.....27畢業禮...唔返~30grad din...仲未買衫...唔知買乜好~

唉....希望grad din個日...食完出去玩會開心啦...唔係我真係唔知點算~

依家呢刻.........我剩係想有工返同唔好成日咁頹~!!!!!!!!!!!

刊登時間︰2008-06-24 02:26 PM [ 訪客留言(0) ] [ 編輯日誌 ] [ 分享至FACEBOOK ]

2008 年 6 月 18 日星期三

★╳×°*後備情人!?

呢幾日係咁睇我的最愛...睇到入邊啲劇情真係好鬼無奈~

乜叫後備情人...如果要有後備情人...咁究境一次過可以同幾個人一齊..

咁仲要個女朋友黎做乜...諗左陣...我明白左一樣野...

當人係一個容易寂寞嘅環境下...一旦擁有一個可以陪你嘅人嘅出現..

人就會好想永遠咁擁有呢一種"所謂"嘅快樂嘅空間同時間....

到你最鍾意個個搵你....你又會好自然咁返返去佢身邊....

但係....你鍾意個個究境係你嘅女朋友定係你嘅後備情人呢!!??

我諗到時你就會好清楚自己鍾意個個係邊個....你想同邊個一齊~

講真個句....人其實根本就係一種怕寂寞嘅生物...呢個係事實

不論你係任何方面....朋友!?愛情!?日常生活!?你都希望有人去陪你..

好坦白咁講句....我就係一個咁嘅人....如果得我一個....

我無可能係生存得到...無錯...人無左邊個都唔會死..都可以過得好好.

但係得自己一個....就點都生存唔到...呢個係一個事實...

我唔係話覺得有後備情人係啱嘅....但係人生中就係要有呢一種決擇~

有得選擇先會知邊個係你嘅最愛...如果到最後結咗婚先知你唔愛佢...

咁又為咗乜呢??我嘅朋友呀....好好珍惜你自己所得到過嘅....

特別係栗子...你曾經一個拖四個....但點解到依傢你一個女朋友都搵唔到?

呢個問題你好清楚...我亦都好明白....因為我都係同你同一種人...

唉....加油....唔好剩係做人後備情人啦!!!....你知有人等緊你嘅!!栗子..