今日收到d唔開心ge消息,

就係我以前一直沉迷ge遊戲, 龍之谷台服要倒閉,

我第一次聽到呢個消息ge時候, 有好多問題都冧唔通,

明明呢隻game要搵錢真係好容易, 買一套時裝,係咁沖番一件爆裝,

最少都要1000MOP先可以成事, 點解代理商要執左佢呢,

曾幾何時, 我都為左佢擺左唔少心機入去, 包括沖裝備

每逢假期, 都會同一班公會朋友一齊刷副本,

平時大家有講有笑, 又會分享一d攻略心得比我地,

好想多謝以前公會好幾個伙伴,

一個係帶我入行, 教識左我好多打副本ge知識,

仲有玩呢隻遊戲ge投資技巧等等, 係識左佢最奈ge公會會長,

我地已經有差唔多半年冇聯絡了, 如果你仲未放棄佢,

或者識去第二隻遊戲發展, 希望你可以搵我再次做你伙伴.

仲有一個係隊伍裡面ge超級補師, 都係我一個好重要ge師父,

好冇我都唔會有成長, 同埋可以打到一d好ge裝備,

真係要好好咁多謝你~~~~~~希望你同你老婆可以開開心心咁繼續生活落去^ ^

重有一個係公會入面好鐘意香蕉ge朋友, 唔好成日食咁多蕉羅^ ^

最後, 就係公會一個同我最好傾ge朋友,

不論係遊戲入面ge問題, 定係生活, 學業, 個人煩惱等等,

佢都可以向我盡訴心聲, 可以話虛擬世界入面ge一個妹妹,

雖然我地差唔多有兩個月冇聯絡, 最近我一定會聯絡番妳,

希望我地係呢隻遊戲做唔成戰友,都可以成為一個好好朋友.

有時玩下妳,又真係覺得唔好意思,希望妳可以原諒我^ ^

我係現實同虛擬世界有好好人緣,

但由於個人問題, 往往都唔識珍惜呢份機會,

當然,我都玩過唔少遊戲, 識過唔少戰友,

同戰友分別過無數次,

但今次道別左, 可能就一世都見唔番佢地,

呢隻遊戲陪伴我ge一年時光, 我都唔會忘記.

2265