好奈都未上水啦,差唔多成兩個月咁擠,

過左考試明明都差唔多一個星期架啦,

好啦,首先要由大半個月之前講番起先,

就係我地高二有一個show, 而我呢,

就第一次係舞台上表演,

角色係主角ge一個朋友,

戲份都ok重下,有兩大幕同佢做對手戲,

因為我以樣貌猥瑣關係,令到出場表演歌陣引起大量笑場,

雖然我ge目的就係要咁樣,但又好似過火左少少,

對整部劇有一個催化作用,事後仲好多老師朋友埋黎傾計.......

所以唔多唔少都令到自己ge演技有少少自滿(喂........)

今次真係一個好好ge經驗,希望高三歌陣都可以有一樣ge發揮,

原班人馬再次創造Good Show!!!!

然後,就係講關於上課Last 2 days...

係呢兩日,我覺得能夠番學校上課學習,

係一件賞心樂事,可以識到咁多朋友,好老師,

今次主要係講老師, 我覺得老師係自己人生裡面第二個爸爸媽媽,

佢可以同學生互相坦誠,毫無保留,

而我呢一位恩師,佢雖然為生活而被逼選擇另一份高薪工作,

但佢內心跟本唔捨得我地呢班馬騮, 如果可以有得揀,

相信應該都唔會離開我地,

其實係呢件事裡面,對我有好大啟發,

令我覺得無論自己學習,幫助人地學習,帶領人地學習,

都有一種深層意義係其中, 唔知係唔係透過今次呢件事,

我確立左人生一個目標, 以前係希望可以成為一個科學家,

為人類帶黎方便, 但今次凡我好想成為一個老師,

引導青少年,尋找屬於自己ge未來,

未到人生學習盡頭,都唔知自己最後想做ge野係乜,

但係我思想裡面,都有一個共通點,

就係治癒~~~~~~

2316

久違的更新,

今日的主角,就是這個~~~~~

低音甜,高音準的Studio !!!!

一直期望可以得到它,

今天終於用了$2470的血汗錢,

把它帶回家了T T.........

往後有什麼作業,打發時間,

就拜託你了,戰友!

當上到黎打文時,

真係發現自己係一個超級大懶鬼,

前一段新年文之後,到依家其實都有一段時間空閒,

但係自己就.......

講下近排D野先,

先排過左個中測,就係因為呢個態度,

將下推到無限深淵,

退步到無得再退步咁擠......

再一次證明到,

做任何事都必須盡全力,

將重要事情清理好先,

娛樂絕對要排行第二,

希望得到今次教訓,可以真正清醒,

講下其他閒事先,今日係一年一度台灣海外入學試,

身邊都有朋友赴考, 希望佢地都可以有好成績,

冧下冧下,自己下年ge同一日,

都會同佢地一樣,背水一戰,

有時,真係好擔心自己到底應唔應付得黎.....

無論點都好,希望能夠用剩餘時間,

補救之前失去左ge野,

盡全力去應對

2388

唔經唔覺,終於黎到春天,

都係今件第一份PO文,

至於點解要到今日先黎發文呢,

因為我竟然係新春第一日,

腸胃炎了..........

相信今年新春應該係我最難忘......

先係到祝咁多位親戚朋友新春愉快,

身體健康~~~~~

2442

今日係2012最後一日,

今日自己依然都係一個公咁過,

不過正因為呢幾日可以咁,令我冧起好多往事,

首先回顧一下先,

今年對於我黎講,的確帶黎好多大事,同埋轉變,

例如見到好多我一直想見到GE野(C3等等)

去左好多地方,見識唔同GE人與事(日本,台灣等等)

多左好多同伴之如,有一D老友都要暫時離開我地身邊,

仲有房間多左好多宅物(書,CD,遊戲機等等)

好似有好多都仲未PO哂上黎,遲D要慢慢整理一下先得,

學業方面都算係順風順水,

同埋今年踏出左第一步,就係肯去學計劃左好奈GE日文(真係計劃左好奈......)

以上差唔多都係我今年比較難以忘記GE事;

講一講下年到底有咩期望同想做先:

希望成果可以係以上GE倍數,

有好多令到我意想不到GE事情發生,哪怕悲喜,

當然最想GE應該都係日文方面能夠大大加強,

可以一個人去一次大旅行,

學業進步,身體健康~~~~~~~~~~

有小小野想帶比2013/12/31 呢個時候GE自己:

相信你依家應該都係一個人過(可能係對住一大堆書,大汗夾細汗)

一定要繼續加油,考到自己心宜GE大學~~~~~~~

就算有幾多本書係到,都係努力咁讀哂佢,

好,到最後......

就係十年計劃,

係呢個過程裡面,一直隨著呢個目標前進,

令我得到無限GE進步,非常感謝當年自己下呢一個決定,

距離呢一日就只有6年加大半時間,

到歌日為止可唔可以完成佢, 絕對係一個問號,

希望每一個年度,都可以帶比我無窮力量,

完成將下來更多夢想,過下更多難關!

感謝2012帶比我歡樂,帶比我教訓,

另我對未來有更多憧憬,充滿希望,

ありがとうございます！

2484