10-7-2008
              學校有個讀書會..我前一晚幫LawTing叫左好多人去,,但真正有去既就得幾個..可能喺佢地眼中..讀書會好悶掛!原本我都唔諗住去,,但去完之後發覺都ok好玩既~唔係咁差啫^^我地玩左啲遊戲,食左啲野...幾好^^跟住放學返屋企,,成個人都好攰,仲有啲暈暈地既感覺,返到屋企,同daddy講,跟住去探熱,原來我發緊燒~99.9度..!跟住我訓左1.5小時.....起身再探熱~100.4度...點算?!之後,,mummy帶左我同細佬見睇醫生(因為我細佬條喉嚨有啲紅紅地)..睇完醫生..我細佬已經差唔多好番,而我就係腸胃炎 = =' 返到屋企,休息左一陣,就食藥~啲藥好大粒喔..差啲噎親食完藥,我又冇胃口,所以冇食飯..跟住再休息一陣就沖涼...沖完出黎,成個人精神哂,睇左一陣書...跟住衝入廁所嘔,,daddy俾左杯暖水我飲,跟住過左一陣,又嘔..之後喺daddy,mami張床訓左一陣,跟住突然醒左,然後又去廁所嘔...如是者,喺短短2個鐘頭裹面,,我嘔左9-10次...好辛苦呀..> < " 跟住訓左1-2個鐘,mummy叫我起身食啲野再食藥,結果我只係食左一塊餅就食藥..冇辦法,,因為胃口唔好,唔想食咁多野!!嗰晚,Karmen打左幾次電話黎問候我同埋問我聽日(11/7)番唔番學,,但全部由mummy幫我聽,,因為我唔係嘔緊就係訓左覺!其實,,我都好希望我第二朝番到學,因為係我生日嘛^^跟住....嗰晚同媽咪訓..^^
                                        11-7-2008
            起身..唔想返學,,因為實在太攰喇..去探熱,雖然有少少燒,但最後都返左,因為還掂今日係喺2C既最後一日,而且又派成績表,更何況只係返到10:30..無所謂喇..有daddy陪我返學,因為驚我會唔舒服!多謝daddy,因為佢嗰日放假,原本可以訓晏啲,但就因為要陪我返學而要早啲起身,之後又要等埋我放學..多謝daddy!^^返到學校,懿心已經擺左份禮物喺我張枱..好開心,之後佢又同我講"生日快樂!"..講住陸陸續續開始愈黎愈多人番黎,幾乎我行到邊都有人同我講"生日快樂!"而且,我仲收到好多生日禮物^^嘻嘻..我真係好開心呀..跟住,就係去禮堂進行結業禮..全部攞第一名&品行攞A既都上台攞成績表,其他嗰啲就留番一陣老師派..唉..唔知我幾時可以有機會上台攞成績表呢?只要我俾心機,,實有機會既..^^到左結業禮既尾聲,,原來Mr.Lee(KK Lee)退休,所以下年唔教...佢冇教過我,但聽琳講佢啲NOTES好掂最後,仲有人上台獻花俾佢,佢好開心呀^^之後我地就番課室派成績表.....好耶~我進步左22名^^Miss Chan都讚我,話我進步左,我好開心喔^^嘻嘻..之後,招天同肥霖提議影大合照..咁我就執野,預備去影相..依個時候,我聽到好似有人講我個名(後來我再問番佢地，原來係Nicole同Miss Chan 講我今日生日)..跟住,Miss Chan就對全班講:「影相之前,我地唱首生日歌先,因為今日係霍葦晴生日..!」個個聽到之後,都即刻望住我,我感覺到自己喺嗰一刻塊面好紅..跟住全班就唱左首中文版既生日歌,我前面&隔離既男仔仲加埋動作,笑到我肚痛唱完之後,Miss Chan話:「我地係EMI school,所以要唱英文版!」跟住佢地又再唱,前面&隔離既男仔又加埋動作,我笑到唔受控制^^唱完...掌聲鼓勵 之後,我地影大合照...Miss Chan安排我企喺中間^^最後,就係時間同2C既同學講再見喇我好唔捨得佢地希望我地可以友誼永固
            放學..daddy陪我返屋企..由於我已經差唔多好番哂..所以今晚可以去食日本野(我既願望成真^^)..但mummy唔俾我食太多sushi,驚我又唔舒服> <..之後,mummy送左$300書券俾我..等我鍾意幾時買自己鍾意既書都得^^多謝mummy^^食飯期間,表姐都打俾我同我講"生日快樂!"開心^^跟住行左一陣..回家途中,Anna姐姐都打俾我同我講"Happy Birthday!"多謝哂~Thank you ^^返到屋企,on msn,又有好多人同我講"生日快樂!"之後,主要都係同Felix傾計&玩game...我話Felix成日奸笑..但講下講下,我地都發覺,,原來我奸笑得仲多過佢..但我平時唔係咁架..可能係我生日特別開心啫^^嘻嘻..之後,daddy,mummy&hin hin送左張好靚既生日卡俾我,有我最愛既狗仔做封面^^好開心呀..
      喺依度,我要多謝所有送禮物俾我、同我講生日快樂、唱生日歌俾我聽既人..多謝你地俾我一個咁開心既生日..我一定會好好記住依一個生日架^^一定一定....
            12-7-2008
           daddy&mummy去報名..我地暑假會去台灣喔..既興奮又期待...^^同hin hin留喺屋企,我地睇"Home Alone"..依一套戲,我由細睇到大,但無論睇幾多次,都唔厭,都仲係覺得咁好笑^^哈哈...
           我晚餐只係食左好少野..可能個胃口都係冇咁好..> <...
            13-7-2008
           夜晚去食韓國燒烤with daddy,mummy,hin hin&嫲嫲...yummy yummy...我食左好多野,,證明我既胃口好左好多lu...呵呵..^^食完..去行街街,,daddy買左隻錶俾我..多謝daddy!^^
           返到屋企,我地玩「一擲千金」...我地4個輪流做唔同身份既人..daddy話我唔識做banker,,因為我開既價錢太高..嘻嘻...唔緊要喇..咪益下人地囉..好好玩呀..^^跟住,玩到11:00p.m.,,訓覺lu.....
                                        14-7-2008
           今日返學校補習,同wing wing坐..總共有15人,,由Warren sir教..佢話我地可以上堂食野!劉曼珠好好笑..而gagson就成日去廁所,其實就係去玩..到12:00就放lunch,去"好好"with Karmen,Wing,sin,lily..!笑到傻左..^^哈哈..跟住我地去7-11,wing&sin各自買左包m&m,我同lily就各自買左枝珍寶珠,,可樂味..yummy~返到去,,2個鐘都係做數..啲數都ok易,,因為之前學過^^2:45p.m.,,我同wing wing可以早啲走,,因為我地已經做完數..哈哈^^跟住就返屋企...

     依幾日都過得好開心呀..希望日日都可以咁開心喇^^下次再寫喇..bye!

    嗯.......今日又放假..原本約左Karmen,豬莉&熊熊姐去S.T.，但後來我見落緊雨，而且我仲未搞掂好一啲野，所以我就冇同佢地去行街喇~原本琴日(25/6)我係同Karmen&Kathy去S.T.架..但因為天氣唔好，所以冇去到!!其實講真，就算琴日天氣好好又或者今日完全冇任何阻礙，我都唔係好想去！！雖然之前同佢地傾起有關依兩日嘅行程會點好玩，我係幾咁興奮雀躍，但當我自己慢慢諗番個時，我就好似有鼓力量令我想留喺屋企~
    我自問係個鍾意出街多過留喺屋企嘅人，但經過今次，我發覺有啲野唔同左..原來天氣嘅好壞會影響到我架！我依家諗番轉頭，又好似真係喎.........每當我出親街，然後又唔想返屋企個時，通常都係晴天；而當我想留喺屋企個時，通常都係落緊雨或者天氣極差!!!哈...唔知會唔會同我個名有個「晴」字有關呢??
    唉...唔知呢..!! (O_o)   
                                                                                                                             
                  

以為被別人束縛在困境裡，其實自己並不知道該往哪裡去。
好想留住甜美的時光，然而往事經常帶來糾纏的夢境。
老天給了我們心愛的人，卻又太早把他們帶走。
如果不能確知意義，為什麼要對陌生人伸出友善的手？

無法解凍的冷淡，達不到的期望，離家出走的寵物。
他在你身上留下一道疤。你曾經錯過一個人。
始終沒有對最心愛的人說出那句重要的話。
取消的那班飛機出了事，是誰遞補了你的位置？
人與人之間的種種缺陷與無理，應該如何釋懷？

你能活著，也許是因為有另一個人為你而死去。
你來到這裡，也許是因為有一些人等你為他們帶來意義。

當你不在乎失去，你才真的愛著。
當你完全付出自己，你才真的活著。

 今日mami俾我睇左十幾張好得意既相...我捒左其中幾張同你地分享呀..去相::::::::::::::

 ←←←方包石[地點：青山](我覺得依張最似..^^)
←←←片片頁岩[地點：東平洲](哈哈..一片片,,好得意呀)
←←←肥豬石[地點：芝麻灣半島](媽咪話隻豬好似喺度排泄緊咁..又真係幾似,,哈哈)
←←←香港之心[地點：西貢花山](你地見唔見到個心心呀..真係好神奇呀)
←←←鬼手[地點：黃竹角咀](嗚嗚...有點兒恐怖..嘻嘻 = =')
←←←摺曲六角柱石[地點：萬宜水庫東壩](啲紋好靚呀..^^)
←←←靈龜上山[地點：蒲台島](依張放大左!等你地容易啲睇)

   點呀..?係咪覺得好神奇呢..我都覺得好神奇呀...而且仲好靚tim呀..哈哈..我提供埋地址架喇..你地得閒去睇下喇...咁..講住咁多先..我訓覺喇..晚安~ ^^

 今日係AE第一日..心情難免會有啲緊張..我琴晚都因為咁而訓唔著...訓又訓得唔好...搞到今朝一起身..成個人都無哂力...累!!!好彩..writing&listening唔算難..咁先好啲~唉..不過..listening個度嘅貓狗個part..屎左..佢講得好快..= ='
 放學之後..就同Karmen,Nicole,琳,嫻去左公共圖書館溫書..我地互相考對方..所以個進度唔錯..大約1:30p.m.我地去樓下食lunch..竟然見到民喺度睇課外書...勁人果然係勁人...= ="sd左個msg俾佢..傾左幾句..就冇傾...因為我太肚餓..掛住食野^^
食完番到去..繼續溫書..之後我同Karmen借左嫻個份自製問題紙去copy..又見到民...不過今次佢隔離多左個霖..哈..霖無啦啦黎圖書館..實有野既...依個時候..Nicole&琳都黎copy野..民同霖跟喺後邊...Nicole攞左霖個張八達通去copy..仲話要用哂啲$$...不過唔緊要既...霖肯定唔會介意...因為係Nicole嘛...哈哈...依個時候..恐怖既野發生喇..有個男人喺我地周圍行黎行去..面上仲掛住不改既笑容...但...我地個個都唔識佢...= ="我地狂笑..但我地心裹面都有啲驚...跟住..我地決定全女班(我地五個)去搵下個男人..所以就叫左民同霖幫我地看住啲袋...結果...搵唔到...個男人應該走左lu..但我地冇人稀罕去見到佢..= ='
 溫到4:30p.m...我,民,霖,Nicole&嫻去左711買思樂冰...哇....爽呀...^^出到黎..唔見左民,霖,Nicole..打俾Nicole..原來佢地已經去到賽馬會附近...但我先唔會追上去搵佢地...費是做霖&Nicole既電燈膽..最後嫻就同我去火車站...我地傾左好多野..笑到我傻左..^^


友情....沒任何限制..希望我們能做一輩子的好朋友

      I felt so unhappy the whole day....I didn't want to answer any questions ...why all the people said many many to me?I hate this...I just want to stay in a quiet place and just stay there for the whole day....
      Oh..My God...How come?Oh...no,,I felt so tired......I need a rest..but the annual exam is coming soon..I must be work hard!I am so lazy now..If I still be lazy,I won't have a good result in the exam
      Oh My God!!!!!I will be crazy!!!!!!!!!!!!!!!!!!!!!!!Nothing to say..bye!

後加:
        哈^^ 我依家既心情好左好多喇,,,喺婆婆屋企食飯嗰時..我突然不自控咁喊左出黎...(媽咪話可能係考試壓力)不過，我喊完出番黎..一開始都仲係情緒低落..跟住..舅母見到我唔開心,,就提議話我可以打下來機黎舒緩下情緒..點知,,媽咪同婷婷EE就不停狂笑..因為我三舅父個名有個「基」字...叫我打「基」....!!聽完之後...我都笑埋一份...就係咁..唔開心既情緒就唔見左lu..^^所以喺依度..我要特別多謝媽咪同婷婷EE..呀..講多樣野俾你地知呀...頭先喺返屋企既路途中..我同細佬玩"外星人侵略地球"(當周圍既路人係外星人，之後就向佢地發動雷射死光..)哈哈.....我覺得自己好幼稚..但幼稚得黎又好開心..^^原來真正既我..係充滿童真(係個好幼稚既人)!我發覺，就算大個左，都唔一定要係好成熟先算係長大..其實，只要係適當既時候幼稚下..都冇咩所謂既.. 嘻嘻~