隔左兩日冇寫日誌，係因為剛剛考完試跟住又派卷，心情未免有點七上八落!!
今次嘅考試成績牙.........OK 啦......50/50啦..唔係好滿意囉!!唔....我要奸爸爹呀!!距離期末考嘅時間得番大約一個月，我又要開始溫書啦~因為大把野要溫呀......
講番今日嘅正題SIN~由於要做有關宗教科嘅功課，所以今日跟一啲中學嘅同班女同學返大埔教會，同行嘅當然唔少得我中學同班嘅 best fd─ Mimi 啦!!今日喺教會嘅大部份時間都係玩遊戲，而且都好好玩~而證道嘅時間又唔長，啱哂我!!由於我地係返青少年團契，成班十幾歲嘅青少年，所以玩得好開心，氣氛都好融洽!!我仲記得......一開始唱詩歌嘅時候，突然有幾個男仔(唔識架)走入黎，所以要搬椅子俾佢地加入，咁啱就喺我同溤樂言(同班女同學之一，讀書好叻，好nice，人又靚)之間加三個位，跟住溤樂言就去同另一邊嘅女同學坐，頓時，我心裏面好唔開心..算啦!!話哂溤樂言同我唔係好熟嗰隻，算啦......正當我咁諗緊嘅時候，溤樂言又搬返埋黎同我坐喎?!我好驚訝...跟住佢又同頭先個女同學講話佢要陪我呀!我心裏面真係覺得好感動呀!!我感覺到神好似知道我唔開心咁，佢賜予我有一位好朋友坐喺我隔離陪住我咁!!真係好感謝神!!我諗我可能會繼續返依間教會，因為喺嗰度有一班天使陪住我!!
好lu....打字打到手都赲啦.....今次又講住咁多先..拜拜~ 
|
不過教會俾咩感覺你我就唔知啦，但係睇你係個BLOG到咁寫，都應該唔錯掛，你要keep住返呀!我地歡迎你嫁!
