30-7-2007

今日同媽咪返左學校買中二嘅課本...啲書鬼死咁重,,我拎住袋衫,,又揹住個袋,,媽咪拎住袋藍莓(準備送俾婆婆嘅,,對眼好),,又拎住個袋...我同媽咪睇起尼就似「師奶二人組」...唉...諗起都辛苦.....
     然後我地就去婆婆屋企,,去到先至十點,,見時間尚早,,緊係預習下先(睇普通話書),,緊住就 hea下 hea 下咁囉...一點幾,媽咪落去大家樂買飯(媽咪真好...)食完飯,,媽咪訓覺,,我同婆婆玩啤牌同竹簽..好玩...好玩...媽咪醒左之後,,我地玩「七級珠」,,玩之前,,講明邊個輸左,,就要喺垃圾房門口扮豬叫,,結果婆婆輸左,,去到垃圾房門口,,咁啱一個鄰居返黎,,嚇到婆婆望都唔望就即刻跑返屋企,,我同媽咪呆左,,跟住大笑,,我都未見過婆婆跑得咁快架!!哈哈......返到去,,就罰婆婆向隻貓扮豬叫(Easy job la...)..隻貓見到婆婆咁叫法,,相信都嚇傻左..再玩多次「七級珠」,,今次講明邊個輸左,,就要打俾婷婷EE,同佢講「婷婷,我係豬!噶噶噶(豬叫聲)....」結果又係婆婆輸左,,佢打俾婷婷EE,婆婆忍唔住笑,,然後同婷婷EE講「婷婷......哈哈.....我係豬呀!噶噶噶(豬叫聲)....哈哈....」相信婷婷EE都唔知發生咩事....真係好好玩呀...係媽咪先諗到依 D 鬼主意架咋......haha...
    開心嘅時光過得特別快...媽咪要返屋企睇軒軒啦...而我就留喺婆婆屋企訓一晚兼陪婆婆...
    今日真係好開心呀...唔知聽日又有咩事發生呢??