哇..好少會平日打BLOG..但今日六點前就做哂功課喇...好開心..
嗯...呀...
由於我地中文指定書測驗..全班都測得唔係咁好..所以今日放學之後全班都要喺A房出面再測多次..
有兩樣野令我覺得幾好笑嘅..

首先，話說琴日我地喺中文堂測指定書..我一路測..一路聽到隔離位嘅聰同霖喺度狂笑..我呆一呆望住佢地..
測完之後，聰同我講番..原來佢係亂答..例如有一題人地問詩中用左咩特別手法??
佢就答:用左一種好獨特嘅手法..
我聽完之後，真係俾佢吹脹..

第二樣野，咁今日我地測完指定書之後，呀WING同SUKI就陪我去Locker(同呀WING共用)擺書..
我一打開個Locker..嚇呆左..我從未見過個Locker咁多書..
呀WING同我講番..原來菁唔見左佢個Locker嘅鎖匙，所以佢地將WING、Kathy、心、菁、民嘅書擺哂喺我Locker..
我唔介意，但我真係嚇一嚇..哈哈..想攞本書..都好似玩緊「層層疊」咁..好好笑呀...呀哈哈哈...
唉..笑到好攰呀...

嗯...無咩野寫喇..好攰呀..我去瞓喇..各位，晚安!!


原來笑一笑..真係會開心好多嫁..