都咁多年啦.

係應該要放低,

放低唔到我唔知係我既責任, 定係因為佢唔俾一個原因.

既然, 你同佢都可以做番朋友, 咁直接咁傾番以前d事,

咁點解, 同我唔得?

我究竟做錯左d咩令到我地之間連朋友都冇得做?

我好開心你地兩個做番朋友,

因為我覺得其實你地兩個好夾,

做朋友一定會係知心好友果種.

只要你地兩個之間唔再發生感情,

呢段友情一定會係long-lasting.

就好似我之前認為我同佢既友情一樣.

我以為我同佢既友情真係變左親情,

點知原來唔係, 原來都係咁不堪一擊.

知道你地兩個fd番,

除左替你地兩個開心之外,

原來我自己好唔開心.

我到底做錯左d咩所以要去承受呢樣野?

我唔想再問點解.

我本來已經下定決心係你18歲生日果日就唔會再諗起你.

生命中完全失去你.

但係事與願違, 今日俾我聽到呢一件事,

我唔知自己需要幾多時間去平復番.

我知道係唔關我事,

但係我都唔知點解會俾佢牽制住.

嗯. 你有女朋友.

仲拖左咁耐先一齊,

我相信你係真係鍾意佢,

如果唔係冇咁既耐性去開始呢段感情.

但係佢岩岩同男朋友分左手.

雖然, 佢話會等半年,

等所有事都搞掂哂之後,

先再黎一個真實既決定.

但係呢半年入面, 會發生既野我地又點可以估到.

其實我好驚你地有交集,

好驚你地變番朋友.

因為冇人知我同你根本連朋友都唔係,

於是佢仍然會不停咁同我講同你既野.

我想知, 亦唔想知.

我總係覺得你地兩個會再一次係對方既生命入面擔當一個好重要既角色.

我覺得你地一定會重新進入對方既生命.

比起朋友更高一個層次, 但又唔係戀人.

當中既默契同配合,

係因為你地兩個曾經係戀人,

再變到依家係朋友而衍生.

但係我唔會再參與你地既交集路線,

我好想脫離,

我唔想係佢口中再聽佢講起你,

講起一個我曾經無比熟悉,

但係依家如同陌路人既你.

係應該放低.

我亦打算放低.

但係點解係我要做呢樣野既時候,

要令你地兩個fd番,

再次進入對方既生命?