|
 23 - 02 ●||★★ Thinking. ||* |
其實我都唔知點解會上黎qz.
明明上黎qz都冇野做.
只係想搵個地方俾我打下野.
但係奇怪既係我又唔知自己想點.
唔知自己想做d乜.
唔知自己想打乜.
個人唔知點解突然之間好空虛.
好似乜都唔上心.
乜都冇力氣去做咁.
開始胡思亂想.
開始..
有種好攰好攰既感覺.
好似花費左我好多既心力去做一樣野.
但係我明明乜都冇做過.
書冇溫. 功課冇複習.
明明應該要做既野一樣都冇做.
我只係覺得個人好攰.
心靈上好攰.
我都唔知點解突然會咁.
但係越黎越近考試.
突然之間覺得自己點解可以乜都唔上心.
明明係對我黎講咁重要既時刻.
點解我仲可以咁悠閒咁係度睇戲, 睇節目.
點解我會冇個動力去溫書, 去考好d成績.
點解我冇一個諗法去challenge自己.
睇下自己會有幾大成就.
我唔係冇諗過未來既路,
但係我真係唔知我未來既路可以點行.
或者話我冇信心,
我冇信心入到大學.
我冇信心讀到書.
我一路都話我要讀專科.
係因為我太易心散.
當你有好多樣野俾我選擇既時候,
我就不期然咁想依家做下呢樣,
一陣做下果樣.
我唔會定落黎去focus係一樣野上面.
但當我讀專科既時候,
我只需要去面對果樣野.
咁我就可以將我所有既心力集中哂係上面.
但係其實我有冇咁既能力?
我一路都對自己冇自信.
係因為我真係唔信自己會有幾大前途.
我會怨我會恨.
點解香港既教育制度係咁.
逼你去做一個你未必想做既人.
讀咁多書真係有用咩?
真係可以學以致用?
真係可以係社會上應用到咩?
讀咁多年數, 其實要用到既咪就只係加減乘除.
就算依家我讀Business, 讀Econ,
第時我都未必會入呢行,
需要用到我讀過既野.
咁點解我要咁上心,
點解我要咁俾心機去讀d對我冇用既野?
我承認語文對我黎講係有用既,
所以我會去讀.
亦不曾放棄過去讀.
但係我真係唔明點解佢要我地去讀咁多咁無謂既野.
我讀中文, 點解我要去理解佢既歷史?
我知道佢點用咪得囉.
點解我要讀仁義禮智?
古化既道德規範?
知道左又點? 學左讀左又點?
有咩用?
不如你係學校開個社交禮儀課仲好啦.
教人餐桌禮儀果d仲好啦.
最起碼等時會有用.
好似話題偏遠左.
總之我好冇力.
見到其他人係度為考試溫緊書,
我就好驚.
點解我會同佢地唔一樣,
點解會有唔一樣既心態.
明明大家都係處於同一個位置.
明明大家要面對既都係同一樣野.
點解佢地會咁俾心機去溫.
即使可能唔係佢地甘願既,
但係最起碼佢地係做緊.
而我真係冇做過.
亦一d都唔想真心去做.
我真係好攰.
好唔明.
但係得我自己係咁既時候可以點.
我唔可以為左自己想解決呢件事而去麻煩到人.
就好似依家呢個時刻,
即使我幾攰幾無奈都好.
幾想搵人陪搵人傾都好.
我都要顧慮佢地溫緊書, 考緊試.
要放手俾佢地去做佢地應該要做既野.
真係好攰.
唔知點解會咁攰.
呢種感覺hold左好耐.
係好似將所有感情都搬哂出黎咁.
耗盡我所有心力.
提唔起勁去做任何一樣野.
就算係睇戲都覺得冇戲好睇.
突然之間我覺得自己好辛苦.
我唔明點解我會咁諗.
亦都唔知點解會有咁既諗法.
但係我覺得自己既世界好似唔係為左自己而活咁.
我覺得我被改造緊.
成為一個完全唔係自己既人.
我唔鍾意咁既感覺.
呢種突如其來既感覺令我好窒息.
我唔知點解, 突然之間諗番起原來我未填器官捐贈卡,
之後就上網search, 上網申請.
突然之間諗起. 於是去做.
呢種感覺就好似自己就黎死咁.
想係自己死之前為人地做番d野.
我唔知呀.
我都唔知自己做緊d乜野.
第一次打完出黎都抒發唔到感情.
我到底怎麼了?
連文字都唔可以幫到我,
咁我仲有咩方法去幫我自己?
|
|
|
諗咁多做咩
要諗都唔係依家諗啦:)(我知道系2個月前既事:p)
把人支持你!
有時我都會好想用文字去抒發
但又唔想俾人睇:p
hahaha
不過我set既pw好易撞xd
|
網主回覆
唉 冇話諗唔諗得多既
係果個moment諗到諗唔通咪打落黎囉~~
我都知, 但我都要搵到自己既人生方向先可以行落去架 :)
哈哈xd
你個pw根本就唔駛撞xd
令文字抒發其實都真係幾好 :) Posted at 2011-03-18 02:58 AM [ 編輯 ] [ 刪除 ] |
|
|
俾個cm 你先,,
唔該,,
幫我做份問卷http://www.my3q.com/survey/360/cyui/6642.phtml,,
功課稷架,,
唔該..唔該
|
|
|
iris 於 2011-02-26 10:03 PM 發表：
本來岩岩睇完都重有野想講...
但而家真係唔知可以講乜...
「一分耕耘，一分收穫」
如果這話有驗證含意..或者老早已被發生在我身上的事推翻了...
可能這句話只是斷言?
haha...讀econ讀上腦了...
我都唔知可以點做先做到我想做既野..
或者而家起步已經太遲
|
網主回覆
所以話, 想做就要第一時間去做.
好多野, 就算流傳左落黎, 都已經冇左佢既意義.
或者係以前真係一分耕耘一分收穫,
但係依家有咩可能.
就算付出左好多, 收番黎既可能只係0.1.
不過又的確唔可以咁武斷.
「搏盡•無悔」係我呢排好鍾意既4個字.
呢4個字都講得好岩.
只要曾經搏盡, 人生才可以無悔.
嗯.
但凡事其實都唔可以用遲同早去定斷.
唯有 努力咁過自己依家擁有既一生. Posted at 2011-03-05 10:05 PM [ 編輯 ] [ 刪除 ] |
|
|
人既感受其中有兩面-樂觀同悲觀,
按照你咁講,
都已被悲觀侵占。
其實,
你可以轉個角度去諗,
試想像下貧窮國家人既生活同你而家既生活作對比,
或者睇有關影片,
自然知道自己生活有幾好,
有好多人想讀書,連機會都無,
但我地有得讀書,係咪應該好好去珍惜呢?
雖然有些專業知識係現實生活好少用得著,
但唔代表將來無用架嘛,
多一樣專業知識,你就多一條出路/一個機會。
而且知識係唔會嫌多,
「活到老,學到老」,「知識就是寶庫」,
呢d,你都忘記哂嗎?
|
網主回覆
再悲觀d我都試過.
只係突然想打哂出黎抒發下.
或者我真係好悲觀既一個人.
我知自己生活得好好.
知道自己好幸福.
但係我真係唔明點解要咁.
我覺得自己俾人standardized左.
好似同其他香港人一模一樣.
你明唔明. 學緊果d又唔係好專業既知識.
讀黎有咩用?
知識係唔嫌多.
但係我知道某d知識對我冇用.
咁我做咩要讀?
我冇唔記得以上兩句.
之後我會選擇去讀d我想讀既野.
對我有實際幫助既野. Posted at 2011-02-24 12:37 AM [ 編輯 ] [ 刪除 ] |
●// ------●
|
|
