今日我聽果d電台討論,,,
佢地話討論緊既,,,
係一間學校入面既校規
果條校規係話學生不准拍拖
其中有2個主持人(A同B)
A: 我地要細分D,係執著字眼既問題,談戀愛同拍拖係有分別既!!!
B: 有咩分別呢?
A: 拍拖就即係話我同你可以唔戀愛但係可以拍拖!!
B:下!!即係點?
A: 我同你可以拍拖,但係唔談戀愛!!
B: 即係點呀?
A: 咁咪即係淨係拍拖囉!!
B: 即係行街,睇戲,食飯果D?
A: 即係愛同性既關係囉!!
B: 咁戀愛係咩?
A: 咪即係我愛你你愛我咁囉!!
B: 即係戀愛可以係一種單純既愛,可以係思想上既愛!!
A: 你錯喇喎,愛係一種情感而唔係一種思想!!
B: 咁拍拖呢?
A: 拍拖係一種形式黎既!!
B: 即係行動黎既?
A: 係呀!!
B: 咁即係話係D表面D既野啦!!唔係太深入啦!!
A:係喇!!我地係咁定既!!
B: 咁即係拍拖唔等於談戀愛啦?
A: 可以咁講!!咁我問你喇,果間學校係唔准拍拖定唔准談戀愛先?
B:拍拖!!
A: 咁咩叫拍拖先?
B: 行下街,拖下手仔,KISS下咁囉!!
B: 咪住先!!咁學生談戀愛得唔得先?
A: 得!!因為談戀愛係一種情感,我地唔可以抑壓佢!!
B: 即係點?
A: 我問你喇,你談得戀愛就緊係會拍拖架啦,係唔係?
B: 下!我GET唔到你講咩喎?
A: 拿!!我而家解釋一次,談戀愛就即係你鍾意我,我鍾意你果D,拍拖就即係會有進一步行動果D,你明唔明先?
B: 呀!!我明喇,繼續啦!!
A: 咁即係表白左之後就會拍拖架啦,係唔係?
B: 係呀!!
A: 我唔可以控制你去鍾意果個人,但係我可以控制你,令你唔去拍拖,係唔係先?
B: 可唔可以再解釋得清晰D?
A: 即係好似你個頭好痕,我唔可以唔比你個頭痕,最多我唔比你AO架姐,明唔明?
B: 哇,咁咪重辛苦!!
A: 係呀!!我唔可以STOP都你個頭痕,即係我唔可以STOP到你去鍾意人,但係我可以STOP到你下一步既行動,即係拍拖!!咁而家即係話,我唔可以阻止你去愛你既同學或者同學去愛你,而家呢條校規淨係唔准你拍拖姐,得唔得?
B: 得!!
A: 咁所以而家D人去討論"中學生應否談戀愛"係廢既,我地唔可以阻止中學生去談戀愛,但係我地要去執著"中學生應否拍拖"
B: 咁即係呢條校規即係唔比拍拖!!但係可以談戀愛!!
A: 岩喇!!!
聽完之後,有D無奈,
但係又好似講得岩,,,
我成日都以為拍拖等於談戀愛,,,
但係聽佢咁講,,
又好似有D分別,,,
好亂呀!!
|
