我發覺..

我已經有成個月冇打BLOG= ="

係...係..我認我好懶..

最近看了一本有關夢想的小說

年青時的熱血幹勁

以及那含苞待放的夢想

漸漸就會隨著年華逝去

但求安穩而變得麻木的心態所焚毀

其實夢想不一定要驚為天人

可能你已經在你身旁卻未能發覺

不過未來的事又有誰能預知

除了靠自己以外

還需要運氣和機會

希望各位能朝著自己的夢想前進吧

我在此祝福大家~

呢幾日..

天氣真係非常"好"

天色灰暗唔好講

D北風至係最攞命

連續三日食火鍋(有點誇張..)

今日終於有飯食

熬呼呼的白飯同暖湯

好滿足耶~

其實今日冇咩特別事

只不過最近係一個朋友果到聽到一首舊歌

有點感觸

廢話不多說

去片~

今日..

我同MO仔一組去左賣旗

收益全歸公益金

一大清早六點幾就起左身

眼睏到爆炸

直至返到學校到係沒精打采

食左早餐先清醒返

講起今日賣旗

十個有成六、七個都係吉既= =

令我深明人世間既冷漠無情

只不過係一兩蚊

做下善事姐

使唔使咁吝嗇..

有D人直頭好似見到瘟神咁

避之則吉

不過都有好人0.0

有位先生

第一次見到我地冇散紙

後尾買左D咖啡之後搵返我地

再買返支旗

真係唔話得

嗯..

祝今日買過旗既朋友善有善報=]

企左成個早上

我隻右腳好痛

加埋之前既舊患

遲早都有關節炎= =

HEA左兩個鐘先到樂器班

果兩個鐘都係遊緊魂

但係今日總算係冇白過

能夠幫到人係一件好事

只係有感

時間真係流逝得好快

話說係星期四

我食晚飯果陣

有一條親愛既魚骨太鐘意我

卡左係我個喉嚨唔肯走

整左成晚得個吉= =

仲要搞到我個喉嚨勁痛

第二日

亦即係星期五果陣

仲有D痛

所以果日就冇上PE堂(我驚整到佢仲入D)

同史后睇住成班人點瘋狂地跨欄

星期六

我比人遊說可能只係心理作用

其實個喉嚨只係損左

我都信

但係點解

偏偏比我係星期日用手掂到條魚骨

所以

我今日就去左睇醫生

本來約左恩美去剪頭髮,,

都CANCEL埋

去到醫院

大約4點幾(原因係我1點幾先掂到佢)

等左個半鐘

終於

到我睇= =

個醫生向我個喉嚨噴左D止痛劑

然後用枝好恐怖既野伸入我條喉嚨到

搞左一輪

搵唔到(我都知..因為我自己都見唔到..條骨插得好深下)

就叫我去照X光

照完之後

都係揾唔到= =

我的天

跟住佢講左一句

令我萬念俱灰既說話

你咁堅持有

我諗你要照胃鏡

..............

唔理條魚骨會點呀

因為條魚骨係外來物

你唔理佢

個傷口可能會變成一粒大濃瘡

到時就要做大手術

..............

所以點?

所以我聽日要去照胃鏡

一切到因為果條該死的魚骨...

但突然又諗到

條魚骨卡係我喉嚨,,,

你照我條食道做咩= =

但係我既心情依然冇放鬆

..............

咁條魚骨點算..

◆◆◆◆◆◆◆◆

突然有感

原來健健康康的活著

就是一件很幸福的事

為什麼要追逐名利

以及源源不絕的財產呢

當然

心靈上的健康也是很重要的

不過

即使你有

多豐厚的財產

多高級的職位

多高尚的品格

抑或只是一個平凡的人

也無分彼此

一條魚骨

絕對會公平得很

令你飽受痛苦

嗯..

今天

我又再因為懶睡而起遲左..

趕唔切同恩美佢地食早餐

但好在都趕得切

係6:55分到達..

雖然都係遲左兩個字..

但係親愛既司機大佬仲遲

約左7:00

7:30至到達..

輛車仲要好正

係結婚用既車..(無言)

>>{恭賀果對新人新婚快樂}

就係咁

輛車震下震下就到左北潭涌

沿途差D嘔埋出黎..(差D)

我要特此聲明一樣野

我參加呢個模擬法庭既原因

係為左見識見識

同訓練下膽量同口才

仲有自信心

最後就係為左我張成績表唔會太樣衰

絕對唔係因為睇靚仔

至於睇靚仔呢回事

我諗呀靚同王重應該好失望..哈

入返正題..(越兜越遠添..)

然後我地好快就去左HALL到集合

首先係玩森林大火

多謝

多謝個GAME令我明白到寄人籬下係咩感覺

跪係到真係勁辛苦

搞左一大輪之後

我地就開始分組

而我比人分到去第6組

果組都有一個係PLKCFS既同胞

然後就正式玩關於法律既遊戲

很好

我同我D組只相處得唔錯

省下N字之後

就係食飯

去果上年2A班會CAMP既朋友

應該知道果到D膳食有幾正

冇錯

真係好正

有誰食過煮麻婆豆腐會加火腿既朋友請舉手

其實你舉唔舉手都好

我都見唔到

所以唔舉手係明智既選擇

飯後活動後

理應我地會4:00返屋企

但係親愛既司機大佬又未到

所以我地就去左兒童遊樂場

此刻既兒童遊樂場只有我地幾個

訓係個大轉輪果到

真係好舒服

抬頭一看

藍藍的天

幾朵白雲在暢泳

風

輕輕的吹過

從未試過咁嘆

如果可以有一片綠油油既草地

更加係錦上添花

這一刻

我覺得自己尋回久遺了的童真

兒時那沒有一絲雜念的快樂