今日同Alex MSN 諗住問返佢尋日有冇幫我講到俾佢知, 點

知俾佢鬧到我一面屁, 好無奈囉! 都唔知佢做咩發咁大脾氣

真係俾佢激死, 不過算啦, 佢發我脾氣我諗我都可以理解既,

下晝去左China Town諗住買d日用品, 順便行下, 原來都幾

遠喎, 淨係搭車都差唔多成個鐘, 買左好多野仲有張電腦檯,

拎到我死死下, 返到黎又要砌鑊勁既! 最弊就係張死人電腦檯

連圖都冇, 叫人點砌呀..... 砌左好耐終於都大功告成, 望下

個鐘, 嘩~! 原來已經10點幾, 但係仲未食飯, 唔怪得咁鬼肚

餓啦, 但係又未沖涼, 究竟沖涼先定落去買野食先呢? 諗諗下

都係落街睇下有咩食得既就求其買返黎食, 再夜d都唔知閂門

未。食完野見到間房鬼死咁亂真係唔想執呀, 但係又忍唔住執

左一輪先去沖涼, 搞搞下又整到點幾鐘, 諗住休息一陣就開電

腦, 實在太疲倦 點知又唔爭氣訓著左擘大眼已經係差唔

多4點, 弊! 嗱嗱聲開電腦, 點知.........太遲! 好對唔住 

終於都裝返個MSN喇, 但係就桃花依舊,面目全非, 起初諗住佢今

日要返工可能見唔到佢online, 哈! 點知佢今日dayoff喎, 真係

喜出望外, 同佢傾左好多野又收到佢d相, SO HAPPY佢問左

一d關於我同巧宜之間既事, 令我覺得佢一定係心存疑惑, 其實我

以前一直冇講都唔代表我同巧宜會有d咩發生, 要發生既話一早就

發生左啦, 點會等到今日先發生? 況且,我只係用平常心去睇呢件

事, 根本冇咩值得一提, 一日最衰都係個死人豬頭丙Alex, 趁我唔

(o係)度爆我咁多野, 不過算啦其實都冇咩唔俾得人知, 今次就索

性將呢個日記俾埋巧宜睇, 希望佢同巧宜都會明我點諗。

********************************************

真係要多謝Iris同埋Roy咁關心, 尤其是Iris竟然俾佢搵到中文輸

入法條link 仲send埋俾我, 我搵左好耐都搵唔到 佢真係唔話

得,抵錫呀~~ 哈哈! 但係另一方面我覺得自己真係要好好檢討一

下, 我之前send咁多e-mail出去, 回覆我既人竟然得小貓3幾隻,

真係成個人向下沉, 好灰囉  唉! 聽日又要見工喇, 希望見得成

啦...... 見完工去埋library 搵 Business Psychology 有關資料

就可以打道回府。

終於都搵埋最後一本Business Ethics, 咩都準備好晒可以鬆一

口氣, 但係仲未搵到野做有d旁惶, 見過幾份工都話唔請, 睇黎今

次真係要食西北風 d錢愈用愈少仲要留起一部份要黎返學, 我

開始後悔黎左呢度。尋日隔離房有個中東仔搬左入黎, 失驚無神拍

我房門俾佢嚇左一跳, 問我Cairns點去喎, 我心諗: 我都係黎左呢

度冇幾耐咋, 我點叉知Cairns點去啊? 真係俾佢考起 好彩我仲

有本簡單到唔恨既地圖, 既然都俾佢入左黎我房咁咪一睇地圖囉,

但係.....問題黎喇! 我發覺原來我唔識同佢溝通, 雞同鴨講咁樣,佢

起勢嘰哩咕嚕都唔明佢up乜, 聽落佢用d中東口音英文真係相當滑

稽, 或者佢都同我一樣諗法, 聽我d中國口音英文, 都係咁難頂, 哈!

我個腦突然間閃過: 都唔知佢係咪阿爾蓋達組職d人, 又可能佢係拉

登個仔都唔定?  唉!  聽佢講左好耐最後我都係唔明佢講乜 (應該係

佢唔明我講至真) 佢臨走仲猛咁講thank you, thank you, be my

friend, 都幾搞笑. 今日行過d賣Pizza既舖頭, 見到人地食得好知味,

咪買左個Pizza返黎食囉, 點知d餡料又少仲係凍冰冰既一d都唔好食,

下次都係唔好幫襯, 搵笨的...... 食完個爛鬼Pizza諗住坐一陣就去沖

涼, 點知又訓著左, 醒返已經係三點幾, 實在太疲倦喇!

有一個極之肚餓的小偷,在路上閒逛時,眼前忽然出現一間大屋,
　
屋內空無一人,在廚房內放滿美味的食物,讓他垂涎欲滴。

無奈大屋重門深鎖,小偷想從窗門罅隙爬進屋內,
　
但因為身體肥胖,鑽不過去。於是小偷決定不吃不渴三天讓自己瘦

下來。他在大屋外面餓了三日三夜之後,果然變得苗條,

真係皇天不負苦心人,他終於順利地從窗戶鑽進大屋裡面。

他在屋內大吃大渴,決定要為這不吃不渴的三天來一個大報復！

他盡情地吃,不知吃了多久,他終於心滿意足了。

但當他想走出屋外時,卻發現自己又因為吃得太肥胖而鑽不出窗戶,

於是只好留在屋內再餓三日三夜,瘦得跟原先一樣才順利地鑽出屋外。

返到外面世界的小偷,回頭看著大屋,不禁嘆息:~~

我空著肚子進去,現在又空著肚子出來,真是白忙一場啊！

　
我起初以為呢個故事告訴我們,人孑然一身來到這世界,

到最後又孑然一身的離開這個世界,到頭來還不是白忙一場嗎？

原來這個故事卻說出人的一生勞勞碌碌,營營役役,但在過程中

仍有不少值得我們懷念的地方,這個故事重點是在中間的部份~

試想想!小偷在大屋內吃得多麼的快樂啊！

(即使生命是一場空,也要活得精彩,縱使人生是白忙一場,也要忙得

快樂)無論你心情好壞與否,接下來的日子還是要過;

停下來讓心靈休息一下,作一個深呼吸,讓自己平靜下來......

珍惜身邊的一切,珍惜跟朋友相處的過程,才是活得有價值!

終於都記得返個密碼,點知一login就嚇左一跳,原來個網站轉鬼左,

但係最可惜既就係以前d日記冇晒.......唉!幾經辛苦終於俾我搵到

部中文電腦,我可以打中文喇,好happy(wakaka.....) 日子過得好

快,唔經唔覺咁就已經3個星期喇,但係我仲未習慣呢度d生活,唔知

點解總係覺得呢度d人好冷漠,好似你係佢殺父仇人咁,成日眼超超,

我知道佢地大部份人都睇唔起d Chinese,不過算啦,我行我素話知

佢死,一於當佢地行屍走肉, 哈~!好掛住屋企人同朋友,黎左咁多日

都只係東奔西跑,唔係搵地方搬,就係要搵份工作,又要準備好多野,

真係十分疲倦,日日返到黎一見到張床就真係想撻落去幾乎唔想沖涼,

都唔知為左乜...... 好衰唔衰早幾日仲俾幾個死鬼仔打,搞到我手腕d

骨碎左要去睇醫生仲要照埋X-ray痛到我癲呀! 都唔知點同老豆解

釋!俾佢知道實鬧死啦,一陣又俾佢話我撩事鬥非,呢度咩都貴過人,睇

一次醫生又唔見左成舊水,我已經冇乜錢架啦,日日唔係食杯麵就係食

熱狗,真係食到反胃,如果仲搵唔到野做我都唔知點捱落去,好想食媽媽

煮既(食送)我諗短期內都冇咩可能,唯有靠幻想啦,唔知(小便飯)而家

做緊咩呢?好掛住佢 仲有好多朋友仔唔知佢地又點呢? 唉! 希望聽

日搵工順利啦,凍到死都係早d訓明天繼續努力吧!!