呢次大鑊!!!!

"阿邊個" 病左, 唔知點搞....

今日業主過黎收租既時候,抱住一隻唐狗仔,個樣都幾可

愛,加上又有少少蠢蠢地咁都幾得意,一問之下,原來狗仔

媽媽一次過生左4隻,因為業主屋企唔夠地方,所以打算將

呢隻送俾人,我見佢既然都係送俾人,反正仲未有人收養,

我就提議佢將狗仔送俾我,況且佢第日又可以成日上黎探

下狗仔,一舉兩得.業主聽到我咁講好開心,所以就決定將

狗仔交俾我好好照顧,um.....第一件事就係要幫狗仔改番

個名,叫咩名好呢??? 不如就叫做...............哈哈!!

測驗完左終於都可以鬆一口氣,幾日冇打過日記喇,好在前幾日

都冇咩特別事.收到巧宜個e-mail,仲有幾張相,佢好似明顯比

以前瘦左,佢以前都瘦架啦~ 點知而家仲瘦,好似飢荒咁......

都唔知係咪死人Alex疏忽照顧細妹.  

無無聊聊咁又3點半.........好眼訓,唔想寫喇  聽日測驗希望

唔好衰啦,唉~!冇乜信心添........

終於都做完功課,望下個鐘又3點幾,唉~!日日都係咁,悶死人!

同阿盈傾左一陣msn,好開心啊,估唔到佢有睇我日記,都仲識

得問候我一聲,有d感動添,雖然佢個blog唔可以留言,不過齋

睇都好過冇啦,哈哈~~要快d上床訓先得喇,就黎又到4點,我

諗佢今日都係唔會開msn,算啦.........!

收到巧宜個e-mail有d喜出望外,估唔到佢都幾有我心,算佢識

做啦好彩佢幫我搵到d資料,如果唔係,我份功課都唔知點見

人,呢餐茶都值得請既,走唔甩啦,不過就3,4年後先還囉 哈哈

thank you晒你

我呢邊已經12點喇,仲未見佢online.......... 唔等佢喇,

我要做功課喇, 唉!

已經有兩,三日冇開電腦喇,淨係e-mail都幾十個,呢度又有幾

個message,用左少少時間逐一覆晒.前晚可能沖凍水涼,唔小

心又冷親,好似有少少惑冒,不過都冇咩大礙,今日終於都有假放,

但係晏d又要做功課,好彩份功課都唔算難做,我諗今晚應該可以

早d訓,前日返學落車個陣唔記得拎番本書,漏左係架車度又要

再買過,唉~!真係論鬼盡.難得今日放假,又唔見佢online,真係冇

癮.........

好眼訓....今朝仲要替假返早,放左工又要去圖書館,功課堆積如山,唉~~

一日得24小時實在唔夠用.唔寫住喇,再唔出門口就遲到喇!

又3點半喇,仲係唔見人,算啦,唔online喇,再online又有咩意義...

給我一個留念,給我一個幻想!影多d相吧,可能有一日......

尋晚終於見到佢,同佢傾左一陣msn 佢講左幾句說話令我

好難堪,原來到左而家佢仲係咁樣去睇我,好失望,

唉!君子之交....根本從來冇信任過.

已經兩點半喇,唉!又係唔見人,唔等喇

已經等到你4點喇.....仲係未見你,唔使問你梗係......

算啦!我唔再等喇...........

係時候放手,離開!

夜夜也沒有像這夜那麼靜
似聽見這顆心滴血聲
回味著妳昨晚像惡夢似的話
妳給我的竟不是愛情

是妳說從來無人像我在做盡傻事
竟然仍然認真對這玩意
為何從前愛得極度容易
將來和誰再講這段趣事

纏綿遊戲過後　為何能捨得放手
是定律或是愛不夠
告訴我這段纏綿遊戲過後
為何情不可永久　是事實並沒有真愛
或根本我未看透

但覺得從前情人在世上並沒存在
多年來從未真正去被愛
來來回回我只站在門外
一時糊塗妳只當做意外

衷心祝褔周x盈學有所成,百尺竿頭,更進一步,俾心機啊!

精神上無限量支持你,肉體上就........講笑咋!哈哈!!

Anyway, wishing you all the best in the future! 

一位老伯行經公園,發現一名少女獨自坐在長椅上不斷哭泣,老

伯好奇地問少女為何那麼傷心,少女說: [我的男朋友剛剛跟我

提出分手....] 老伯聽了之後放聲大笑, 那少女見老伯這麼的舉

動便憤怒地說: [有什麼好笑?我剛剛跟男朋友分手,反而還在嘲

笑我?你這樣的人是沒有同情心嗎?] 少女說完之後更加抱頭痛

哭,只見老伯輕描淡寫地對她說: [你的男朋友跟你提出分手,為

什麼要這樣難過呢? 試想想, 你只是失去一個不愛妳的人,根本

不值得傷心, 而你的男朋友從此就失去一個愛佢的人,傷心的應

該是你的男朋友才對, 嘗試用另一角度去看每一件事,或者妳會

有另一番的體會 。]  

放左學去完圖書館搵齊晒所有書,就順便落唐人街買野,估唔

到俾我撞返好耐之前既同學Zoe,佢個樣變左好多,我已經唔

認得佢,如果唔係佢行埋黎問我係咪蔡澤民,我根本就唔知佢

係乜水,聽佢講,佢已經過左黎呢度差唔多6年,唔怪得升上中

學之後就冇晒佢消息啦,原來佢同屋企人移民左黎呢度,佢屋

企人都幾本事,6年之間由一個唐餐侍應變身成為雜貨舖老闆,

佩服!佩服!雖然唔係咩大舖頭,但係日常用品都算齊, 咩都有

得賣,不過d價錢就好似貴左少少囉,既然咁都撞得番佢,又係

一場同學,唯有幫襯下啦,我地傾左好耐,原來佢當初同屋企人

過黎,佢都有繼續讀書,由於成績唔係太理想,屋企人又計劃開

雜貨舖既關係,所以決定暫時離開學校去幫屋企人發展雜貸王

國,點知一做就做左幾年,已經唔想再拎起本書,佢講左一d 呢

邊生活既小小tips俾我知,話希望會對我有用,臨走前仲請我飲

左支Beer。返到屋企門口嚇左一跳,發覺屋企隻門打開左, 我

以為有賊入左去,原來係我出門口既時候心不在焉, 唔記得鎖

門真係嚇死! 好彩冇唔見野,可能呢個房夠隱蔽就算冇鎖門

都冇人發覺,有時住得隱蔽,偏僻,都唔係一件壞事,下次出門口

都係小d,記得鎖門,未必次次都會咁好彩,哈哈~~!

今日放左學要去圖書館,所以唔得閒寫日記,都話左冇野睇

咯!你仲入黎睇?傻人!

有一對情侶，男的非常懦弱，做什麼事情之前都讓女友先試。

女友對此十分不滿。一次，兩人出海，返航時，颶風將小艇摧

毀，幸好女的抓住了一塊木板才保住了兩人的性命。女友問男

友："你害怕嗎？" 男友從懷中掏出一把水果刀，說：我怕，但

有鯊魚來的時候，我就用這個對付它。" 女友只是搖頭苦笑。

不久，一艘貨輪發現了他們，正當他們欣喜若狂時，一群鯊魚

出現了，女友大叫：我們一起用力游，會沒事的！ 男友卻突然

用力將女友推進海裡，獨自趴著木板朝貨輪游去, 並喊道：這

次我先試！女友傻住了，望著男友的背影，感到非常絕望。鯊

魚正在靠近，但對女的不感興趣反而直接向那男友游去，男的

被鯊魚凶猛地撕咬著，他竭斯底里地向女友喊道："我愛你！"

 女友獲救了，甲板上的人都在默哀，船長坐到女友身邊說：

小姐,他是我見過最勇敢的人。我們為他祈禱！不，他是個膽小

鬼。女友冷冷地說。您怎麼這樣說呢？剛才我一直用望遠鏡觀

察你們，我清楚地看到他把你推開後用刀子割破了自己的手腕。

鯊魚衝著血腥味而游去你男朋友那處，如果他不這樣做來爭取

時間，恐怕你永遠不會出現在這艘船上.......

*******************************************

當我睇完呢個故事,我明白有時候,人做出一些事情,是不必向任

何人說明的,只要對方領會便足夠。

終於都搵到份PART-TIME,如無意外下星期就會返工,由於

工作時間長,我諗唔會再有太多時間寫日記或者上網,好多野

我諗都應該係時候結束,對某d人黎講可能係一種解脫。

不必再等

曾經聽過一個故事,頗有意思,希望同大家分享一下:~

兩個和尚往山上取經,途中遇到一條河流擋路,在河邊有一位身

穿華麗衣服的姑娘正在愁眉苦臉,她怕涉水而過會弄濕衣服。

其中一位和尚二話不說,就揹起了那位姑娘過河,上岸後便將姑

娘放下來,繼續向山上行。當兩名和尚行了一個小時後,那一位

沒有揹姑娘過河的和尚終於忍不住出聲了: [所謂男女授受不

親,和尚是不能接近女色的,你剛才的行為已經犯了大戒,到了山

上,我必定會向主持稟報,讓他好好將你懲處。]那位和尚聽了呢

番說話之後,不但沒有害怕甚麼,反而氣定神間地回答:[我在一

個小時之前,已經將該位姑娘放下來,為何你到現在還未放下?]

故事話俾我地知無論你用任何角度去睇一件事,就算對方是錯

與否,放下執著,懂得包容,又有何不可?何苦耿耿於懷......希

望各位朋友睇完呢個故事之後有所得著, 原諒你身邊曾經犯錯

的人吧!

今日去左Donnell屋企做功課,佢男朋友仲整蛋糕俾我地食,估

唔到佢堂堂男子漢竟然識得入廚,相比起我就叻好多,Donnell

屋企好大,又有細花園環境唔錯,雖然佢屋企好多人住,但係一d

都唔覺得嘈,唔知係咪外國人d生活就係咁,就算屋企住左幾多

人都好,只會各自各忙,到左食飯時候先會坐埋一齊傾偈.可能個

蛋糕太好味,我食完一舊仲想食第2舊,哈哈~~不過我覺得唔好

意思,話晒都係第一次去人屋企,唔想搞到自己好似幾日冇開飯

咁,太肉酸失禮人就唔好啦,食完蛋糕就開始做功課,因為大家上

堂既時候都係去左太空旅行,所以由頭開始重新整理過d筆記,

做完功課已經差唔多8:00,Donnell留我地食飯,我話唔好,因為

我想快d返屋企,我要開電腦online,況且都唔想打搞人咁耐,但

係Kalee同Donnell就同一時間開口叫我留低,唔好意思推佢地

之下,我唯有食埋飯先走, 餐飯食得好唔自然,十幾人同檯食飯,

我又唔知講咩好,好想快d食完就走,不過望見佢地咁多人一齊食

飯,突然間又覺得好warm.餐飯食到一半我開始後悔,佢地食飯

實在用太多時間,成個鐘頭先食完一餐飯,同我平時三爬兩撥就

食完,完全好大分別.唔係好慣食餐飯用咁耐時間,下次都係唔好

搞我

點解要呃我?

坦白講咪得囉,點解要咁做?

其實坦白講出黎,我唔會怪你喎.....

枉我咁信你,唉...........!

尋晚煲既湯真係好失敗,淡茂茂咁,同飲滾水冇咩分別,

可能係第一次既關係,我原諒左自己,哈哈~ 聽iris講

原來我唔單只冇買到紅蘿蔔,仲冇買d肉放入個湯度一

齊煲,唔怪得冇味啦,咁鬼煩下次都係唔好搞我,飲返d

可以用微波爐叮叮下就算......

又到左中秋節,今年我諗都係冇咩中秋節氣氛架喇,一

個人在異鄉過中秋都係第一次,黎緊呢兩,三年我諗都

唔會好得去邊,希望屋企人同朋友過得開心d啦,咁多位

Happy MidAutumn Festival呀!

今日Donnell問我點解屋企人唔同我一齊過黎住,我冇答

佢,心諗:你估我黎渡假咩?!我都想有屋企人陪我住,邊

有咁多錢喎,唔使搵食咩~~?不過我諗佢都係唔明,算啦!

今日個presentation都做得唔錯,雖然拎唔到高分數,但

係起碼都唔使墊屍底,哈哈!

收到第一張中秋賀咭,竟然係巧宜send俾我, thank you

巧宜希望下一張係佢send俾我啦

今日係KC生日,可惜上年應承左請佢食飯到而家仲未實行,

我諗呢餐飯都係有拖冇欠架喇都唔知幾時先有機會,希

望佢大人有大諒,唔好怪我啦。

今日有份Business Ethics既paper要group work做,心

諗:點做啊?又唔識人搵鬼同我一組咩~~?好彩Kimber同

Donnell都幾好人,肯同我一組,不過我d英文就.......真係

要佢地就下我唔好講得太快囉,最好聽日個presentation

唔使由我負責啦尋晚份功課做到兩點幾先做完,諗住開

MSN同佢傾一陣就訓,點知唔見佢online,有d失落。見到

盈仲未訓,同佢say hello傾左兩句,又好似冇咁眼訓咁樣,

不過最後都係offline去訓覺,廢事唔知醒起身返學,雖然今

日上堂冇恰眼訓,但係就好悶囉!放左學去街市買左d蕃茄同

埋薯仔仲有洋蔥,今晚決定進行我既煲湯計劃,因為好耐都冇

飲過湯,加上尋日同盈講開我好恨飲湯,所以就......哈哈,唔

知成唔成功呢?我諗應該唔會好難煲掛?一路行,一路諗點整

個湯先好味?薯仔成個放入去定係切開佢?使唔使剝皮?究竟

係咪水滾先放晒d野入去......? 咁如果等水滾先放d野入去,

會唔會唔熟架?返到屋企先醒起原來我買漏左紅蘿蔔,不過算

啦最多咪唔落紅蘿蔔囉!!好啦,死就死啦!博一博啦

打呢編日記之前,我收到一個電郵,呢個e-mail上提及(犧牲)

兩個字,令我有感而發:-

有一班小朋友去到一個火車站玩,火車站有兩條路軌,兩條路

軌之中,一條還在使用,而另一條則已停用多時荒廢了很久,其

中一位小朋友選擇在荒廢的路軌上玩,好明顯他知道在荒廢的

路軌上係唔會有火車經過,非常安全。而其他的小朋友則在使

用中的路軌上玩,當火車黎到既時候,而擔當鐵路員的我正正就

站在路軌轉換器前面,究竟我如何決擇呢?最後,我決定將火車

轉去已停用多時的路軌上,就這樣,我從正在使用中的路軌上,

救回那班小朋友,但係就犧牲了在停用路軌上的那一位,夠竟我

咁樣做是否正確呢?諗深一層,選擇在荒廢路軌上玩的小朋友,

明知該路軌係安全,但係點解偏偏到最後死的還是他?我起不是

做錯嗎?但係我相信大部份人既諗法同我一樣,都會將火車轉去

只得一位小朋友的路軌上而去救返一班小朋友, 因為理論上事

件只有一人犧牲,但其實好多事情都好難作出取捨,當我們覺得

事情係理所當然既時候,往往就會有人犧牲,希望為此而犧牲的

那一位能夠原諒我的過失, 對你的不公平實在難持其疚, 道德

觀念 "對" 與 "錯" 有時真係好難定奪, 掉轉你係鐵路員的角

色, 你又如何取捨呢?

今日冇乜心機上堂，可能唔慣啦，好似成日俾人望住咁，其

實有咩好睇喎...... 大部份時間都好似遊魂咁, 幾乎遊遍整個

銀河系, 放食晏仲衰, 無啦啦倒瀉晒d汽水, 搞到好狼狽, 好彩

冇乜人睇到。下晝都好d, 起碼我都冇遊魂, 間中都有聽下書

(不過只係間中) 唉! 其實個腦一片空白, 都唔知學過d乜? 成

日諗住快d落堂, 根本都冇心機聽佢講乜, 好難先捱到夠鐘放

學, 諗住返到黎會舒服d, 點知都係一樣, 對住佢d相傻下傻下

咁, 諗住check 下 e-mail 啦, 原來得一個e-mail 咁大把,仲

係d無聊野添, 隔離房個人仲聽埋晒d印度歌,煩死人, 唉.....

好悶, 唔知自己想點, 又疲倦 冇心情打日記.........

有時真係唔明, 點解我做任何野都係俾人鬧?

我係唔係篤眼篤鼻? 好剋人憎? 如果係既話,

咁我少d, 甚至唔出現, 咁樣對你地會唔會好d?

既然係咁, 不如..........保持沉默!

反正將會好忙, 我諗連空閒時間都唔會有好多,

倒不如...... 就這樣吧!!

冇心情寫落去~ 算! 唔寫!!