今日係同事Joe 結婚擺酒的大日子，地點係沙田麗豪酒店，係紅磡火車站等車時竟然俾蚊咬喎，乞人憎呀．．．架車又勁多人喎，仲有個滿頭頭油、個樣十足十似北上尋歡的核突男人撞埋黎，救命呀，好似俾佢污辱左咁，落車叫人借借又冇人有反應，嬲得滯用腳踢開前面女人個行李車，鬼叫一個二個扮聾呀！！！去到酒店見到已經有同事到左打緊牌，等左一陣影左幾幅相，九點半就開始上菜，但係上菜上得好慢，感覺上就係等．．．等．．．再等，唔知點解0199, 0296 同0082 會咁多野講，好似舊朋友重逢咁，成日講想當年．．．其他同事都好靜，而我就超眼訓，十一點幾就同大雄同問米婆走先喇，去到巴士站就有車喇，好好彩，好快就去到灣仔，唔使一個鐘就返到屋企喇，好野！！！係度祝阿Joe 同佢老公新婚快樂，永結同心！！！

尋日去ICE FIRE 諗住買短褲，但係試極都唔岩心水，同埋我宜家著三十腰都覺得好緊，要著三十二腰呀，唔通真係肥左係個肚度？？？