今日同上次一樣照舊晨早流流天都未光齊就起身返學等坐車走人去大埔

返到學校見到好多人都返左黎,跟住就去左吹水,吹吹下水 丁sir叫我過去,醒左塊薯餅過我食[ 丁sir對我都好好嫁 ]

話咁快就到左大埔,跑左兩個圈熱身之後上左看台坐,坐坐下冇野做又悶去左場到幫人做打雜汁頭汁尾=.=

睇左成朝比賽,終於到我推鉛球,去到召集處見到個個都肥施大隻咁,得幾個係正常既,心諗都凶多吉小,點知D肥仔睇得唔推得,推得同我差

唔多遠,有驚無險入左決賽,本來有信心入到三甲,點知想用返學左個D野個時全部都用唔返,最後拎得個第6返黎,好失望!!

過左陣睇埋個4x400之後同埋佢地去左食Lunch,個時有講有笑,好好玩仲有人請飲野。

食完飯返左去個場到拉下筋練下交棒,準備之後既4x100決賽,過埋其他個d比賽,終於到左4x100。

上線個陣好有信心可以跑到好成績,不過希望越大失望越原來係真嫁,當我接到捧跑第一步個時,兩隻腳一齊抽筋,雖然我忍住痛照樣跑埋

佢,但係跑得好慢,見到其他人離我越黎越遠.........越黎越遠,個種絕望既感覺真係好難受,終於都衝左去終點,我都再忍唔住訓左係地下,跟

住就再企唔返起身,當時望住個天個腦一片,直到d救傷隊黎扶我去救傷站坐個時先回左神返黎,D救傷員幫我拉完筋之後,叫我自己一個坐

低休息,個時我終於忍唔住喊左出黎,我覺得好對唔住我頭個3棒仲有哂左牙si對我地既期望=[  人生多左個遺憾,不過妳講得岩,係我自己

唔做好D熱身,搞成咁都係自己攞黎,無得賴。

 坐係救傷站個時,老師接力開始左,一開跑個時Miss連落後左少少,跟住交左捧比毛sir,見到佢一個追幾個,成場都係到嗌,好好氣氛,連我都

忍唔住一個人係救傷站嗌左出黎,跟住交左比鍾sir,估唔到佢都可以跑到咁快,最後交左比丁sir,見到佢谷到塊面紅哂咁,好落力,最後係個

組得2名順利衝左線,跑完丁sir走左過睇下我點,跟住去左第二度。

個時真係痛到企唔起身,最後比人用輪椅推我返看台,坐左陣落返場參加閉幕禮,忍住痛企左半個鐘終於完左,坐車返學校搞班會活動。

坐車個陣係到玩.八掛.傾計,暫時忘記左d唔開心既野[ 對我黎講有計傾都好好啦 ]

返到學校又傾左陣計就去左班會活動,輸左比賽無心情玩又唔想影響到人食左d野就出左去自己一個人出左去坐諗下野,跟住合群左一陣

打下Ball咁,然後夠鐘汁野返歸走人。

預左冇人會睇哂佢,不過當做發洩都打左出黎